كيف تبخل في ابن عمك

[معلومات العضو محمدباني المخاريم]

ودي أعلن كلمةٍ لي وتسمعهـا البشـر=يعتبر منهـا المحنّـك وينساهـا الغبـي
أنت ياللي كثر مالـك وطاريـك أشتهـر=وصار كـلٍ وده يصيـر منـك مقربـي
لاعطاك الله وجيبك مـن المـال أنفجـر=كيف تبخل في أبن عمك وتكرم لأجنبـي
تكرم القاصي وتصرف عن الربع النضر=وجانبك زينٍ للأجنـاب ولربعـك وبـي
كان ذا جهـلٍ فـراع الجهالـة ينعـذر=والخطاء ماحدٍ سلم منه ياكـود النبـي
وأنتبـه ليّـامـك ألمقبـلـه وأخــذرالحذر=وإن هذا طبعك فتخسا وتخزا وتهبي
كان ماقدرت ربعـك فـلا عنـدك خبـر=صرت مثل اللي مع الناس ماله مذهبـي
لجنبي لا لحقك الضيـم جنـب وأعتـذر=وأبن عمك لاصفق منكبٍ فـي منكبـي
ياقف بصفك وياطا علـى ثـرك الخطـر=عاصبٍ رأسه ومعـه السـلاح مزّهبـي
محزم(ن)عند اللوازم تشد بـه الظهـر=لاجتمع لمع النمش والمحبـب لاشهبـي
ودي أعلمك وخذ الدروس مـن العبـر=واعتبر من فعل راع الوفا الحـر الأبـي
ذاك فهد فريج حر(ن) على العليا شهـر=دايم(ن) فـي قمـة المرجلـة مايغتبـي
نظرته صوب المعالي على طول الدهـر=ماضي فعله وطيبـه ماهـوب يجّربـي
يكرم الأقصى والأدنـى ووقفاتـه فخـر=يوم غيره عند ربعه مثل راس الضبـي
والختام أ زكى صلاة على سيـد البشـر=الأمين وخاتم الرسـل مـا بعـده نبـي

 

 

 

 

[معلومات العضو مبارك بن شافي النتيفات]

صح لسانك واعتلى شانك يالقرم

ويستاهل ابن فريج ماقيل فيه

عزالله انك كفيت ووفيت في كل بيت قلته

شاعر جزل ولا تجيب الا جزل

تقبل مروري طال عمرك

 

 

 

 

[معلومات العضو ابو زابن المسعري]

صح السانك يابن باني واعتلى شانك وبيض الله وجهك على القصيده الجزله

 

 

 

 

[معلومات العضو محمدباني المخاريم]

صح بدنك يابو شافي على مرورك العطر والله يبيض وجهك . والضاهر مافي هذا المنتدى إلا أنت وأبو زابن المسعري بيض الله وجيهكم

 

 

 

 

[معلومات العضو محمدباني المخاريم]

صح الله بدنك يابو زابن والله لايهينك ويطول عمرك

 

 

 

 

[معلومات العضو شافي بن راشد النتيفات]

ارحب يابوباني الا كلنا موجودين لكن الظروف تحكم وانا اخوك وانت تعتبر من اهل المنتدى والمحل محلك اما بالنسبة للقصيدة فوالله مايلحقها كلام صح الله لسانك ملايييييييين وابن فريج كفو ويستاهل عزالله صدقت