مرحباء

**معلومات** **العضو** · 29-12-2011, 10:44 AM

مرحباء يلي على بالي حظر
مرحباء بلجادل الغر اللطيف
مرحباء مظمونها ريح العطر
والنفل والفل وازهار الخريف
حبها في القلب باني له قصر
ساكنه وحده ولاغيره وليف
الجمال بحظرته ماله اثر
نادرن حسنه ولامثله وصيف
العيون وساع نظرتها خطر
في صميم القلب مظربها عنيف
والجبين تشوف به نور القمر
لاكتمل بدره ونور كل ريف
والشعر شلال من فوق النحر
وانفها حده مثل حد الرهيف
والشهد محلاه في ذاك الثغر
لابتسم منه العدو يصبح حليف
وعنقها مارق مثل عنق المهر
والنهود صغار مع خصرن نحيف
والردوف من الكبر تعطي عبر
ظامرن بطنه مثل بطن العسيف
ياوليفي منك لاعلم وخبر
ودمع عيني صار من صدك ذريف
جازني وصلك وخذفيني الاجر
خابرك ياصاحبي قلبك صخيف
ولاتخلي الخوف في وصلي عذر
استميحك عذر عذرك ذا سخيف
لجل عينك غصت غبات البحر
ونتقيت اللول والدر الظريف
ثم نحت ابيوت شعري في صخر
وسط ظلعن نابين عالي منيف
وقلت في نفسي غدا حبه قدر
درب حبه بسلكه لوني كفيف