الخبث في الاعداء ما يلحقـه لـوم .!

[معلومات العضو حرآير]

صبـاح \ مسـاء
الخيــر


,
,
,

ويش انت تبغي بي معا طاري النوم
طيفك يبيتني ولابـه مناعـه .!


احط خدي شوي واطريك واقـوم
ويغزي السهر عيني ولابه فراعـه


اسري وادور خط ماهو بـمزحـوم
واقول للهاجوس سمعـا وطاعـه


من غبت حافظ لك وسط جوفي البـوم
ما اغير اقلب بالصورّ كل ساعه


وجهك على جـدار المعاليـق مرسـوم
عين المهاه وخـد يبـرق شعاعـه


عز الله ان النـاس معطـى ومحـروم
فلان شاري فـلان وفـلان باعـه


غدا بك الوقت الردي جعلـه القـوم .!
والروح عقبك عايشه في مجاعـه


غذيتها دمع وتناهيت وهموم .!
والقلب لا غذي مـن الصبـر زاعـه


اي والله احبـك و لا ادري وش الــوم
الوم وصلك ولا الوم انقطاعـه .!


با حلفك بالله هـو يقبـل السـوم .!
قلبا ً ما صدق فيك هرج الاشاعـه


واحلفـك بالله والقلـب مضيـوم .!
متاك تنسى عاشقـك وارتياعـه .!


حبك بكوم وصدك التالـي بـكـوم
فليت لجروح الليالـي شراعـه


ان كان ما يجيبك سوى جرح وسهـوم
اجرح ويفـداك الحشـا والتياعـه


قصايدي باسمك سبت كـل مهيـوم
لين فضحتني في عيـون الجماعـه


ياللي تواصل يوم وتغيب كم يـوم .!
غلاك في نقصان عقـب ارتفاعـه


سكين غدر الوقت قاتـل ومسمـوم
ويالله سترك من طعـون البشاعـه


متسحرك قلبي ولا فادك بك صـوم
ما كني موصيـك واقـول راعـه


مابه على دنيا الفنـا حاجـه تـدوم
واكبر دليل الحب ضعت بضياعه


يا ليل وش سراك في قلب مظلـوم
منت برفيق لـي ولا لـك وداعـه


سريت متثبت وذا الحيـن منجـوم
وش يرحم المشتاق والشوق لاعـه


فـيا من تقول ان الحكم دايمـه دوم
وش رايك ان الضد يصبح ( قناعه )


ركز معي واسمع مفاهيـم وعلـوم
عشان تدري كيف حبـك الصناعـه


الخبث في الاعداء ما يلحقـه لـوم
والكذب لجل الوصل ينهي القطاعـه


وطعم السهر بالحب احلى مـن النـوم
والذل من فرقـا المحبـه شجاعـه


يعني اكون اغليك واعيش محـروم
احسن من جروحك علي كـل ساعـه

.
.
.

مما راق لـي

 

 

 

 

[معلومات العضو شافي بن راشد النتيفات]

يعطيك العافية على النقل الرائع والاختيار المميز

 

 

 

 

[معلومات العضو حرآير]

المشاركة الأصلية كتبت بواسطة شافي بن راشد النتيفات

يعطيك العافية على النقل الرائع والاختيار المميز

يعـافيـك ي الغـالـي
نـورت
لا عدمنـا منـك

 

 

 

 

[معلومات العضو عبدالكريم العماري]

يعطيك العافية على الاختيار الرائع

تحياتي وتقديري

 

 

 

 

[معلومات العضو مبارك بن شافي النتيفات]

لاهنتي على النقل الرووووووووووووووووعة

تحاياي

 

 

 

 

[معلومات العضو دغش محمد الصخابرة]

يعطيك العافية على الاختيار الرائع

تحياتي وتقديري

 

 

 

 

[معلومات العضو حسن آل بريك]

مشكووووووره والله يعطيك الف عافيه

 

 

 

 

[معلومات العضو الهاج ـري]

من غبت حافظ لك وسط جوفي البـوم
ما اغير اقلب بالصورّ كل ساعه


وجهك على جـدار المعاليـق مرسـوم
عين المهاه وخـد يبـرق شعاعـه


عز الله ان النـاس معطـى ومحـروم
فلان شاري فـلان وفـلان باعـه


جات على العوق لاهنتي على النقل يالطيبه

 

 

 

 

[معلومات العضو بنت الذيب]

صح لسان من قالها

وتسلم يمناج ياحراير على اختيارج الزين

ربي لاهانج