يا ليتها عن مغلق الصدر صدّت ...

[معلومات العضو ابكي واجامل]

قلت آه من صبرٍ صبرته على الكود
ومن ونةٍ للقلب جاحت وقدّت


ونّة عتب ونّة غضب مالها حدود
يا ليتها عن مغلق الصدر صدّت


لو هي بحيدٍ ذوّبت كل جلمود
على الضماير بالهضايم تحدّت


قامت تعرّض لي بالأيّام والسود
إن قلت قفّت عوّدت لي وردّت


إن قلت هانت بالحشا جابت الزود
وجاحت خفايا ضامري واستجدّت


وزادت جروح القلب بجروح ولهود
ودنياي مالت عن سنعها ولدّت


والعين كن بنونها ملح بارود
على السهر كل الليالي تحدّت


تسهر وبعض الناس هِجاع ورقود
وهي تبي فرقاه ما فيه لدّت


ونشدت يا تركي عن اللي بهم جود
وقالوا ضعون أهل المروات مدّت


العدل من شدّو مع الناس مفقود
وبفعالهم عمسين الأريا تقدّت


منزالهم خالٍ تصافق به النود
من يوم عنه اسلاف الأجواد شدّت


أقفوا عن الدنيا هل الخيل والقود
اللي فضايلهم على الناس بدّت


هل الفعول ولبسهم صنع داوود
وهل المهار اللي على الضّد كدّت


عصمان الاريَا مشرعة كل مجرود
ليت الليالي السود عنهم تعدّت


الناس بالايّام طارد ومطرود
ياليتها بأهل المروه تحدّت


وطير الفلاح اللي عن الصيد مردود
عقبه تبوعٍ علّمت واستهدّت


أشوف ناسِ عندها الحقد ماجود
ونفوسهم عن كل عليا تردّت


العدل في ساحاتهم صار مفقود
وعن الفضيله جنّبت واستردّت


ما يرفعون النفس عن كل منقود
ان ما تعشّت عرضها له تغدّت


تعطى عن العليا محاريف وصدود
ووجيههم ما قيل بالجود ندّت


محمد السديري (ت 1400هـ) رحمه الله

 

 

 

 

[معلومات العضو عبدالله الحافر الغييثي]

الله الله صح لسان امير الشعر ورحمه الله رحمة واسعه,,,انتقاء رائع يدل على العلو في الذائقه الشعرية اهنيئك على حسن الانتقاء

خالص تقديري واحترامي

 

 

 

 

[معلومات العضو غلا مطير]

صح لســــــان الشااااعر
يعطيــــــك العااااافيه ‏
مشكووووووووووور
ولاهنت عالنقــــــل


ودي

 

 

 

 

[معلومات العضو مبارك بن شافي النتيفات]

الله يغفر للشاعر ويرحمه

ولاهنت على النقل

 

 

 

 

[معلومات العضو سالم الخضراني]

رحم الله الشاعر


لاهنت وسلمت يمينك على النقل المميز


تقبل تحياتي وتقديري

 

 

 

 

[معلومات العضو خالد المشاويه]

الله يرحم الامير محمد السديري

ولاهنت عالنقل الرائع سلمت يداك

جزيل الشكر والتقدير

 

 

 

 

[معلومات العضو ابكي واجامل]

الله يعافيكم ويشرفني مروركم

 

 

 

 

[معلومات العضو دغش محمد الصخابرة]

الله يغفر للشاعر ويرحمه

ولاهنت على النقل

 

 

 

 

[معلومات العضو شافي بن راشد النتيفات]

يعطيك العافية على النقل الرائع

 

 

 

 

[معلومات العضو حرآير]

إن قلت هانت بالحشا جابت الزود
وجاحت خفايا ضامري واستجدّت


وزادت جروح القلب بجروح ولهود
ودنياي مالت عن سنعها ولدّت

.
.
.

عز الله إبدآع لمآ كتبتي
صح لسآن شآعرهآ .. و تسلم يمنآج ع النقل
لآهنتي