ابي لمن طري اسمي بكي من لوعتي شيبان

[معلومات العضو ابراهيم ال بريك]

أبي ابكي من الضيقة وابعزف للهموم ألحان
أبي اطلق مواويل الحزن وبطرح كل دواويني


أبي أشكي أبي احكي ابوصف للبشر حرمان
أبيهم كلهم يدرون أبيهم يشعروا فيني


أبي لا من طرى اسمي بكى من لوعتي شيبان
أبي لامن طرى"عاشق" ذكر من كان يغليني


أبيهم يذكرون أني صرت بدمعتي غرقان
أبيهم يعرفون الهم هواللي صار يخاويني


أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني


أبي اترك لهم قصة وأخيّرهم على العنوان
يسمّوا "حزن "يحطوا "دمع" ..ما عاد يعنيني


أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني


أبي شخص يجي يمي و يقفل للعنا بيبان
أبيه يكون لي خلٍ وعلى حزني يواسيني


أبيه لمركبي مرسى وأبيه لغربتي أوطان
أبي لامن ذرفت الدمع لقيته لي يعزّيني


أنا ما أبيه يصبح ضلع أبيه يكون لي ضلعان
أبي لا من مشيت وطحت يحط يديه في يديني


إلامن خانني التعبير أبيه يكون لي لسان
أبي لامن سكتْ ألقاه ..يفهم من نظر عيني


أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني


أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني


أبي واحد يسكن بي وابطرد لأجله السكّان
أبي يسكن وسط قلبي وعمره ما يخليني


أبي أشعل شموع الحب وبأعطي من الغلا بستان
أبي أهديه باقة ورد ..مسقيها شراييني .

 

 

 

 

[معلومات العضو في صمتي لك كلام]

ابراهيم ال بريك قصيده تحمل معاني حزينه جدااا

ويسلم قلبك من كل شر ولا هنت على النقل المميز

ولاكن لم استطع التعبير بالكلمات بما قرأت فلي ذلك سيبقى



في صمتي لك كلام

 

 

 

 

[معلومات العضو مبارك بن شافي النتيفات]

ارحب يابراهيم

وصح لسانك وسلمت اناملك الذهبية على الانتقاء الرااااائع والمميز

مبدع كما عهدناك دمت ودام ابداعك

تقبل مروري نفداك

 

 

 

 

[معلومات العضو ابراهيم ال بريك]

المشاركة الأصلية كتبت بواسطة في صمتي لك كلام

ابراهيم ال بريك قصيده تحمل معاني حزينه جدااا

ويسلم قلبك من كل شر ولا هنت على النقل المميز

ولاكن لم استطع التعبير بالكلمات بما قرأت فلي ذلك سيبقى



في صمتي لك كلام

تسلمين والله اختي وشكرا لك لمروري بمتصفحي وشكرا علي الورد ودمتي بخيررررر

 

 

 

 

[معلومات العضو ابراهيم ال بريك]

المشاركة الأصلية كتبت بواسطة ابوشافي الدوسري

ارحب يابراهيم

وصح لسانك وسلمت اناملك الذهبية على الانتقاء الرااااائع والمميز

مبدع كما عهدناك دمت ودام ابداعك

تقبل مروري نفداك

تسلم والله يالغالي ويفداك الاش وكما انت يابوشافي مبدع وشكرا لك لمروررك بمتصفحي وتدوين كلمات لاطراء التي تنبع من قلب يفيض بالمحبه والوفاء
وتقبل ودي قبل ردي