من لاد ابن سباع كسابة الجود

[معلومات العضو أبـ ريماس ـو]

قصيده قيلت في حفل ال ابو سباع

يالله يارب الملا خير معبود=يارافعٍ سقف السما دون عمدان
نرجيك عفوك يا اله راع الجود=وفوزك ليا حط العمل وسط ميزان
من بعد ذكر الهنا مصرف النود=زان القصيد وخاطري للغنا زان
وهاجوس جزل الشعر في الصدر ماجود=ماياخذ الا كل جزلٍ ومليان
وزين القوافي اصخره مايجي كود=اقودها قود الاصايل بالارسان
واخاف من قولٍ يجي منه منقود=واخاف يقفاني فلان مع فلان
ماكل منهو قال قول بماكود=وما كل رجلٍ في المواقيف فهمان
وانا كتبت القاف وابذلت مجهود=بذلت مجهودي ولانيب خسران
سلام تسليمٍ بلا عد وحدود=يادار ربعٍ ف المواقف لهم شان
ومخالطه مسك مع عنبر وعود=مع ورد مع يشموم مع ريح ريحان
وانّا ملبين لدعوة راع الجود=هو دعوته عز وفخر بتيجان
بندر حليف الجود ومحالف الجود=راع الوفا زين النبا طير حوران
عوايد له يكسب المدح ويزود=لانه ولد تركي وجده عويجان
ومن لابة يوم اللقا تروي العود=خوران لامنه ارتكز كل شيطان
اللي مواقفهم على غيرهم كود=واهل السيوف مطوعة كل فسقان
ربع ليا منه غشا الجو بارود=فعولهم تطلق نظر كل عمسان
لهم على الماضي تواريخ وشهود=يشهد لهم في ماضي الوقت مروان
واهل الكرم لا ركب الوقت بشدود=وانا اشهد وبالعون الاجواد كرمان
من لاد ابن سباع كسابة الجود=اللي لهم في قمة المجد ميدان
قلته وانا ربعي هل المدح والزود=لاد المنيعي لاحتما كل ميدان
كم واحد من ضربهم يسكن لحود=واليا اعتلو عجلات الازوال فرسان
كم واحد من فعلنا مات ملهود=ولا خير في قول على غير برهان
ولي الدواسر عزوة العز وجنود=وكل القبايل حقها دون نقصان
وختامها صلو عدد ذاري النود=على النبي الهاشمي نسل عدنان

الشاعر


محماس بن سعد بن موفي المخاريم

 

 

 

 

[معلومات العضو في صمتي لك كلام]

صــح لســانك واعتـلا شـانك
وبيــض اللــه وجهــك بيــاض الشــاش
ولاهنــت وصــح لسان شاعرها وصح كتابتك
قصيده جميله وافية المعاني
وجعــلك قــــوي

 

 

 

 

[معلومات العضو مبارك بن شافي النتيفات]

لاهنت يابوريماس وصح لسان الشاعر محماس بن سعد بن موفي المخاريم ويستاهل المادح والممدوح تحياتي وتقديري

 

 

 

 

[معلومات العضو محمد مطلق آل بريك]

لاهنت يأبو ريماس

وصح لسان الشاعر سعد

ويستاهلون المدح

تحياتي وتقديري

 

 

 

 

[معلومات العضو عبدالرحمن بن فلاح آل بريك]

صح لسان الشاعر محماس بن سعد بن موفي المخاريم.

ويستاهل المادح والممدوح

ولا هنت يا أبو ريماس على النقل ~}.

 

 

 

 

[معلومات العضو فهد المقابله]

لاهنت يأبو ريماس

وصح لسان الشاعر سعد

ويستاهلون المدح


تحياتي وتقديري

 

 

 

 

[معلومات العضو ـآلجآدل]

ولـــــي الــدواســـر عـــــزوة الــعـــز وجـــنـــود
وكــــــل الـقــبــايــل حــقــهـــا دون نــقــصـــان


....

كفو والله صح لسااااااان الشاااعر مدد بلاااعدد.
وبييض الله وجهه ع ذا القصييدهـ..

ولآآآهنت ع النقل يَ ـآلـــذيـــب

 

 

 

 

[معلومات العضو خالد المشاويه]

صح السان الشاعر محماس المخاريم ولاهنت اخوي ابوريماس على النقل

ويستاهلون ال ابوسباع المدح

 

 

 

 

[معلومات العضو مناديه]

ونعم يستاهلون
يعطيك العافيه

 

 

 

 

[معلومات العضو ناصر بن فهد]

صح لسان الشاعر ويستاهلون المدح وبيض الله وجهك ي ابوريم ع النقل ولاهنت .