مادريت أن الاوادم ناس فوق وناس تحت ..

**معلومات** **العضو** · 15-10-2010, 11:24 PM

أمس ضقت ورحت أقلب ذكرياتي وإنتهيت..
عندصورة طفل صوته مثل صوتي لاانجرحت..
وش مثل لاوالله إلاهذاأنايوم أبتديت ..
أنطق حروف تلعثم في لساني لاانمدحت..!
ضاعت أحلامي وظل الحزن فيني وأهتديت..
للطريق إللي يوديني على دمعي ورحت..
يالحزن ليتك مثل دمعي وتنزل لارقيت!!
بس أعرفك لومسحت الدمع تبقى ماأنمسحت؟؟
كان حلمي في وجود إنسان يبكي لابكيت..؟
وصارحلمي في وجودإنسان يفرح لافرحت ..!
كنت أشوف الناس مثلي كل ماجعت وضميت..
مادريت إن الأوادم ناس فوق وناس تحت..!
خذني فحضنك أبغفى يااااه مبطي ماغفيت...
وإن لمحت دموع عيني سونفسك مالمحت..!
خذني فحضنك وبعثرفي جروحي وإن قضيت ؟؟
هزلي كتفي وقلي : عيب تبكي لوسمحت!!
إضحك وعلم زماني من أناومن وين جيت ..
طق باب الحزن وإصرخ فيني لامني فتحت..!
وضمني يمك وكمل ضحكتك لامن بكيت..؟
ودي أذكركيف كانت ضحكتي لامن فرحت...!