الزلال

**معلومات** **العضو** · 27-04-2010, 01:16 PM

صباح مساء الخيررر
للتواصل واتمنى لها اليسير من رضاكم

وش ثلاثٍ بذا الدنيا تسر القبال؟ =الخضار, وعليه الماء, ووجهن حسين
آآآه من هم زال .. وهم باقي لازال = وصط صدري يزلزل بي يسار ويمين
جوف جوفي اليا من خلني كالخلال= اونس اضلوع صدري منه متخلخلين
من جميلٍ جماله فاق كل الجمال =والله اني على فرقاه لليلي حزين
مالي بشمس حبك ياجميله ضلال =حر بعدك يابنت الناس صاخن وشين
حالتي من بعد فرقاك بردات حال =ابكِ انا وين من فرقاك يابنت وين
لاوردني رسايل منك والاتصال= ليه بي ياهو بالي كذا تعملين
والله اني احبك حب صافي زلال = اسهر الليل من بعدك وانا لي ونين
الحشا من غلاك أنتف ورايح وصال=ياخساره لحبك كان ماتقدرين
لاتقولين مني روح قولي تعال=بعد منتي سحرتيني بحلو الجبين
لاتحسبين يابنت الغلا بالسهال=أنشدي لاغويتي سيد العارفين
اجي بستقبل القبله واصلي شمال= من غلاتك ورب الكون والمسلمين
من فرقاك ماذقت النوم مشغول بال =آآآآه من حضي اللي معك عيا يزين
نظم الاشعار بك ماهو يابنت ارتجال=شوفي احروف نبضه كيف متسلسلين
يشهد الله احبك حب فوق الخيال =وفوق ياشوق مابالحب تتصورين
واكتبك شعر لو يقرى يهز الجبال =لعنبو غيرك انتي ليه ماترحمين
ماتروفين في حالي يابنت الحلال =ماتحسين في شوقن بقلبي دفين
ماتشمين في صدري لفوح الدلال = ماتقهوين من حبي لين اتكيفين
يم مبسم تحت شفته وشمين خال =آآآه محلا الشفايف ساع تتبسمين
يعلم الله عظيم الملك رب الكمال =ان من زين ضحكك بالحلا تهبلين
اخضرت في خفوقي منك كل الرمال=واعشبت أبزهور الورد والياسمين
وابك انا والله اني من خيار الرجال=رغم مالك علي يابنت الاجواد دين
ماشي(ن) في مسار المرجله بعتدال=ومثل شرواي في هالوقت ماتحصلين
ولارغب ال شوفتك يابنت غير ابحلال =بشرع ربي وسنة سيد المرسلين
وكان شوفك ووصلك ياعيوني محال= الله انه على فرقاك ربي يعين
آآآه من خصرك اللي لنثنا لي ومال=رغم ماخضع لحد من شانه اخضع والين
لاتغلين فوقي والحلا لزوال = باكر ايزول لو يابنت باسباب عين
اقبلي والسنين انزول ثم ارتحال=واحذري من غلاي اشوفك اتدبرين
والله ان رحتي على القبر بعدك لاشال =وانني لنقبر من جيز ة الميتين
وكان مامت لابقا ابكيك طول الليال= وأنني لندمر من جد بعدك وأشين
أرفقي فوق حالي يالغلا بالعدال =وسرك ابشرك في وسط صدراً كنين
وسط فكري لك أحلا الشعر يابنت سال=والحلا في حروفه منك لو تطعمين
(والرجل).. مايقاس بلبس ثوب وعقال= وانشدي عن صحيح أعلومي الغانمين
المراجل لها يابنت نهج ومنال= وأحمد الله بها ماني من الخايبين
ابك انا ماحسبت أحساب والله لامال=كثر محسب لضمت صدر دافي حنين
وين ابلقى بعد صدرك هذاك /أل/ دلال =وانتي اول للبيبان الحشاء الفاتحين
اشهد أن شوفتك بالبيض عندي لحال=و كل يوم بحبك داخلي تكبرين
والتكبر فقط لله رب الجلال=ومن يشارك صفات الله من المشركين
والرديه تراها لي ماهي راس مال= والعفيفه بعيني كل يوم تزين
ارتكي للصعيبه واحمل اقوى الثقال= واعتمادي على الرحمن به واستعين
والجمل عن ضهره الحمل لامنه مال =لاتشدين فوقه لو سمين وبدين
وربعي سليم معروفين لن جا مجال =أول أغزه فى الاسلام ومجاهدين
عاني الوسم شاهد في رقاب الجمال =واضح فى الرقاب وبالموارك يبين
والله اني عزيز النفس سمح القبال =وياعسى في أقل اصفاتي ان تقبلين
شاعراً وانظم احروف القصيد الجزال =وانتي اللي تقولين انت شاعر لسين
ومن بعد ماشهدتي لي لمسني هبال=فوق جزل القصيد البلغه اللي ثمين
وقمت أسج ال هجوس الشعر مع كل جال=لين شربت نهر النيل والرافدين
واعتقد بشرب أبحور الشعر واحتمال=المحيطات بك ماتسير لي جغمتين
جعل توفيق رب الكون يابنت فال=لي ولك والسعاده فالنا كل حين

وسلامتكم

**معلومات** **العضو** · 27-04-2010, 01:41 PM

الله يسلمك,,,,وصح لسانك واعتلى شانك
وعزالله انك ابدعت في حبّك هذا العقد الفريد
تقبل اعجابي وتقديري لشخصك

**معلومات** **العضو** · 27-04-2010, 01:45 PM

صح لسانك يابن جبرين ماقصرت على القصيدة الجميلة

**معلومات** **العضو** · 27-04-2010, 03:11 PM

صح لسسساانك واعتلى شاانك
ولاهنت على القصيده الطيبه
ولك مني ارق التحايا

**معلومات** **العضو** · 29-04-2010, 12:01 AM

صح الله لسااانك يامحمد واعتلا شااانك
واضحك الله سنك في بعض الابيات
وكأنك تعتب على القطاعة
وترجع تتذذمر وتزعل ثم يرجعك الحنين تارة
لكن مااااقوووول يا الجبريني
الا صح لساانك واعتلا شانك والولي عانك..
وسبعة انعاااااااام في ربعك يا السلمي..
اسعدك الله كما سعدت
بالمرور اللي تقبله مشكوراً..

**معلومات** **العضو** · 29-04-2010, 03:27 AM

وربعـي سليـم معروفيـن لــن جــا مـجـال
أول أغـــزه فـــى الاســــلام ومـجـاهـديـن

ارحب يالجبريني

ارحب ياخالي عشان زعب منكم

صح لسانك وسلمت على الجزلة

وانا من شفت اسمك جيت على طول ولاعاد تبطي بجديدك ياطويل العمر ،،،

**معلومات** **العضو** · 28-08-2010, 04:28 AM

اقتباس:
المشاركة الأصلية كتبت بواسطة خميس الغييثي

الله يسلمك,,,,وصح لسانك واعتلى شانك
وعزالله انك ابدعت في حبّك هذا العقد الفريد
تقبل اعجابي وتقديري لشخصك

اخوي
واستاذي خميس الغييثي
ونعم والله بالغييثات و الذي اعرفهم
عن قررب لاهنت اخوي على مرورك الأجمل من
العذب تقبل فاااائق ودي وجزيل شكري وتقديرري وفاائق
اعتزازي و احتراامي بك اخووي خميس الغييثي اخووك محمد

**معلومات** **العضو** · 28-08-2010, 04:40 AM

اقتباس:

المشاركة الأصلية كتبت بواسطة محمد سعد السباعي
صح لسانك يابن جبرين ماقصرت على القصيدة الجميلة

صح بدنك يا اخوي
محمد سعد السباااعي
لاهنت على مرورك تقبل
ودي وفاائق تقديرري

صح الله السانك لنا يالسباعي
.................يالي بجزل الشعر صاحي واواعي
انا على اهل الشعر ابفرد ذراعي
...................وانته ومثلك يشهد الله مايهون

ولاهنت لي يالقرم على مرورك
................لن غبت ولا جيت لي في حضورك
انت الذي بالجود وافي شبورك
.................والجود في شرواك وافي ومضمون

وسلامتك

**معلومات** **العضو** · 28-08-2010, 04:54 AM

صح لسانك يالجبريني وبيض الله وحهك وافي

**معلومات** **العضو** · 28-08-2010, 05:05 AM

اقتباس:
المشاركة الأصلية كتبت بواسطة ناصر الفصام
صح لسسساانك واعتلى شاانك
ولاهنت على القصيده الطيبه

ولك مني ارق التحايا

صح بدنـكــ
وقلبك وكلك اخوي الغالي
واستاذي الـكريم ناصر الــفصـام

يامرحبا واهلين بك يبن فصام
.......................وانا عليه فى الشعر نذرٍ بالحرام

منساك على مر الشهر و الايام
.......................لين انظمك ف الشعر بحلا القوافي

هذا الكلام اللي نظمة لك اليوم
........................ بيوم الثامن عشر من شهر الصوم

ولاني بمجبوراً بنظمه وملزوم
........................الا بـطيـبـك يالــعريـب السنـافـي

وسلامتك
ورضاك تقبل ودي وفاائق
تقديري وجزيل شكررري واحترامي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية