البـارحـة والـجـوع مـــس الـذيــب يـــوم إنـــه يـعــوي للشـاعر الـجـزل/بـدر الـخـالـدي

**معلومات** **العضو** · 30-04-2010, 03:11 PM

بسم الله الرحمن الرحيم

أسعد الله أوقاتكم جميعاً بكل خير أعضاء وزوار منتديات الدواسر الرسمي الكرام
:
أقدم لكم في هذا الموضوع قصيدة ربما قد سمعها البعض ولكنها هذه المرة شيلة وهي من كلمات الشاعر المبدع: بدر الصبيحي الخالدي:
وقام بإنشادها: نياف
:
أتمنى تحوز على رضاكم..

البارحة والجوع مس الذيب يوم إنه يعـوي
على سنـام طويـق والقمـرا وراه بليتهـا

أخايلـه وأقـول واعـزي لحالـك يالقـوي
اللي تنقى في سمان الفطح لا مـن جيتهـا

واللي بأساميك يتقلدها الخوي مـع الخـوي
والعرب تبديك التحايـا وأنـت مـا حييتهـا

واسمك على النخوة يعد وكل روسٍ تشتـوي
والوجبـة الحيـة تعشاهـا وتتـرك ميتهـا

الجوع لو يدفعك للموت الذحـاح المستـوي
حشمت نفسك عن عظام الحرجـة وخليتهـا

ودامك طليقٍ ما قهرك المعتـدي والمهتـوي
وخطاك من دون المغازي ما بعـد سجيتهـا

يا ذيب يا ذيب الخلا اللي ليلك يروح سروي
ما بين مرحـان الشواويـة ليـا عشيتهـا

يا موجلٍ قلب حضري.. يا موجلٍ قلب بدوي
ياللي تشيّـم خـوة الرجليـة إن خاويتهـا

عامل خوي الذيب في عصر الفوات المنطوي
وقصتك في آذان العرب وليا طـرت لبيتهـا

نحر ذلولٍ من وصايفهـا شحمهـا مرتـوي
لعيون خوتك الفريدة والبقـا فـي صيتهـا

يا ذيب يكوينـي قنيبـك لا توحّيتـه كـوي
على غشاش الكبد والخطـوة عمـد رديتهـا

مدري غبى مدري ذكى مدري تسرع فوضوي
لكن خطواتي على الهيبة مـا قـد ضريتهـا

يا ذيب عزك في زمان السيف من قبل يهوي
وقبل زمـان العولمـة للنـاس وإتيكيتهـا

وقبل يغيب المنطق الحسي ويبقى المعنـوي
والغيـرة تـوزّع تجمّعهـا علـى تشتيتهـا

قبل النوايا المستقيمة مـا تعـاج وتلتـوي
والناس تمشي في تعاملها حسـب توقيتهـا

يا ذيب مدري كيف أبوصف حالتك يالمنزوي؟
والهاشمية فـي طـرف عينـي ولا دنيتهـا

لا جيث أبرثي حالتك ضاع الكـلام اللغـوي
والمفـردات اللـي تجملنـي ليـا عديتهـا

والهاجس اللي كل ما فليت حويـه ينحـوي
وأفكاري اللي تتعـب الخافـق ليـا هليتهـا

وأخاف لا تكمل وينحـاك النزيـف الدمـوي
وأبقى على قول المثل خميتهـا وأخطيتهـا

يا ذيب واقنب خل صوتك يدوي العالـم دوي
ما دام خانتك الظـروف الله يخـرب بيتهـا

للإســتـــمــأإع:

للــتــحــمــيــل:

http://www.sadanajd.com/up/uploads/f...280ea2db37.mp3

تـــقـــديـــرررررري