آمنية شاعر

[معلومات العضو المتوكل]

آمنية شاعر

للشاعر/ إبراهيم علي الصيخان

ليتي صغير لانطحني بضمه
.........فـي لـبــتـه بــيـن الـنـحـر والــتـرايــب

لاسند لها خدي وكفي بلمه
.........يضفي علي منقـوض عـكـش الذوايـب

لاعانقه بهيام وازهى بشمه
.........واسـعـد بـضـمـه دون لـفـح الـهـبـايـب

ياوجد حالي بالضمى ورد جمه
.........ورد الـعــلـيـل الــلـي بـكــبـده لـهــايـب

لاروي عروق ٍ بالضمى نشف دمه
.........مـــن بـلـسـم ٍ بـشفـاه فـيـه الـطـبايـب

وارخي دموع العين واشكي بهمه
.........واقـول هـذا الحـال وانــت الـسبـايـب

واقلبي اللي بالخطى دوم يمه
.........في سـجـة الـسالـين صـوتـه نحايـب

كنه صغير ٍ بالعزاء فاقد امه
.........من دون صوته حال بيض النصايب

يمسح دموع العين باطراف كمه
.........وجـد الوليـف الـلي فـقـد له حـبايـب

يسج بالخطوه ولو زاد ذمه
.........قلبه شكى بافراق عـنـده مـصايــب

ليتي صغير ٍ لا بكيته تخمه
.........لاقضي بقايا العمر دمعــي سكايــب

 

 

 

 

[معلومات العضو ناصر فياض الودعاني]

لاعانقه بهيام وازهى بشمه
.........واسـعـد بـضـمـه دون لـفـح الـهـبـايـب


صح لسانك يالمتوكل وصح لسان الشاعر ابراهيم الصيخان

تحيااااتي

 

 

 

 

[معلومات العضو المتوكل]

المشاركة الأصلية كتبت بواسطة ناصر فياض الودعاني

لاعانقه بهيام وازهى بشمه
.........واسـعـد بـضـمـه دون لـفـح الـهـبـايـب


صح لسانك يالمتوكل وصح لسان الشاعر ابراهيم الصيخان

تحيااااتي

لاهنت على المرور الطيب

تحياتي

 

 

 

 

[معلومات العضو رماد]

.
.
•
سلم النآقل .. والمنقول ..

فعلآاً ..
مُتصفح .. رآق

 

 

 

 

[معلومات العضو المتوكل]

المشاركة الأصلية كتبت بواسطة رماد

.
.
•
سلم النآقل .. والمنقول ..

فعلآاً ..
مُتصفح .. رآق

لاهنت على المرور الطيب

تحياتي

 

 

 

 

[معلومات العضو ناصر بن فهد]

الله يعطيك العافيهُ
ولاهنت يا القرم على النقل