لاينشد وقلبي له الدمع مكشوف=وجرحي يعانق دمعته الي ذرفها

[معلومات العضو محمد الحضيري]

لاينشد وقلبي له الدمع مكشوف=وجرحي يعانق دمعته الي ذرفها
ذاك الوداع الي جمع قسوة ظروف=بين العشيق الي حياته زهدها
عقب الغلا الي في خفوقي ومخطوف=سبايبه غرو(ن) حروفي ملكها
لمن غدا جرحي على الرف مصفوف=وافراح قلبي من خفوقي هجرها
سلملي قلبي من على الخام ملفوف=عقب الغلا الي في خفوقي حشمها
لمن خفى شوكه مع الورد مقطوف=يجرح يميني شوكها الي سترها
يومي فقدته كن شمسي بها كسوف=وكن القمر حوله نجومه سجنها
كني الضرير الي فقد نعمة الشوف=ولا السجين الي حياته خسرها
امسى غرامي مجلس جروحه ضيوف=وفنجال همي من ايدينه شربها
لاينشد وجرحي من الدمع معروف=بيغتال قلبي والجنازه حضرها

وسلامتكم

 

 

 

 

[معلومات العضو شافي بن راشد النتيفات]

محمد الحضيري

صح لسانك قصيدة رائعة وانت اروع لكن عندي ملاحظة ارجو ان تقبلها بصدر رحب

وهي القافية قفلة البيت ياليت لو خليتها على الفا والها والالف وهذا لايعيب انك شاعر

مبدع وتقبل تحياتي

 

 

 

 

[معلومات العضو مبارك بن الجوير]

كني الضريـر الـي فقـد نعمـة الشـوف

ولا السجـيـن الــي حـيـاتـه خـسـرهـا

صح الله لسانك يامحمد يعجبني احساسك العذب في شعرك

وانا مع اخوي شافي في كلامه هو مايعيب شعرك ولا القصيدة بس يحرم المتلقي من الجرس الموسيقي للقصيدة يسلم احساسك وانا اخووووك وبانتظار جديدك دمت مبدعا"..

استمتعت بمروري المتواضع تقبله لاهنت..

 

 

 

 

[معلومات العضو ابو فهد الغييثي]

صح السانك وعتلى شانك

قصيده في قمه الروعه

تحيااااااااااااتي لك

 

 

 

 

[معلومات العضو خالد المشاويه]

كني الضريـر الـي فقـد نعمـة الشـوف
ولا السجـيـن الــي حـيـاتـه خـسـرهـا

صح السانك يابوحسين مبدع وانا مع ملاحظة الأخوة

ولاتحرمنا خواتها

 

 

 

 

[معلومات العضو محمد الحضيري]

شافي النتيفات

مبارك بن الجوير

ابوفهد الغييثي

خالد المشاوية


لاهنتو جميعا وصح الله بدنكم وملاحظه في محلها


تقبلو تحياتي