|
|||||||
09-12-2009, 11:39 AM
|
#1 | ||||||||
|
لا تصدق لو حكوا لك ما بكى! والله بكيـت
لا يا شعري لا تجامل واعترف اني انتهيت! كيف اقولك والمشاعر شوفة بحورك ركـام كان لي قلب وغرامه ينكتب له الـف بيـت لكن الظاهر تعـود خافقـي علـى الانهـزام ما بقت عندي سوالف قالها روميو لجوليـت والغبي مجنون ليلى تاه في وسـط الزحـام لا تصدق لو حكوا لك ما بكى! والله بكيـت بس انا اخفي دموعي عن عيون ابن الحرام يا كثر اهل الشماته لو اقـول انـي خطيـت والعشق اكبر خطيئه فـي دساتيـر اللئـام ! وينها اللي من سببها صارت حروفي يا ليت! ليتني ما كنت عاشق لا ولا شفـت الهيـام لعنبو ذيك الخطاوي منهـا وشهـو جنيـت؟ ما جنيـت الا التعاسـه والقهـر والانتقـام اذكر اني في حياتـي للرذيلـه مـا مشيـت ساقني عرق المراجل من خوالـي والعمـام ومن وانا نطفه برحمها كانت امي بالمبيـت ما تقول الا يا ربـي اجعلـه فـارس همـام ووالدي الله يحفظه كل مـا شفتـه دعيـت ما نسيت الخيزرانه يومها بجلـدي عـلام! ما ظلمت ولا كذبت ولا نهبـت ولا طغيـت ولا تعاطيـت النميمـه لا ولا نقـل الكـلام حاشم النفس اللحوحه لا تخرب مـا بنيـت وراس مالي في قصايد قلتها بكـل احتـرام لكن اليوم اعتزالي للشعـر يصـرخ بطيـت اترك الساحه لغيرك وازهـم فراشـك ونـام ودعيني يا حروفي واعذرينـي لـو عميـت البكى يوم الموادع يحـرق عيـون السـلام في امان الله يا شعري مقتنع او ما رضيـت مات في نبضي وجودك مثل ما مات الغـرام قلت لك لا لا تجامل واعترف انـي انتهيـت وانتهى مشوار شاعر شفت فيـه الالتـزام!
|
||||||||
|
|
|
|
10-12-2009, 12:55 AM
|
#2 | ||||
|
رد: لا تصدق لو حكوا لك ما بكى! والله بكيـت
صح لسانك ياوجد الكتابه
|
||||
|
|
|
|
10-12-2009, 10:56 AM
|
#3 | ||||||||
|
رد: لا تصدق لو حكوا لك ما بكى! والله بكيـت
لعنبو ذيك الخطاوي منهـا وشهـو جنيـت؟
|
||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 07:31 PM
