شعراء دواسر ينتصرون لحجاب المرأة المسلمة

[معلومات العضو راشد المسعري]

بعد قرار فرنسا بنزع حجاب المرأة المسلمة (منع الحجاب) هاضت قريحة الشاعر الكبير فراج بن فهد الشكرة وقال قصيدة قام بمجاراتها شاعرين كبيرين هما الشاعر عبدالله بن راجس الخضاري وخلف بن غصاب الشكرة واترككم مع القصائد:
يقول فراج:

يالله يــــاربّ الـسـمــا ربّ الأفـــــلاك
محـيـي الـعـظـام الـهـامـدات النحـيـلـه
إجباهنـا تسجـد علـى الطيـن لـرضـاك
مانـخـضـع لـغـيـرك ولانشـتـكـي لـــه
يـاربّ تنصـر عابدينـك عـلـى أعــداك
أهــل الفـجـور تـشـبّ راس الفتـيـلـه
مؤامـرات أهـل الكـفـر ضـدّنـا إتـحـاك
اتــروّج المـنـكـر وحـــرب الفضـيـلـه
وآخرجـديـد إصــدار مشـروعـهـم ذاك
قــــرار مسـتـهـجـن ولابــــه مـثـيـلـه
ياأهل (فرنسـا) بلّغـوا (جـاك شيـراك)
المـسـلـمـات حـجـابـهــن مـانـشـيـلـه
إن ضاقت إبلادك علـى المسلـم إهنـاك
فالهجـره أفـضـل مــن حـيـاة الرذيـلـه
أنـا أحسبـنّـك عـاقـل الـقـوم يـا(جـاك)
وأثرك مثل بوشٍ(ن) ونفس الفصيله
فـيـران والفـيـران مـثـلـك وشـــرواك
مـافـيـهـن الـطـاهــر بـقـلـبـه وذيــلــه
علماني(ن) ملحـد شيوعـي ومغـزاك:
تسـعـى لـهـدم الـديـن بـأيــة وسـيـلـه
ترهي على المسلم بخمر(ن)وتنبـاك
ينـسـى الــزواج ويتّـخـذ لـــه خلـيـلـه
عبدالصليـب انهـارت أخلاقـه وجـاك:
ينـقـل لـنـا الـعـدوى بكـبـد(ن) غليـلـه
يالله عسـى (باريـس) سبعـيـن دكّــاك
سبعين صاروخٍ(ن)عـراض(ن)طويلـه
ماتبـقـي ب(قـصـر الأليـزيـه) شـبّــاك
اتــــروح قـاعـاتــه ركــــام ونـثـيـلــه
وبرج إيفلٍ(ن) تاصل شظاياه الأتراك
تسـقـط عـلـى راس العمـيـل وعميـلـه
لامــــرّت الـمـسـلـم تــعـــدّاه مــنّـــاك
وألاّ عـلــى الـكـافـر إتــوقّــع ثـقـيـلـه
هــذا الـدعـاء وإجابـتـه عـنـد مــولاك
والله كـريـمٍ(ن)والـخـلايــق بـخـيــلــه

وهذه مجاراة عبدالله بن راجس ( تأبط خيراً )
لا هنت يا فراج لا هان مسعاك
يا شاعر(ن) لا قال قـال الجزيلـه
القاف لا من شاف مثلك وشرواك
أرخى الزّمام وقام له ينحنـي لـه
يصبّ دهن العود من فوق يمنـاك
وترفع لك البيضا براس الطويلـه
يالله عسى كبدٍ تضـدّك وتشنـاك
تقطع بحـدّ المرهفـات الصقيلـه
آمين ثـم اميـن واميـن لدعـاك
آمين يا منشـي حقـوق المخيلـه
تحاموا أهل الكفر واعوان الاشراك
وحاكوا على الاسلام مليون حيلـه
(شارون)جانا عقب ماراح(باراك)
وان مات عيرٍ جاك عيـرٍ بديلـه
المشكلة يا آخوك ما هيب في (جاك)
المشكلـة والله قـلـوبٍ عليـلـه
المشكلة باذناب (بوشٍ) و(شيراك)
نـاسٍ مذاهبهـم علينـا دخيلـه
المشكلة لا ثـار فـردك بمخبـاك
ولا صار داب إمدوّرهْ في شليلـه

وأخيراً قصيدة الشاعر خلف بن غصاب الشكرة:
يالله ياللـي كـل عبـدن ترجـاك
يالواحـد اللـي كلنـا نشتكيـلـه
الوقت جار وياالله إنّا فـي إحمـاك
من كافرن قـام إيتزايـد صهيلـه
علـمٍ يجيـك وياصلـك ويتعـداك
جعلك فدى للـي تغطّـي الجديلـه
إن كـان تنويناعشـا بنتـغـداك
بإذن الكريم اللي يمشّـي المسيلـه
كنا نحسبـك شهـم ثـمٍ نصينـاك
وأثرك سراجٍ حـطّ وسطـه فتيلـه
عسى بقية عمـرك أيـامٍ إحـلاك
ويجري لك اللي شاف الأشرم وفيله
سمعت بوش وعقبهاضاعت أرياك
ممشى عمى والدرب يبغـى دليلـه
مشيت مشيه ثمٍ أعمـاك وأغـواك
والطاغيـه لابـد يومـن يجيـلـه
قرد معا خنزيـر مجنـاه مجنـاك
ماشال من عـارٍ وخزيـاً تشيلـه
وشيراك لامنـه شنـاك وتحـداك
ارحل عـن إبـلاده وتلقـا بديلـه
الأرزاق عند الله مهي عندشيـراك
لاترتجـي رزق اليديـن البخيلـه

 

 

 

 

[معلومات العضو برنسيسه الريــــاض]

صـــــــــــح الله ألسنت الشعار

ولاهنت ع النقل ,,,,,

 

 

 

 

[معلومات العضو سعيد الصخابره]

شكرن على نقل القصايد الطيبه والله يبيض وجهك ولك تحياتي

 

 

 

 

[معلومات العضو محمد بن حمد الشكرة]

صح الله ألسنة الشعار على قصايدهم الجزلة ولايستغرب منهم الغيرة على الدين الاسلامي ولاهنت يابو محسن على الموضوع

 

 

 

 

[معلومات العضو قلب القلطه]

صح السنهم وماقصروا بيوت جزله من شعراء جزلين





تقبل مروري وتحياتي لك

 

 

 

 

[معلومات العضو محمد بن سالم الخضراني]

أخوي ابومحسن صح لسانك ولاهنت على النقل والاختيار الطيب والجميل وصحت السنت العمالقه على الصوت والصدى . الذي ابدعو فيه وهي عادتهم الابداع والجزاله . بيض الله وجيههم والله لايهينهم

 

 

 

 

[معلومات العضو ابن شميعان]

صح السنتهم

لا هنت يابو عبد المحسن على نقل و الله يعطيك العافيه


تحياااااااااااتي لك

نايف ابن شميعان

 

 

 

 

[معلومات العضو خيالية]

صح لساااانهم ،، وسلم نقلك بارك الله فيكم ...

 

 

 

 

[معلومات العضو غازي المسعري]

ابومحسن صح لسانك ولاهنت على النقل والاختيار الطيب والجميل وصحت السنت العمالقه على الصوت والصدى . الذي ابدعو فيه وهي عادتهم الابداع والجزاله . بيض الله وجيههم والله لايهينهم