بعض ماقيل في القهوه

[معلومات العضو عبدالله الحافر الغييثي]

السلام عليكم ورحمة الله وبركاته
اسعد الله اوقاتكم بكل خير

هذه نوادر مختاره قيلت في الفنجال ( اتمنى ان يحوز اختياري استحسانكم )

قم سو فنجال بعض ماه مبيوت=غر السحاب منزَلـه مـن هللها
طبخة كريم طيب الهيل منعـوت=واحمس على جمر قد اقفا شعلها
دقه بنجر وثولث النجر بالصوت=يجذب رجال مـا نـدور بدلهـا

هــادي الـشـعـرا

يامسوي الفنجال كثـر ابهـاره=عده لابن عران واثنه لابو ذيب
وضويحي الجروي متيه ابكاره=وجديع يا ستر البني الرعابيب

هادي بن شعوا الخنافـر

فنجال بن خنته تقعـد الـراس=والزعفران مقطع فيـه تقطيـع
انا يعدا لي ولـو فيـه جـلاس=هراجة المجلس قعـود مهانيـع
اللي لهم همز ولمز ووسواس!!=في ساقة الاجواد همز وتراتيع!!

(عضيـب بـن حشـر )

قم سو فنجال على خمسة اجناس=احذر تجي حرقه وبالـك نياهـا
خلك لها عن كل عذروب حساس=قيس لها الطبخه على قـد ماهـا
حتى يجي فنجالها يجلي الاعماس=عقب الصلف والسهر مكبر غلاها

مشاري بن ربيعان

ياما حلا الفنجال في كل حزه=في مجلس ما سفرو له بقازي
واللي يسويها صبـي منـزه=شطر بها ماهو سواة الخنازي

عيد بن خلف العاصمي

ياصابين البن صبوا لناصـر=صبو له الفنجال قبل يـذاق
يركب على صفرا نظير نايفه=ويحلب له عند العتيم فـواق

حويدي العاصمي

قم سو فنجال ترا الراس منـداش=لعيون من قرنه على المتن مرجود
في دلة مربوبـة كنهـا الشـاش=وبهارها كف من الهيـل والعـود
الهيـل كثـر ولاتوانـا ولجـاش=والزعفران اقنع على شذرة العود

مشعان بن هذال

قم سو مايجمد على الصين ياذيـاب=بدلال وصـف للقطـاط المحاديـب
ونجر يصيـح وللمساييـر جـذاب=دنه على طـول الدهـر للمواجيـب
اليا ذلـق فنجالهـا كنـه خضـاب=ورسى صبغ بكفوف بيض الرعابيب

هايس بن مجلاد

ياما حلا الفنجال مع سيحة البال=في مجلس مافيه نفـس ثقيلـه
هذا ولد عم وهـذا ولـد خـال=وهذا رفيق مـا لقينـا مثيلـه

راكان بن حثلين

والله لولا مـزة العظـم مـره=وفنجال بن عشرَ عفر بهـاره
لا اخذت من زين الغلاوين جره=اتبعتها الفنجال يطفي حـراره
من واهج بالصدر ياكود حـره=لا فار يضرب بالنواظر شراره

محمد العوني

صبـه ومـده ياكريـم السبـالـي=يبعد اهمومي يوم اشمـه بالانفـاس
فنجال يغـدي مـا تصـور ببالـي=وروابع تضرب بها اخماس واسداس

محمد الاحمد السديري

ياسايق الفنجال عـده لمـدوخ=واثنه لابن صلال هو والجلاوي
وانا زبون الحرد ابو ضيف الله=لا كلّح الشارب عن الشفـاوي

شليويح العطاوي

قم قرب اللـي عنقهـا كنـه وزا=انا لها من ضيقة البـال منحـاز
فنجالهـا بيـن الشفايـا يمـزا=اشقر ومشروبه على الخمر يمتاز

(محمد الاحمـد السديـري)

مع دلة صفراعلى النار مركـاه=وابصر بصتها على شف روحي
فنجالها يشدي خضاب الخونداه=الجادل اللي عند اهلها طموحي

(ذعار بن مشاري بن ربيعان)

الله على مزة سبيـل العراقـي=اصغر بجيك بلوذة التتن مفروك
وفنجال بـن ماهـواه الحراقـي=وصينية يركض بها العبد مبروك
صبه لمن يثني علـوم التلاقـي=لاصار عند قطيهن ضرب بيلوك

(الـنـوري الشـعـلان)

 

 

 

 

[معلومات العضو محمد بن سالم الخضراني]

اي بالله حي طاري القهوه يابومطر لاهنت على الموووضوع

 

 

 

 

[معلومات العضو نايف الخييلي]

صح لسانك يابو مطر على هذه الاختيارات الجميله والنادره

عن ماقيل بالقهوه ,,, والله يعافيك

 

 

 

 

[معلومات العضو دغش محمد الصخابرة]

صح لسانك يابو مطر على هذه الاختيارات الجميله والنادره

عن ماقيل بالقهوه ,,, والله يعافيك

 

 

 

 

[معلومات العضو عســافةالخيل]

يسلمو خميس ويعطيك الف عافيه عالاختيار
لاهنت

 

 

 

 

[معلومات العضو الزين]

لاهنت وبيض الله وجهك على الابيات الرائعه

 

 

 

 

[معلومات العضو متعب الشكري]

اي بالله حي طاري القهوه يابومطر

لاهنت على الموووضوع

 

 

 

 

[معلومات العضو عبدالله الحافر الغييثي]

اجل تراكم بكره الضحى معزومين على فنجال بريه وفطحت خروف ورغوة ناقه وتمر الخلاص اللي يسد الفاقه وياهلابكم ولاهنتوا

 

 

 

 

[معلومات العضو أبوعلوش]

مشكوووووووووور وماقصرت

 

 

 

 

[معلومات العضو ابو زيد الغييثي]

اررررررررررررررررررررحب تراحيب الحيا

المبدع / بو مطر

جعل يمناك مايجيها العطب على هذه

الاختيارات الراائعه لا عدمناك يا كحيلاان

أبو زيــد

 

 

 

 

[معلومات العضو عبدالله الحافر الغييثي]

ابوعلوش ابوزيد ياهلابكم ويامرحبتين وتستاهلون

فنجالها يشبه خضاب الخونداه=الجادل اللي عند اهلها طموحي