الفارس حمد بن جابر ال حنزاب الملقب(حمر شعر)

[معلومات العضو ابن حنزاب]

الشيخ والفارس حمد بن جابر ال حنزاب الملقب بحمر شعر الذي عبر بحر سلوى سابحا من جنوب منطقة دخان في قطر الى الساحل الغربي من بحر سلوى لينذر ال مرة من غزوا قبائل تجمعت ناوين قبيلة ال مرة فعندما حس بالخبر ضرب البحر لان هولاء الغزية بيكون طريقهم على العريق شرق المراكز الحدودية الان حتى يكفون البحر من جنوب سلوى ويحتاجون الى يومين حتى ياصلون ال مرة في دوحة حماه شمال غرب سلوى فوصل قبل الغزية بليلة وانذرهم بذلك وهذه احد قصائدة في فرسه عندما مرضت

يالله يا اللي تدفع الشر والباس
يا اللي بخصات المخاليق داري

سلم لنا اللي كنها ظبي الاطعاس
ريمية جاها من النود ذاري

يا سابقي الله يجيرك من الباس

والله يجيرك من حياة العزاري

ريمية ٍ جاها مع الصبح نسناس

ريح المبندق تالي الليل ساري

شقراً عليها عطفة الحبل ماقاس

وذرعان ٍ ملحيات مثل المداري

جليلة الحارك مربوعة الراس

كنه براها تحت الاثفان باري

نفرح أليا جانا من القفر عساس

وهابو جميع البدو شرب الخباري

بين المهمري والمثامن والاطعاس
ومن كنهرى نرعى جنوب ٍ احداري

نرتع أليا منه خنس كل خناس

بحدب الظهور وناحلات المجاري

واليا اعترض بنحورها قب الافراس

واكمن بعضها والبقايا تشاري

اركض مع ربع ٍ تحب التنوماس

قطاعت ٍ في الحرب ماهي اداري

وانا مع اولهم تقل شارب ٍ كاس
لانيب من ذهني ولانيب داري

انا وربعي للمتلين حراس

أليا طفح بالخيل خطوات ضاري

اردها لعيون مدقوق الالباس

بحزة ٍ ماجا من الله مزاري

افعولنا تذكر على كل مرواس

تطلق لسان اللي بهلها تماري

[/CENTER]

 

 

 

 

[معلومات العضو ابو فهد الغييثي]

صح السان الشاعر والفارس حمد بن جابر

ولاهنت ياابن حنزاب على طرحها

تحياااااااااااااااااااااااتي

 

 

 

 

[معلومات العضو ابن حنزاب]

صح بدنك يا ابوفهد الغييثي ولا عليك زود ومشكور على المرور الطيب

 

 

 

 

[معلومات العضو محمد بن حمد الشكرة]

صح الله لسانك ياابن حنزاب وصح الله لسان الشاعر حمد بن جابر بن حنزاب آل عذبة والله ونعم ويامرحبا بك ياابن حنزاب وحياك الله في منتدياتنا العريقة وأهلا وسهلا بك ضيفا عزيزا على قبيلة الدواسر وتقبل مروري

 

 

 

 

[معلومات العضو الحريجي]

من الي يجهل علوم ابن حنزاب ! والله ونعم بأبن حنزاب وآل مره .. الربع الوافين والعزيزين على قبيله الدواسر .. ** يامرحبا يابن حنزاب بموقعك وبين ربعك واخوياك .. ** تقديري ..

 

 

 

 

[معلومات العضو ابن حنزاب]

ولاهنت يا محمد بن حمد الشكره واشكرك الشكر الجزيل على مرورك والمرحب باقي ودمتم بالعز ان شاء الله

 

 

 

 

[معلومات العضو ابن حنزاب]

اخوي محمد الحراجين الله يعطيك العافية وماعليكم زود والله يبقيك ويسلمك

 

 

 

 

[معلومات العضو نايف الخييلي]

ونعم بالفارس حمد ابن حنزاب

وبقبيلة ال مره العريقه

الله يعافيك على الموضوع

 

 

 

 

[معلومات العضو العماني]

في البداية يسرني ان ارحبك بك اخوي ابن حنزاب في محلك وبين ربعك في موقع الدواسر الرسمي ،وسعيدين بانضمامك لأسرة المنتدى ويامرحبا والله ومسهلا .

ونعم والله بصبيان آل مره بـ آل حنزاب الكرام .

وبيض الله وجهك على ايراد هذه النبذة الجميله والقصيده للفارس المشهور (حمر شعر) حمد بن جابر ال حنزاب والذي كنت ابحث عنها منذ فترة وانت جابتها والله يبيض وجهك .وانا اتسأل عن سبب تلقيبه بـ(حمر شعر) .

تقبل تحياتي،،

 

 

 

 

[معلومات العضو ابن حنزاب]

السلام عليكم ورحمة الله وبركاته,,

نايف الخييلي نعم بحالك ونعم بربعك( الدواسر) ووجهك ابيض ومشكور على هذا المرور الطيب

 

 

 

 

[معلومات العضو ابن حنزاب]

السلام عليكم ورحمة الله وبركاته ,,

اخوي هايف العماني والسبع الانعام و لاعليك زود ووجهك ابيض وشكرا

بالنسبة لسوالك سبب التسمية بحمر شعر كان اخمر البشره وشعره احمر ولقبوه بحمر شعر وتقبل فائق التقدير,,,