|
|||||||
21-11-2008, 05:30 PM
|
#1 | ||||
|
تقــيم واستفـــــتاء لمشــاركات (صـدى نبض القصــيد)
بسم الله الرحمن الرحيم السلام عليكم ورحمة الله وبركاته نشكر شعراء التميز والإبداع على التفاعل والمشاركة ومجاراة الابيات المطروحه فجميع المشاركات مميزه وفوق الوصف إبداع متناهي .. كلمات جميله سلسه .. روائع استمتعنا بقراءتها تفاعل نفخر به .. لاعدمنا توهجكم وتواصلكم فاحياء فيهم روح المنافسه الشريفه .. واخرج لنا الشعراء المتخفين الذين لايحبون الظهور .. فاكان الجميع ولله الحمد كفئ فيكفي ان اجزلو العطاء بابيات حلقت بنا فوق القمم ليتركوا لنا الإستمتاع بأحرفهم الجزله ونظمهم الفريد .. صحت السنتكم وقلوبكم مبدعينا .. فكل مشاركه منكم تعني لنا الكثير .. وماننحرم من حضوركم العذب المتآلق .. فحضوركم وتواصلكم هو الدافع الكبير لنا جميعاً.. شعراءنا المميزين ..الأخوه والأخوات المتذوقين لبوح الحروف الكرام أعضاء منتدانا الشامخ هاهو صدى نبض قصائد نجومنا وبوحهم المميز كما عهدناهم بين اياديكم وامام اعينكم*لتقييمها* من قِبلكم وابداء ارائكم في الابيات مفتوح لكم الان ..دون النظر لشاعر المجاري والاكتفاء بالتركيز على الابيات والمعاني :: فتمنيينا ان يكون في منتدانا خاصية الاستفتاء والتصويت لاجل الخصوصيه ولكن لايوجد فاسنكتفي بما تسطره اناملكم بدون مجامله لما فيه مصلحه للجميع 7 7
|
||||
|
|
|
|
21-11-2008, 05:34 PM
|
#2 | ||||
|
رد: تقــيم واستفـــــتاء لمشــاركات (صـدى نبض القصــيد)
وهذه الابيات المطروحه للمجاراة مع امنياتي للجميع بالتوفيق
انتو غلاكم في الضماير حلاوى =او بالاصح اقول سكر نباتي المشاركاتمن بعدكم بيبان قلبي تهاوى =الله يصبرني ويجمع شتاتي (1)
حبك بقلبي شع نور و تراوى=كما شموس ٍ بالضحى مشرقاتي (2)وجذر المحبة في ضميري تقاوى=وارويه من ضافي وصافي فراتي غلاك في قربك وبعدك تساوى=واسعد لمن حلمت بك في سباتي ولا فغيرك مثل نجم وتهاوى=مارده الا القاع والمقفراتي
الموت عندي مع حياتي تساوى = من عقبكم معاد تسوى حياتي (3)وفيك الرجا والياس صارت تخاوى = وعزيل من مثلي وسواء سواتي وجرح الهوى يازين ماينتداوى = الأ بشوف اقبال غاية مناتي
انتو غلاكم كل يوم يتقاوى = ياللي سكنتو وسط قلبي وذاتي (4)حبيلكم والله ما ينتساوى = لو كان أدوّر في جميع الجهاتي حب طبيعي ماعليه الغشاوى= من عادني طفل واحرك لهاتي يوم الليال السود جنبي تعاوا=امي وابوي إهم السند والثباتي
باقي الغلا في القلب لا ماتشاوى=لاتحسبون الود في القلب ماتي (5)مدامها قلوب الاحبه تهاوى=حياتكم تسعد وتهنى حياتي من بعدكم والهم للقلب خاوى=اشكي هموي للورق ياغناتي الليل يسري بس اكتب شكاوى=هذي هي الحاله وهذي سواتي ياليت ترجع والجروح اتداى= ترجع علي وتعيد بسمة شفاتي الحق علي بيبان قلبي تهاوى=الله يصبرني ويجمع شتاتي
الوصل ذمّه والمشاعر تقاوى=لاصار ولفي مانساني وياتي (6)مير البلا لاصار ماينتخاوى=يقطع بي الفرجه ويجحد هباتي والحمدلله يوم قام وتساوى=قدّم لي اعذاره كريم الصفاتي أثره عقب ماغاب ربعه جلاوى=واثره عقب ماعاد يحفظ وصاتي الجادل اللي جرحها ماتداوى=يفرق جماله عن جميع البناتي جدد لي العهد القديم وتغاوى=وقال انّه ابكل المراحل غناتي
ال/مس باالقران غالب يداوى =والصدق تلقونه من أسما صفاتي (7)اخاوي اهل الطيب خير المخاوى=وابقى على ماكنت مدة حياتي يوم الرجال الطيبين اتخاوى =اختار لامخاوى الرجال الثقاتي اللي ليافتى مايجيد الفتاوى =ماهو بمتحمل لظربة عصاتي اعقول خلق الله لايمكن تساوى =عن بعظها متفاوته درجاتي واحد وواحد بالتناظر تساوى = وباالجمع لا ماهن بمتساوياتي وبعد الثعل للذيب ذالوقت ساوى=لاجل الثعل ماني بقاطع صلاتي
قامت عروقي من بعدكم تعاوا=كنها ذياب في المسا سارياتي (8)يااصحابنا راعي الهوا كان هاوا=يلقي بنفسه في بحور المماتي وترا جروح الحب ماتنتداوا=الا بشوفت نور عيني شفاتي كانه تردى الحال منه اتشاوا=هو مرهم جروحي وغاية مناتى
لا تحسب إن الدمع للجرح داوى=فات المحاجر مير مالجرح فاتي (9)ولو الفتى حظه والأماني تساوى=ما شفت أنا الفرقى بذا الجرح تاتي ماقول شفــّي نلتقي والرجاوى=إلا عسى الفرقى تجيها الوفاتي وتعود ثم تبشر لك القلب ماوى=وتاقف على مكسب غلاك أمنياتي لو إن قلبك بيقبض لجل يغلي رشاوى=حرام أنا لأرشيه باقي حياتي
ياسعد منهو مع حبيبه تخاوى = خوة وفا تبقى طوال الحياتي (10)الصاحب اللي مابحبه مراوى = على النقا مغليه لين المماتي القلب من زود المحبة تطاوى = والعين من هجره تهل اعبراتي
اللي مشى درب المحبه وهاوى= تضيق بعيونه جميع الجهاتي (11)تلقى الفرح والحزن عنده تساوى = يعيش في الماضي وفي الذكرياتي وانا الذي من شين حظه تخاوى = مع هاجسن صادر لذيذ السباتي حسبي على اللي له ضلوعي تعاوى= اللي سلب عقلي ودمر حياتي اللي عليه طيور قلبي تصاوى = اليا ذكرت ايامنا الماضياتي بس آتصبر بالامل وآتقآوى = وفي كل يوم اقول بكره بياتي درب المحبه والهجـر ماتسـاوى=مايجتمـع دربيـن والـحـب ذاتــي لاتطـلـب المقـفـي ولا ينتـخـاوى=هذي وصاتي واحتفظ بالوصاتي
ياللي تعذل القلب مافيك مـاوى =العذل ماينفع مع اللي سواتـي ::والجرح يالعذال مـا ينتـداوى = جرح سطا فالقلب وله سنواتي لاقلت باسلى والجروح بتشاوى = ذكرت ماقالوه عنـا الوشاتـي يبو عيونـن رمشهـا مايقـاوى = وإن سلهمت بالعين قربت وفاتي والله لو صفحات عمري تطاوى = ذكراك في قلبي لحد المماتـي وهذه التجربه الاولى وسنعالج الاخطاء ان وجدت مستقبلا وننتظر ملاحظاتكم لاجل استمرارية الموضوع ونستقبل منكم ابيات لاجل المجاراه اذا رغبتو بذلك ان لاتقل عن بيتين ولا تزيد عن اربع ابيات مارقم القصيده التي ارضت ذائقتكم ومتناسبه باسلوبها مع الابيات الانف طرحها ننتظركم
|
||||
|
|
|
|
21-11-2008, 06:04 PM
|
#3 | ||||
|
رد: تقــيم واستفـــــتاء لمشــاركات (صـدى نبض القصــيد)
الموت عندي مع حياتي تسـاوى=من عقبكم معاد تسـوى حياتـي
وفيك الرجا والياس صارت تخاوى=وعزيل من مثلي وسواء سواتـي وجرح الهوى يازيـن ماينتـداوى=الأ بشوف اقبـال غايـة مناتـي
|
||||
|
|
|
|
21-11-2008, 06:25 PM
|
#4 | ||||||||
|
رد: تقــيم واستفـــــتاء لمشــاركات (صـدى نبض القصــيد)
مشكور على الطرح الجميل
|
||||||||
|
|
|
|
21-11-2008, 09:08 PM
|
#5 | ||||||||
|
رد: تقــيم واستفـــــتاء لمشــاركات (صـدى نبض القصــيد)
وانا رااائي كذالك
|
||||||||
|
|
|
|
22-11-2008, 03:32 AM
|
#6 | ||||||||
|
رد: تقــيم واستفـــــتاء لمشــاركات (صـدى نبض القصــيد)
|
||||||||
|
|
|
|
22-11-2008, 01:00 PM
|
#7 | ||||||||
|
رد: تقــيم واستفـــــتاء لمشــاركات (صـدى نبض القصــيد)
اللي مشى درب المحبـه وهـاوى= تضيق بعيونـه جميـع الجهاتـي تلقى الفرح والحزن عنده تسـاوى= يعيش في الماضي وفي الذكرياتـي وانا الذي من شين حظـه تخـاوى =مع هاجسن صادر لذيـذ السباتـي حسبي على اللي له ضلوعي تعاوى=اللي سلب عقلـي ودمـر حياتـي اللي عليه طيـور قلبـي تصـاوى= اليـا ذكـرت ايامنـا الماضياتـي بـس آتصبـر بالامـل وآتقـآوى= وفي كل يوم اقـول بكـره بياتـي هذا مفصول عن المجاراه يانجديه ( ياليت تفصلينه من المجاراه واذا لبد تظعين له رقم غير )
درب المحبه والهجـر ماتسـاوى= مايجتمـع دربيـن والحـب ذاتـي لاتطلـب المقفـي ولا ينتـخـاوى =هذي وصاتي واحتفـظ بالوصاتـي اذا صوتي محسوب انا اصوت لـــــــ ( 10 ) طبعن نرجوا من الاخوان والاخوات المشاركة بالتصويت تحيااااااااااااتي للجميع
|
||||||||
|
|
|
|
23-11-2008, 01:48 AM
|
#8 | ||||
|
رد: تقــيم واستفـــــتاء لمشــاركات (صـدى نبض القصــيد)
(2)
الموت عندي مع حياتي تسـاوى=من عقبكم معاد تسـوى حياتـي وفيك الرجا والياس صارت تخاوى=وعزيل من مثلي وسواء سواتـي وجرح الهوى يازيـن ماينتـداوى=الأ بشوف اقبـال غايـة مناتـي ولاهنتي ياخت نجديه على الفكره الرائعه
|
||||
|
|
|
|
25-11-2008, 10:32 AM
|
#9 | ||||||
|
رد: تقــيم واستفـــــتاء لمشــاركات (صـدى نبض القصــيد)
بصراحة موضوع رائع ويشعل المنافسة بين الشعار وكلهم مبدعين ماشاء الله عليهم
|
||||||
|
|
|
|
25-11-2008, 12:04 PM
|
#10 | ||||||
|
رد: تقــيم واستفـــــتاء لمشــاركات (صـدى نبض القصــيد)
موضوع جميل الله يعطيك العافيه
|
||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 01:02 PM
