أحمد الناصر

[معلومات العضو شافي القويسي المخاريم]

بسم الله الرحمن الرحيم







ديوان الشاعر الكبير أحمد الناصر الشايع

 

 

 

 

[معلومات العضو شافي القويسي المخاريم]

يا بّعد نوم الليل عن حجـر عينـي=صبرن على ما صار من وال الأقـدار
صبرت صبرن بـاح منـه الكنينـي=أضحك مع العالم وكني علـى نـار
ما غير أهوجس بين نفسي وبينـي=يعلم بها العلام فـي كـل الأسـرار
تقل اتحـرى لـي علـوم تجينـي=مع الطروش اللي يجيبون الأخبـار
فهمت رأس العلـم مـن كلمتينـي=من يوم قالوا جا محمـد ونصـار
تكسّـرت عقبـه جرايـد يمينـي=عز الله اني عقب ما صـار صبّـار
من عقبهـا ونيـت لـي ونتينـي=ونة غريب بالخلا ضـاع واحتـار
لولا الله أبـرك ثـم قـوة يقينـي=لا اطير مثل الطير من كف صقـار
تخنقنـي العبـره وأفـرّك يدينـي=واحترت مثل مصالي النار والغـار
علـم يخلـي كـل قاسـي يلينـي=كنه على قلبي رصـاص أم كـرار
الى ذكـرت عيالـه المصغرينـي=هــذا يعزيـهـم وهــذاك زوّار
احد على جنبه واحـد لـه ونينـي=جتني هموم القلب من كل الأقطـار
قلت اصبروا والله مع الصابرينـي=الله يكافيكـم صواديـف الأشـرار
عسى عوضنـا الحـي بالميتينـي=ناصر ونايف ذخرنا سـر واجهـار
وأحمد وعبدالله ذرانـا الحصينـي=صغار سن وان بدا الـلازم كبـار
يجبر عزاي اللي بخلقـه ضمينـي=محيي العروق الميّته عقب الأمطار
مالي عن المكتوب فـوق الجبينـي=لو رحت شرق وغرب ويمين ويسار
صليت نصف الليل لـي ركعتينـي=أطلب له اللـي للخطيـات غفَّـار
خفف ذنوبه يا أرحـم الراحمينـي=في ماقفٍ ما ينفعن فيـه الأعـذار
جعله برضوانـك مـن الفايزينـي=بالماقف اللي به يضيعـن الافكـار
في ماقفٍ بـه كـل خافـي يبينـي=تمت وصلى الله على سيد الأبـرار

 

 

 

 

[معلومات العضو شافي القويسي المخاريم]

أذن المـذن ونـادى طـول صوتـه بالمنـاره=وقمت طولـي للسفينـة ثـم فليـت الشراعـي
لو يزيد الموج مانـي فالبحـر سـواق طـاره=عارفٍ مجرى السفينـة فـي نـزولٍ وارتفاعـي
كـل رجـال ٍ هواجيسـه علـى قـد اقتـداره=والحظيظ اللي مع العربـان عاقـل واجتماعـي
العرب لـو بشرونـي كـان سلمـت البشـاره=في بيوت مخترعهـا طيـّب العـرف اختراعـي
بين الأثنيـن المفاهـم فـي محلـه والمشـاره=لو يجون اخوان صلب أو هم خوان من الرضاعي
حجة الغايب معه ومـن اعتـذر قبـل اعتـذاره=مايضيقن النفوس ولا الـدروب اللـي وساعـي
وانـت عنـدك لاتعلـم بالثمانيـن الـحـراره=والهروج الضايعة مثل الهمل من غيـر راعـي
صابر بالحـق دام الحـق مـن جـار ٍ لجـاره=لو نجيبه دّين ياصالـح مـن البنـك الزراعـي
والسعادة حظ والا العـرف والمعنـى شطـاره=لو رضاك بعيد اسافر له على النقـل الجماعـي
وسع الخاطـر ولابـه كسـر يحتـاج الجبـاره=دايم العاقل وسيع ابطـان ماهـوب انـد فاعـي
اعتذرت من الرفيق وزبـدة الهـرج اختصـاره=إن عذرني كثر خيره وإن امر بأمـره مطاعـي
قصتن جت من رفيقك غصب من غيـر اختيـاره=سألفـه ومخالفـه ماودنـا الهـيـن يـذاعـي

 

 

 

 

[معلومات العضو شافي القويسي المخاريم]

ليت العمـر ينبـاع والله لشريـه=وأروح للطيّـب وأزوّد سنيـنـه
وإلا الردي لعـل تقصـر لياليـه=ما من وجـوده فايـده خابرينـه
أفزع مع الطيّب عسى الله يخليـه=اللي لفعل الطيـب تبـذل يمينـه
خل الـردي لعـل تكثـر بلاويـه=ثقيـل دم وفـوق ذا ثقـل طينـه
ياللي عبيده تطلبـه ثـم ترجيـه=أعطف على عبدك وقـوّه بدينـه
وإلا الردي ما همني وش يجي فيه=او غاب ما همب العرب فاقدينـه
لا واحسافه كيف يصبح مساويـه=النذل والطيّب سـوى بالسفينـه
مواقـف الطيّـب تعـزه وتغليـه=وإلا الـردي لعـل ربـي يهينـه
أشكي على اللي شامخات هقاويه=أبو محمـد جعـل ربـه يعينـه
مواقفـه هالحيـن وإلا بماضيـه=ترفع له البيضاء على أعلى جبينه
اللي يلبـي كـل صـوت يناديـه=رجل المواقـف كلنـا عارفينـه
إليا لفى كـل الجماعـة تحييـه=أحد يحب الخشـم وأحـد يدينـه
من حشمته كـل يحبـه ويغليـه=أبو محمد جعـل يبطـي ونينـه
أقول كلمة حق والله مـا أرجيـه=ارجـي كريـم كلنـا عابريـنـه

 

 

 

 

[معلومات العضو شافي القويسي المخاريم]

ألا يا ونتاه اللي من الفرقـى بـرت حالـي =كما بري الدبا الغصن الوريق اللي على حلّه
على اللي من ثلاث إسنين هو همي وغربالي =ولكن ماحصل لي منه ساعه تبـري العلـه
إلى مني بغيته فـي محلـه مـا تهيـا لـي =والى منه بغى ياصل محلي صار بـه ذلـه
وإلى مني بغيت انساه وادّلَه عن هوى بالـي =بلاي النفس ماهي عن صخيف الروح منحله
والى منه نطحنـي قـال ياستـار الاحوالـي =عجبّ لله كيف الخل ما يشفق على خلـه ؟!
يطيح اللي بكفي واذهل الدنيـا وهـو سالـي =والى منّّك نظرت اللي تودّه بان بـك خلـه
وانااللي طول ليلي مع نهاري بالخلا الخالـي =أصايد رغبته واتبع طريقـه وآتبيّـن لـه
الى من غاب عني ماتبـي حالـي ولا فالـي =اعوّد في عماي الاول اللـي مابـه إشّكلّـه
انا وياه مثـل اللـي وردّ مطويـة الجالـي =برى حاله ظماه ويوصف الما لـه ولا دلـه
كذوب اللي يقول اقوى فراق الصاحب الغالي =وانا لامن نظرته تقل حكم الروس لي كلـه
إلين اصبحت انا المطلوب بـالأول وبالتالـي =انا المطلوب والطـلاب راع القذلـة الهلّـه
ولاني قاعـدٍ أرجيـه ليـن إيجيبـه الفالـي =وانا ما ودّي العذال والعـدوان تفطـن لـه

 

 

 

 

[معلومات العضو شافي القويسي المخاريم]

في يـوم سبعـة عشـر بتالـي رجـب =ياليتني ما دخلت السوق وانـا اجنبـي
العصر مريت يوم السبت سوق الذهـب =لقيت مخلـوق لا هنـدي ولا مغربـي
من شوفته ما لقيت الا السهـر والتعـب =صار السهر والتعب من شوفته مكسبي
اللبس لبس اجنبـي والـدم دم العـرب =زولن ليا شافه الشايـب يعـود صبـي !
مكمـلن بالجمـال وبالحسـب والنسـب =قلت السلام وتبسم قال لـي وش تبـي
وليا تقربت مـن زيـن الحلايـا هـرب =واقول عطني الصراحة وانت ابو ما تبي
بغيت اعرفه وش اسمه مير ما الله كتـب =يقول ابي سمعتي واخشى على مذهبـي
تبيّن النور مـن خـده علـي واحتجـب =يا الله عليك الخلف تخلف على اتعبـي
انا قتيل العيـون النجـل سـود الهـدب =ذقت العنى والعذاب ولا حصل مطلبـي
قلت ارحم اللي طواه الهم وانت السبـب =قالت لعلـه يطاولـك السهـر بسببـي
قلت الظليمة حـرام بكـل حشمـة وادب =قالت معي عين وصانا عليهـا النبـي
انشد ولا يلحـق النشـاد لـوم وعتـب =انا غريب وقضى مايي وقضى منهبـي
انتي من اهل الكـرك والديـر ولا حلـب =قالت يشيب الولد ما حصل اللـي يبـي
قلت انتي من السويد اهل الفرح والطرب =قالت بلاد العروبـة رغبتـي وطلبـي
انتي من اهل الخليج مخصليـن النشـب =قالت من المسلمين وجد ابوي عربـي
واللي يقول الهوى كله خطر مـا كـذب =قلت اوعديني وعد بس اذكـره واكذبـي
قامت تعجب وقالت يـا زمـان العجـب =يا لايمه للغرام انا اشهـد انـك غبـي
عليك رسـم البـدواة والزمـان انقلـب =قالت عظامي ودمي واللحـم وعصبـي
انا من البدو كان الـدم وصـل الركـب =يوم السلاح المفتل والرصـاص حلبـي

 

 

 

 

[معلومات العضو شافي القويسي المخاريم]

أول وأنا ماشري بحبـك ولا أبيـع =واليوم بأول سـوم والله لابيعـه
عقب أنتشالك لي بروس الأصابيع =رميتني بين الرجـا iiوالقطيعـه
ذوقتني الحرمان سبعـة أسابيـع =وأشقيت نفسٍ لك مطيعه مريعـه
أيام صفو الحب تآمر وأنـا أطيـع =واليوم لامرك والله إني ماطيعـه
لاتحسب إني عقب فرقاك أبا أضيع =البيض واجد وارض ربي وسيعه
سبَّعت قلبي مـن محبتـك تسبيـع =وأقفيت عنك وسـو ماتستطيعـه
خذ راحتك يامصَنّع الحب تصنيـع =مادام نقض العهد عندك طبيعـه
من لا على صهوة جواده مصاريع =خطر يطيح ومثل هـذي هزيعـه
مزَّعت صورة ماضي الحب تمزيع =وأنوي على تكوين صوره فضيعه
مع من جبينه مثل نور الشعاشيـع =وإلا كمـا بـرقٍ تزايـد لميعـه
الصاحب اللي لامري امطيع وامريع =من شان حبي كل غالـي يبيعـه

 

 

 

 

[معلومات العضو شافي القويسي المخاريم]

آه وجرح قلبـي حـار فيـه الطبيـب=قرب المـوت منـي والله المستعـان
ياهل العرف والمعروف جرحي عطيب=خبرو بي صخيف الروح جال الثمـان
كود جرحي اليا شفته بعينـي يطيـب=ين موت وحياه وبين خـوف وامـان
يالله اني دخيلـك عـن رداة النصيـب=لو يلين الحديـد التـرف مابـه ليـان
نوب عني بعيد ونوب عنـدي قريـب=والله اني لاقول اسباب جرحي فـلان
خف من الله ترى الله فوق خلقه رقيب=وانت غربال حالـي بالخفـا والبيـان
كيف شيبت بي من قبل وقت المشيـب=واهنيـك بقلبـك ياوسـيـع البـطـان
والله اني مريب وخاطـري مستريـب=يوم وافق ربيع القلـب شـان الزمـان
المعرفه مع ابـن ادم تحظـر وتغيـب=جدد الوصل دام الدرب امان وضمـان
ان مشى في صفات الضلع او الشعيب=كـل خـد وطاهـا تنبـت الزعفـران
كيف ابدله عقب فرقا العشير الحبيـب=قـرب المـوت منـي يالله المستعـان

 

 

 

 

[معلومات العضو شافي القويسي المخاريم]

يامتلف الروح سـدي بـاح=من عشرتك ويش مصلوحي
حبك ذبحني بغيـر سـلاح=قلبي من الغبن مجروحـي
لولا الحيا كان اصيح اصياح=اخاف تلحق على روحـي
تليتنـي تـل دلـو رمـاح=ياكامل الزيـن مسموحـي
راعي الهوا لو يبي يرتـاح=ماهوب يسمـع ولا يوحـي
اشوف في خدك الوضـاح=موت له الـدرب مفتوحـي
ترى الهوا فيه زرق ارماح=ماهو سواليـف ومزوحـي

 

 

 

 

[معلومات العضو شافي القويسي المخاريم]

اه يـامـل عـيـن ماتـنـام=كن فيهـا رمـد ولا هـزوم
اسهر الليل من زود الغـرام=واتقلب مغير اقعـد واقـوم
كن لي بالمرض عشرين عام=الله اقوى وهن عشرين يـوم
ياهل الخيـر ودولـه سـلام=سلمو لي عليه اكبـر لـزوم
لاتفك اللحـام مـن اللحـام=اثر قلبك على الفرقا عـزوم
كيف ابنساك يابـدر التمـام=جعل ربي يلوم اللـي يلـوم
الذوايب على حـد الحـزام=والردايف مثل شط الـردوم
دام لي بالهوا شـف ومـرام=ماقبل الا انت بالدنيا عمـوم
غيرك البيض عشرتهن حرام=انت مثل القمر بين النجـوم
وانت نور البلد عقب الظلام=وانت جنسك مع الناس معدوم
من تولـع بعرفـك مايـلام=ليت حبـك تغطيـه الهـدوم
اشهدانـك تظيـم ولا تظـام=يامعـذب قبيلـك بالهـمـوم

 

 

 

 

[معلومات العضو شافي القويسي المخاريم]

ياناس راعـي المحبـة لا تعذلونـه=مهوب عن صاحبه دالـه ولا سالـي
لو يسهـر الليـل كلّـه لا تلومونـه=الحب بلوى مانيـب أول ولا تالـي
لي صاحب ماقطعت الياس من دونه=لو غاب عنـي خيالـه دوم يبرالـي
الصاحب اللي سحر هاروت بعيونـه=ودي بشوفه ولا كن مـا تهيّـا لـي
ياهايف الخصر عيني فيـك مفتونـه=عزي لحالي عقب فرقا هوى بالـي
ياكود وصلك على مثلـي وياهونـه=إن كان حالك طواها اللي طوى حالي
عن غيرك القلب غسّلتـه بصابونـه=والعين ماتلتفت فـي كـل الزوالـي
مايجرح القلب كود فراق مضنونـه=أبطيت ما أرسلت لك يازين مرسالي
أجر صوت جميع النـاس يوحونـه=غديت مثل المصيح بالخـلا الخالـي

 

 

 

 

[معلومات العضو شافي القويسي المخاريم]

ياناس قولوا لغـض العـود=تكفون يانـاس قولـو لـه
ما اشوف له من عذابي زود=كثر التصاديد وش هو لـه
ابو ثليـل اشقـر مرجـود~=اسمع بذكـره ولا اطولـه
وعيون نجل هدبهـن سـود=يذبح بهن من يجـي حولـه
ياكثر الأزوال بيض وسـود=ماهـم بمثلـه ولا حـولـه
عقب المودة جفا وأصـدود=ماشفت زول مثـل زولـه
إن مت ابا القى عليه اشهود=عنقـه وخـدّه ومجـدولـه
أسهر وكل العيـون رقـود=اليـا تباطيـت مرسـولـه
يازين حبل الهـوى ممـدود=لكـن سجايـاه مجهـولـه

 

 

 

 

[معلومات العضو شافي القويسي المخاريم]

هل دمعي على خدي نهـار الـوداع=يوم قالـوا بمـان الله جانـي بـلاي
التفت والتحضني بالعيـون الوسـاع=وارسل الدمعه اللي زاد منها عنـاي
خايفِ من فـراق ِ مـاوراه اجتمـاع=يالله اليوم لاتقطـع رجـاه ورجـاي
صرت مثل الغرير اللي بسن الرضاع=اتضيم واصيح صياح من غيـر راي
راحت اقدام رجلي في محلـي ذراع=مقدر المشي قدامي ولاارجـع وراي
المصيبه إن كان الحب والعرف ضاع=ثم زادت جروحي من خلاي بخـلاي
مبغي السر من بينـي وبينـه يـذاع=يضرب الوصف دايم في غلاه وغلاي
الهوى له يذل القلب لو هـو شجـاع=مثل ماردني ترف القدم عـن هـواي
جعل من لاع قلبي في فراقـه يـلاع=حيث وصله هوى بالي وغايت منـاي
اتصبـر ولا ودي يطـول الـنـزاع=واكظم الغيض باسبابه وهذا جـزاي

 

 

 

 

[معلومات العضو شافي القويسي المخاريم]

يا حمامه غريبه= كل صوت تجيبه
من سمعها تصيبه=حسبك الله حمامه
ذكرتني وليفي= مارماني بكيفي
ليت حملي خفيفي=ياحياه الندامه
عقب فرقا عشيري= ما يلقلق نظيري
علتي في ضميري=وين انا والسلامه
ما اقدراقوى فراقه= عقب ذيك الصداقه
صار شوفه شفاقه=صاحبي وش علامه
جايزلي دلاله =عنه منيب داله
ماتبدل بداله=لولحقني ملامه
طبع مضنون عيني= بس بينه وبيني
لاهرج كلمتيني=حط معها ابتسامه
راعي الحب مثلي= في هوى الزين مبلي
عنه ماعاد يسلي=لين يلحقهم غرامه
شوف خلي تجاره= وابتعاده خساره
حبيبي به اشاره=حول شذرات زمامه
حسبي الله على اللي= حال من دون خلي
يوم فرقاه سلي=مثل يوم القيامه