لمن يملك المعلومه عن أل مهوس

[معلومات العضو الدوسري2006]

والله و النعمممممممم بالمهوس

 

 

 

 

[معلومات العضو محمد ال سلطان]

اللسلام عليكم
عائلة المهوس من ثادق ليس لهم علاقه بالمهوس من الشرقيه لا من اصل ولا من فصل
مهوس ثادق هم بدارين دواسر نازحين من الوادي قبلها
المهوس ثادق ليس لهم اي قرابه من اي جهه سواء من القصيم او من الشرقيه او من حايل هم فقط من ثادق

وشكراا
تقبل تحياتي

 

 

 

 

[معلومات العضو نجــــــــــديه]

قالت لي سيده من المهوس اصحاب السجاد والمفروشات اللي من ثادق ان اصل المهوس الاصل القديم من حايل ومرجعهم للبدارين بعد نزوحهم لثادق ومجاورتهم للبدارين مجرد حلف فاستسمو بالدواسر والله على ماقول شهيد

 

 

 

 

[معلومات العضو محمدالمهوس]

تسلم على ردك اخوي ال سلطان

ولكن ماتلاحض انك بالغت شوي
يعني الشرقيه والرياض والقصيم وجده
من المدن الي يقصدها اي شخص يبحث عن رزقه خاصتاً الشرقيه والرياض
القصيم يجونها الي حولها
يعني لو في عائله انتقلت لهذه المدن قبل 50سنه مثلا وتكاثرت هذي العايله
هل هذا يعني انهم خلاص مصارو دواسر مثلاً

صحيح في عوائل تحمل هذا اللقب ولاتنتمي للدواسر ومنهم من تميم تشابه اسماء يعني

مثلا المهوس الي في بريده بالاخص الي في المريدسيه والحين بقلو بريده بعضهم تطور يعني هذولا بدارين والدليل انهم مناسبين احسن العوائل الحمايل في بريده وانت تعرف محد يزوج بنته او يتزوج من عايله مايعرف نسبها اذا كان هو اصل وفصل وخاصة بديرة العنصريه القصيم
وفي يوم العيد اجتماع المهوس فيه مجله خاصه بالاسره توزع وفيها تاريخهم وقصت جدهم الي نزح من ثادق .... وهدف هذي المجله المشاركة وتقارب ابناء الاسره وليس تثبيت اصل او من هذا الكلام فقط لكي يعرف الجيل الجديد قصة جدهم

والشيخ محمد المهوس عضو مجلس الشورى سبق وزهم في العيد
.......

ومع العلم في المهوس كذالك في بريده مالهم اصل وينعرفون ويقال انهم من حائل ويقال انهم عبيد كانو عند المهوس المريدسيه زمان وكثيره الاقاويل والزبده انهم ليس منو الدواسر


لأن المملكه الحين انفتحت ومحد صار يقعد بديرته كلن يدور رزقه وقد يسكن بلد ويستقر بها ويتكاثرون ابنائه هل هذا يعني انهم خرجو من نسبهم.!! اوضاع اصلهم..!!
الرياض فيها الان فوق 5مليون شخص ... زمان مااكنو يتعدون 100الف ...
هل هذا يعني ان جميع العوائل الي انتقلت لهذه المدينه وتركت ديارها ضاع اصلها؟؟

يجب ان يكون التفكير اكثر بعد

.......
بتقولي اجل لي سألت؟؟ عنهم وانت عارف؟؟

اقولك يعني اذا طال عمرك ولا غيرك يعرف سالفة مهوس يقال مهوس هو ال سلطان
طيب ليه سموه كذا ولا هذا اسمه ولا ماهي الحكايه
هذا ما ابحث عنه في هذا المنتدى الزاخر


اكرر شكري لك على ردك وتجاوبك

 

 

 

 

[معلومات العضو محمدالمهوس]

على فكره اختي نجديه

بصفتي من البدارين
ماقد سمعت ان راعي السجاد يقربلنا وكل ماسالت احد اقاربي قالي هذا من حايل يعني زي ماتفضلتي ولكن ومهوس حايل معروفين انهم من تميم

إلا اذا في احد من المهوس من البدارين راح لعمل او شي هذا حاله خاصه

ولكن الاصل ان مهوس حايل من تميم ليسو بدارين

وانا شبه تأكدت من انهم ليسو اصيليين بدليل ان في احدهم يقول في احد المنتديات أن خواته 2 ازواجهم مو اصيلين ويمدحهم انهم رجال بالاخلاق ويقول مع اني تميمي واصيل كان معرفه فهد المهوس .. واستغرب كيف زوجو خضيريه واثنين من خواته موحده ..و كان الموضوع عن (لوتقدم لك خضيري توافق له ولا لا)

وبإمكانك تسوي بحث في قوقل وتتاكدي من هذا الشي

 

 

 

 

[معلومات العضو محمد ال سلطان]

السلام عليكم
بس حبيت اصحح معلومتك اخوي محمد بحكم اني من ال مهوس ثادق البدرين
ترى المهوس حقين السجاد هم المهوس البدارين حقين ثادق
وراعي السجاد المعروف ما غيره هو ابراهيم بن سليمان المهوس اخو عضو مجلس الشورى محمد بن سليمان المهوس المدعي العام سابقاا
وشكراا اي

استفسار اخوي انا مستعد

 

 

 

 

[معلومات العضو دوسري2007]

اهلا وسهلا حسب بعض المعلومات التي لدي أن المهوس قدموا الى ثادق من القصب وهم من البدارين من الدواسر.

 

 

 

 

[معلومات العضو عبدالرحمن بن شملان]

والله ونعم بال مهوس اهل ثادق وهم من البدارين مافيها شك وخوي اخوي منهم\

لكن عندنا بالحارة عائلة يقال لها المهوس وهم من الزبير من العراق ويقولون حنا بدارين دواسر واصلنا من ثادق لالالالالاكن لما اقول الكلام هذا للمهوس خوي اخي ينكر ذالك

اذا احد عنده معلومات عن بدارين الزبير يفيدنا وعن تواجد اسرهم هناك للفائدة للجميع

 

 

 

 

[معلومات العضو نجــــــــــديه]

فعلا اخوي محمد تلك السيده ذكرت لي فعلا ان مرجعهم الاصلي من تميم
وديرتهم الاصل حايل
ولاكن حاليا يتواجد البعض منهم في ثادق على حسب الكلام الذي قيل لي منهم
ومشكور

 

 

 

 

[معلومات العضو محمد ال سلطان]

السلام عليكم ورحمة الله وبركاته
والله اللي اعرفه وانا متاكد منه بصفتي منهم "مهوس ثادق البداين" فا اقول ان المهوس للسجاد ماهم خضيريه هم نفسهم نفس المدعي العام محمد بن سليمان المهوس يعني بدرارين دواسر
اما بخصوص مهوس القصيم فانا والله سمعت عن ناس من المهوس كانو بالمريدسيه ويقال ان ابوهم هو محمد والظاهر بس ما افتيك انه اخو سلطان ابو مهوس ثادق
والله اعلم بس لو اسال كبار المهوس يمكن اوضح لك
وعلى العموم تر المهوس لهم شجره بس قديمه يعني لها حدود العشرين سنه يغني يالله تلقاها
وشطراا

 

 

 

 

[معلومات العضو محمدالمهوس]

فعلا اخوي محمد ولا يهون البقيه المهوس فيه منهم بثادق وفيه منهم في المريدسيه وفيه منهم الان طبعا بعد انتشار الشعب والسعي حول الرزق في اغلب مدن المملكه
ولكن لاشك مقرهم الاساسي ثادق ومهوس المريدسيه ليسم قله عايله تكاثرت من قديم الزمان بعد ان نزل جدهم من ثادق ولاتخفى على اي واحد ليس فقط في المريدسيه لأنهم بكثره فيها بل معروفين في بريده كلها وسمعتهم طيبه ومناسبين احسن اسر بريده
عشان كذا صارو خلاص مع انفسهم ولا يروحون ثادق إلا قليل ويمكن لو راحو ماعرفو عيال عمهم لان اجدادهم استقرو في المريدسه والحين نزل اغلبهم بريده سكن وعمل لان المريدسيه خب من هالخبوب مافيه غير مزارع ومامزارع

طبعا اخونا المهوس راعي السجاد قد يكون دوسري لاني بصراحه ما اعرفه معرفه شخصيه عشان احكم عليه والنعم فيه سمعته طيبه كما اعلم عنه

وطبعا كل عايله وقبيله كبيره لها شيوخ وعبيد 220 و110 زي مايقولون
ودايم ال110 مايقدر يناسب 220 وان حصل يكون حاله شاذه جدا جدا وتصير مشاكل
وبكذا تقدر تفرق لو انك مشبه او شاك بأحد


عموما كلكم لأدم وادم من تراب

المطلوب ودي نتعرف على بعض ونصل ارحام بعض ونوقف من بعض
ونتعرف على تاريخ اجدادنا وكيف كانو وكيف صارو
وشاكر تعاونكم جميعا

 

 

 

 

[معلومات العضو ابن مهوس البدراني]

السلام عليكم
اخواني انا اعرف امام مسجد بالدمام من عائلة المهوس ويقول انه من المريدسيه ويرجع شمري
واعرف شخص ثاني ايضا" من المهوس يقول انه من بريده ويرجع تميمي .
وعلى كلام الوالد يقول انه الشيخ محمد بن سليمان المهوس اخوه ابراهيم صاحب السجاد وكان عنده فرع بالدمام وكان يزور جدي بالبيت .. ويقول قبل حوالي 18 سنه كان عائله المهوس مجتمعين بثادق وكان الشيخ محمد موجود واغلب عائلة المهوس وبعدها انقطعو عن بعض ..
والي اعرفه ان مهوس شمر خضيريه و مهوس الزبير دواسر ومهوس تميم ما عندي علم عنهم

 

 

 

 

[معلومات العضو الفقير الى ربه]

والله ونعم ان كانو بني عمناو لا من قبيله ثانيه مانملك الا ان نقول ونعم ثم و نعم

 

 

 

 

[معلومات العضو ابو زيد الغييثي]

المهــوس اللي بحايل ليس دواسر


ويغلق الموضوع