ماعاد يفرق زول حرمه ورجال!!!

[معلومات العضو عبدالرحمن بن عويس]

السلام عليكم ورحمة الله وبركاته




والقصيدة لشاعره : نوف بنت شطيط العتيبي .

إذا المراجل لبسة شماغ وعقال=
ماعاد يفرق زول حرمه ورجال=
المرجله ماهيب كلمه وتنقال=
وإلاخشونة صوت أو رفع الأثقال=
ولاهي بعد مفتاح الموتر وجوال=
المرجله شيمه عن القيل والقال=
المرجله عقل وزن وزنه جبال=
يامسندي لو مايل الوقت بي مامآل=
يامعرب الجدين من العم والخال=
المرجله ياخوي هي طولة البال=
فيها الكرم عزه دله وفنجال=
والدين لامنه خذا القلب منزال=
ومن لا عرف ربه في طيب الحال=
حتى صلاتك مع جماعات ورجال=
ولامن نصف ليلك قم صفي البال=
ولا من رفع ربي له كل الأعمال=
وخلك شريف القصد ياطيب الفال=
واحذر تبيع النفس في درب الأنذال=
النفس خيل لك إذا كنت خيال=
ولاصرت ماتدري لو يش أنت رجال=

وسلامتكم

 

 

 

 

[معلومات العضو إبن دوسر]

إذا المراجل لبسـة شمـاغ وعقـال .. قـل للعـذارى يلبـسـن العمـايـم

بيت عن قصيدة كاملة جزله.. وبكلّ صراحه !!

صح لسان الشاعره الرائعه بحق ( نوف بنت شطيط )..

ولا هنت يابن عويس.. ماقصّرت في جلب هذه القصيدة الجميله !!

وخذ هالبيت منّي يتكلم عن نفس الموضوع.. :

لوّ الرجوله في لباس الشماغي=والله لأرمي غترتي والتزايين !!

 

 

 

 

[معلومات العضو ابو فهد الغييثي]

صح لسان الشاعره الرائعه ( نوف بنت شطيط )..

ولا هنت يابن عويس.. ماقصّرت في جلب هذه القصيدة الجميله !!
والله يعطيك العافيه

 

 

 

 

[معلومات العضو عبدالرحمن بن عويس]

الأخ العزيز والغالي . . . . ابوفهد الغييثي . . . سلمه الله

يشرفني مرورك كما يشرفني تعليقك ...

بكل فخر وأعتزاز ... لا هنت وبيض الله وجهك !!

 

 

 

 

[معلومات العضو عبدالرحمن بن عويس]

الأخ العزيز والغالي . . . . ابن دوســر . . . سلمه الله

يشرفني مرورك كما يشرفني تعليقك ...

بكل فخر وأعتزاز ... لا هنت وبيض الله وجهك !!