يا قاف صدري عقب فرقاك محـروم

[معلومات العضو غرام]

ماني علـى كثـر المشاريـه ملـزوم
مـا دام قفـا وش تفيـد المشـاريـه


لـو يجـرح الخاطـر تغليـه باشـوم
مـا نيـب لا شـاتـم و لا بمتقفـيـه


لا اقبل هلا به داخل القلـب محشـوم
اجعل لـه ضلوعـي فـراشٍ يوقيـه


وان راح باحنه من الغصـب واللـوم
لا ناسـيٍ طيبـه ولا بـايـرٍ فـيـه


ياكـم لقيتـه لا امتـلا قلبـي همـوم
يفزع قبـل لا ادعيـه كنـي ابعطيـه


ان شاف حزني حاربت عينـه النـوم
وليـا دعيتـه جـاوب دعـاي لبيـه


سري وسره داخـل الجـوف مكتـوم
يدرا على سري واداري الحكـي فيـه


يا كم قطعنـا مـن بلاديـن وحـزوم
اجود واعطي والعطـا مـن مخابيـه


رفقة غلا . . خوة شغاميـم وقـروم
على النقا جمعا يجينـي وانـا اجيـه


حلفت ما اصخي فيه مـنٍ ولا سـوم
وان بار فيني والله انـي مـا اخليـه


بيني وبينـه عهـد وحقـوق وسلـوم
لا من زعلت يضيق وان ضاق اراضيه


ولا من جمعت الحزن في داخلي كوم
جاني يبـدد غيمـة الحـزن صافيـه


يا قاف صدري عقب فرقاك محـروم
مثل الغريـر اللـي تلاشـت امانيـه


غديت كنـي سـاري الليـل منجـوم
ضاع الطريق وعتمـت الليـل تغويـه


يا قافي اللـي حـام لا تبعـد الحـوم
ارجع ترا اللي داخـل القلـب يكفيـه


مشبب العاصمي

 

 

 

 

[معلومات العضو فيصل بن جزاء]

الاخت غرام لاهنتي على الاختيار المميز للقصيده الرائعه

وصح لسان شاعرها وتسلم يمين ناقلهااا

تقديري واحترامي

 

 

 

 

[معلومات العضو غرام]

حياك الله يا خوي فيصل على المرور وبيض الله وجهك