تكفون يانشاما أزهمكم ولا أزهم الذيب

[معلومات العضو اخو بتلا]

الواسطه
كل شيء بالواسطه يصير

 

 

 

 

[معلومات العضو السمو]

مشكلتك ياطير حوران إنك حصرت نفسك في موضوع خروج ناصر

ولو تكلمنا عن موضوع اختياره لقصيدة فمثل مقال أخوي الفاضل سعود بن نادر

فلو قارناه ببعض الشعراء اللي معه في الحلقه للاحظنا الفرق بالإضافه إلى تلاعب

البرنامج والأدلة قوية وواضحه للعيان وقس عليها وش بيصير في الخفاء من تلاعب

أصلاًمالاحظتوا قصائد بعض الشعراء سواء في الحلقة الأولى أو الحلقة الثانيه من مدح

لقصائدهم من قبل بعض اللجنة وخاصة العميمي وغسان والقصائد أقل مايقال عنها

مـُضحكة مش مضحكه من جمالها وخفتها إلا ّمـُـضحكه لأنها تفشـّل !!!

وروسنا دوم مرفوعه ياسيد طير حوران بإذن الله يخسون ينزلون روسنا

وماتخسى الله يسلمك

لكن حركاتهم الدنيئه وجرأتهم الوقحه وكل هاالأمور الواضحه وتجيـّر قلمك لهم

لابارك الله فيهم

تمنيت منك يوم أسهبت في الكلام عن ناصر إن تكلمت في بقية الأمور

وبإسهاب !!!!!!!!!!!

والحمدلله نتكلم بعقلانيه ولانريد ظلم للآخرين والله الشاهد لكن !

لانريد أحد يتجاوز حدوده علينا دمــّــر الله عليهم

وكلام أخوي سعود بن نادر كله في محله جعله سالم

على قولك للحق الله يعزك

وفعلا ً البرنامج غير إنه خسر ناصر خسر كثير من متابعيه

لأن الأدله بدأت تظهر للمشاهد النبيه من نصب وإحتيال وظلم من هذا البرنامج السامج

نعم يخسى الذيب طال عمرك الله يديم وجودك على طاعته

أخوي أبو سعود الودعاني اقتراحك في محله الله

يحفظك وهذا الدور الذي يجب أن يقوم به الجميع الله لايهينك

تسلم ياراعي البرصا وقليل عليهم ماطلبت الله يسعدك

ياخوي


نعم كلامك صحيح يااخو بتلا جعلك سالم

.

 

 

 

 

[معلومات العضو طـــــــيــر حوران]

اخي السمو انا احترم رايك وراي اخواني بس انا ماجيرت قلمي لاحد لو كنت مجيره مااجيره الا بخدمة ربعي وعزوتي وكلامي هذا الي قلته وبقوله ابي اخواني وابناء قبيلتي يعرفون اخطاؤهم ولايضعون اللوم على احد فمحاسبة النفس هي اساس النجاح اما اللجنه فلي عليها تحفظات كثيره ولكن انا علي من شاعرنا هو اخطأ وخلا عليه من الرياجيل ممسك خلاص انتهى الموضوع وبعدين انا اتكلم على شي شفته بعيني اما انتم تتكلمون عن اشياء بالغيب محد شافها هل صار تلاعب بالتصويت؟ هذا شي علمه عند رب العالمين وبعدين يااخواني خلكم محايدين وابتعدوا عن العواطف يعني ابي واحد يسأل رياجيل محايدين من قبايل اخرى ثقات وش رايهم في مشاركة ناصر؟وبتسمعون الكلام الي يريحكم .
واتمنى انا نننتهي من هذا النقاش لاني اظنه عقيم تقبلوا تحياتي.

 

 

 

 

[معلومات العضو راعي البرصا]

العتيبي صاحب قصيدة مدح النبي صلى الله عليه وسلم اخرجوه وادخلوا اماراتي بداله يقال له الشريف هذا مهو بظلم!!!!
نعبوتس يالدنيا اللي قاموا يقيمون الشعر اصحاب قصائد احبج وماتحبيني
ماعليكم هذا برنامج يثير النعرات ولايستبعد وراه الصهيونيه

 

 

 

 

[معلومات العضو السمو]

الأدله اللي واضحه ياأخوي وضوح الشمس وتقول تتكلمون عن أمور ماتعلمون عنها شئ

كثير منا شاف غلطة المذيع وهو يعد اسم المتسابق الثاني قبل مايسحب اسمه

يعني كل شيء مخطط له من قبل من اسما شعراء في كل حلقه


( لا ويخدعون الناس وجايبين صندوق سحب الأسماء .. حسبي الله عليهم النصابين )

حتى تقييم اللجنه للشعراء واضح التلاعب في النــقــد

البرنامج وتحديد اسماء الشعراء ونقد الشعراء واختيار اللجنه للشاعرين المميزين في

نظرهم و وجعل بقية الشعراء للتصويت اختيار غريب إلا ّ اختيار فيه ظلم


مثل ماقال أخوي راعي البرصا الله يحفظه

حتى الواحد اللي مايعرف الشعر بيعرف يفرق


وتقول تحفظات إلا لجنه فاشله و.....

وغيره وغيره الكثير الواضحه ياخوي وتقول تتكلمون عن أشياء

بالغيب !!!!!!!!!!!!!!!!!!!!!!!!!!!!


البرنامج قائم على آراء اللجنه.... أمحق لجنه هههههه

.

 

 

 

 

[معلومات العضو طـــــــيــر حوران]

يعطيكم العافيه على هذا النقاش الحلو بس عندي كلمه اخيره لو البرنامج غير ناجح كان مادار بينا النقاش هذا ولا زهمنا بعضنا بعض للتصويت لناصر دهيم لاتقولي عشانه دوسري هذا الشاعر معيوف بن مبارك المساعره مشارك بقصيدة التحدي محد قال صوتوا !!!!!!!!!!!!!!!!!!!!!!!!!ليه مهب دوسري !!!!!!!!؟ هذا دليل ان البرنامج ناجح بس عشان طلعوا ناصر قعدنا نتحجج واظن حنا اشبعنا الموضوع نقاش وانا تشرفت اني تحاورت معكم اخواني الاعزاء وشكر خاصر لك عزيزي سمو احترم رايك وبيض الله وجهك

 

 

 

 

[معلومات العضو السمو]

ووجهك أبيض ياخوي

الموضوع ياسـيـد مش على خروج بن دهيم بظلم وبس فقد ظـُلم لبنا ن قبله ومن وجهة

نظري انه أفضل شاعريةوأكثر خبره من ابن دهيم وهذا لايقلل من ابن دهيم جعله

سالم هو ولبنان فناصر لايزال صغير سن وبالرغم من ذلك أفضل بكثير وبكثير من بعض

من أهـّـلتهم اللجنه المتميزه بعدم الحياديه وقلة الذوق في أسلوب النقد

المشكله الأهم وضحتها في كلامي أكثر من مره وجرأتهم تعديهم

الغير مبرر حسبي الله عليهم

أما بخصوص نقاشنا بأنه دليل على نجاحة

فليس كل برنامج ناجح فيه عدل وهذا اللي يهمنا من

نقاشنا فغيره من البرامج الواقعيه يدور حولها النقاش ولها متابعيها و

ناجحه لكن تخلوا من النزاهه وفيها من الظلم كثير

.