اجمل النقض والفتل بين العملاقين فيصل الرياحي وحبيب العازمي

[معلومات العضو حسن مسرع الدوسري]

اجمل الفتل والنقض بين العملاقين

فيصل الرياحي ...و... حبيب العازمي





فيصل



سلام ياهل الديـار اللـي عليهـا سـلام
حامينها أهل السيـوف الحـدب حامينهـا
الليلـه الملعبـه ماتعـتـرف بالنـظـام
وليا حضرنـا تبـى ترجـح موازينهـا



حبيب



يامرحبا يارجال(ن) من ديـار(ن) كـلام
يازينهـا فـي ليـال الصيـف يازينهـا
الليلـه الملعبـه تحتـاج ربـط الحـزام
وليـا وقفنـا نبـى نخـزي شياطينـهـا


فيصل



اليا خلطت السوالف من حـلال وحـرام
الكلمـه الثانـيـه عـنـدي براهينـهـا
ياحبيب اليوم خلك شعرة(ن) فـي سنـام
والبـدو تلـقـاك لاشــدت بعارينـهـا


حبيب


أن جنبت في اللحم وأن وافقت في العضام
والكلمـه الثانيـه تاصلـك فـي حينهـا
ماني بشعره أناخصمـك قطـوع العـرام
وان زاد جن البقـوم أحشـر مجانينهـا




فيصل



أن وقعت في الصخر وان وقعت في العدام
حنا سيـوف المعـارك وأنـت سكينهـا
الله ربـي وربـك يامـطـوع جـهـام
تسجد علـى الأرض لاثـارت براكينهـا



حبيب


لو مامعي غير سكيـن ومطـرق بشـام
أخذ سيوف أكثـر البقمـى مـن يدينهـا
الله رب الجميـع وصاحـبـي مـايـلام
هجـت ذلولـه تلـوى فـي كراعينهـا



فيصل


كم عالم(ن) يحلمون ويشمتـون الحـلام
مـاردك عـن البقـوم ألا سلاطينـهـا
ترا هذيك الهنـوف أم الذهـب والزمـام
ماعدك ألا قذاة(ن) فـي طـرف عينهـا


حبيب


وين السلاطين يوم(ن) الشجـاري خيـام
هي بيـض مـن طبعهـا ولا مكسينهـا
وأنته بعد في حدا الخديـن دقـت وشـام
الله يعينـك عـلـى الأيــام ويعينـهـا



فيصل


شهد لنا بخيت يوم الهوش تحت العسـام
ماهـي بكذبـه مـع العبلـه مسوينـهـا
عاملتهـا بالوفـا والطيـب والأحـتـرام
وأنته تجمـع علـى الخبـزه وراعينهـا



حبيب


شهـادة طيبـه لاهـل الهـوا والغـرام
قصيدتـن كــل خـلـق الله مغنينـهـا
ياصحابنا لايزيـد الطـق فـوق اللحـام
أنـتـم مغدينـهـا حـنـا معشيـنـهـا



فيصل


أنتم كما الزرع ياعتيبه وحنـا الصـرام
الأرض مـاعـاد تحمـاكـم ميادينـهـا
ياشاعرن في الملاعب لبسـوك الوسـام
ضيعت في الليـل عشرتهـا وعشرينهـا



حبيب


كلمتك هـذي ماتنقـص للنشامـا مقـام
ياللـي تهـدد عتيبـه وينـك ووينـهـا
يالشاعر اللي نبتلك مثـل ريـش النعـام
ماصالـحـن للبـقـوم ألا دكاكيـنـهـا




فيصل


ندخل علـى الله ترانـا مانسـب الكـرام
أقولـلـي سالـفـه مـاهـم بناسينـهـا
من يوم ركبت طوقن مثل طوق الحمـام
حتى أم ضرفين جادينـك علـى دينهـا




حبيب

السـب مالـه مجـال ولايفـك الزحـام
وأن جبتلـك سالفـه ميعـادك دوينـهـا
مايختلف هالرياحـي منتفـخ كـل عـام
كـن أم ضرفيـن غاذيتـه بضرفينـهـا




فيصل


مزكوم ياصاحبـي واعديتنـي بالزكـام
دينـت بنـت الحـلال ولا قضـا دينهـا
سبحان من حط جسمك مثل عود الثمـام
كنـك مـن أفريقيـا وأحـد مساكينـهـا



حبيب

خلـه لعلـه عساكـم كلـكـم للهيــام
العافيـه صــح منـتـم مستحقينـهـا
وزن الخشب طن ولا الماس كيلو جـرام
حمـر الفلسطيـن نكبتهـا فلسطينـهـا

 

 

 

 

[معلومات العضو ابو زابن المسعري]

شعراء بحق

اشكرك وبيض الله وجهك على نقل هذه المحاوره الكايفه

لاهنت اخي حـــــــــســــــــن

 

 

 

 

[معلومات العضو أبونواف الدوسري]

اجمل الفتل والنقض بين العملاقين

فيصل الرياحي ...و... حبيب العازمي

الله يجزاك خير أخي حسن بن مسرع....لاهنت ...وصح لسان الشعراء..

دمت في حفظ الله..

 

 

 

 

[معلومات العضو حسن مسرع الدوسري]

اخي وزميلي / ابو زابن المسعري
وانت بيض الله وجهك طال عمرك ومرورك شرف لي
كل عام وانت بخير

 

 

 

 

[معلومات العضو حسن مسرع الدوسري]

الأخ والاستاذ / ابو نواف الدوسري
الف شكر على المرور

 

 

 

 

[معلومات العضو العماني]

اجمل الفتل والنقض بين العملاقين

فيصل الرياحي ...و... حبيب العازمي

الله يجزاك خير أخي بومسرع ....لاهنت ...وصح لسان الشعراء..


تقبل تحياتي،،

 

 

 

 

[معلومات العضو المسعري]

ابو سعود بيض الله وجهك
نقل ممتاز بحق
بين شعراء يعتبرون هرمين ما اهرامات الشعر في الخليج العربي
لك الود
اخوك تراحيب المسعري

 

 

 

 

[معلومات العضو حسن مسرع الدوسري]

الاستاذ : هايف العماني
الف شكر على المرور وبيض الله وجهك

 

 

 

 

[معلومات العضو حسن مسرع الدوسري]

الاستاذ والشاعر المبدع / المسعري
مرورك شرف كبير لي
مشكووووووووووووووور