..".. يـــا طــيــر .."..

**معلومات** **العضو** · 28-08-2007, 10:10 AM


	ياطير ما فضل علـى غيـرك طيـور ياطير حلَـق وانـت ياطيـر طيـري ياطير فعلك بيـن الأجـواد مشهـور فيك اتباهـى مـع كبيـر وصغيـري كامل مزايـا وافـي أفعـال حاشـور ابيض وصافي ريش ساقك قصيـري صارم ومخلابك على الصيد ساطـور راكـد وطلعـك بالمـدارج خبيـري تصعب على اللي قادر ٍ هامة الحـور نادر حرار وما يجـي لـك نظيـري حر ٍ عديم ولا يجـي مثلـك عبـور غنـاة منهـو فـي زمانـه فقيـري شوفك على كفي مثـل طلعـة النـور كنك حدى آل سعود خالـه سديـري لو قدروا سعـرك ملاييـن وقصـور مالك مـن العشـاق ياطيـر غيـري ما ياخذونك لو غدى الريش مكسـور ملكي لحالـي فـي مقـام الأميـري ياطير مجبوره مثل ما انـت مجبـور عشيرتـك ببقـى وتبقـى عشيـري لا رجت من دون الفضا وأرضي زهور تنثر على فيضـة زهـوري عبيـري غلاك نحت ٍ داخـل القلـب محفـور مانساك فـي عسـرات وإلا يسيـري ياطير ما اسمع فيك نكاسـة الشـور عوجان الألسن ما حديهـم خشيـري زعلت بك جمهور وارضيت جمهـور حققت بك قمـة فخـر مـا تصيـري والخاتمه تفـداك ياصقـري صقـور وتحيتي لك صافيـة مـن ضميـري وسلامتـــــــــــــــكم /اختكم شيهانه على كف صقار

**معلومات** **العضو** · 28-08-2007, 10:12 AM

صح السانك ياشيهانه على كف صقار قصيده جميله ومميزه

ننتظر ابداعات قلمك ونبض احساسك

دمتي بود

**معلومات** **العضو** · 28-08-2007, 11:48 AM

ياطير مجبور
لكي الشكر والتحيه
وصح الله السانك
وفق الله ورعاك
ولك مني وافي السلام

**معلومات** **العضو** · 28-08-2007, 12:52 PM

صح الله لسانك على الجزل

ونتتظر جديدك يالغالي

**معلومات** **العضو** · 28-08-2007, 04:55 PM

اٌخت شيهانة

صح لسانك

و مرحبا بك في منتداك

بإنتظار الجديد من روائعكـ،،،

**معلومات** **العضو** · 30-08-2007, 09:12 AM

اشكرررررررك على نقلك

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية