يا ابن حمري عزتي للي على الغبن iiيتصبّـر

[معلومات العضو فرحان فهد ال فرحان]

يا ابن حمري عزتي للي على الغبن iiيتصبّـر = يرسم البسمه على وجهه وهو في أخس حاله
كن ما للغيض في صدره سحـاب لا iiتزبّـر = بالرعد والبرق والماء والبرد يصدق iiخيالـه
لاضواه الليل شاف اضغـاث حلـم iiمايعبّـر = ضاق باله ضيقةٍ من وطي أثرها ضاق iiبالـه
ولا أقبل النهار بالنور وظـلام الليـل iiدبّـر = خذا يومه بأوله في رحلـة آلآمـه iiوآمالـه
يجبره وقته على عـرف النشامـا iiوالمثبّـر = ويعتزل ذولا لجل ذولا ولو يبطـي iiلحالـه
خل نقـال الكـلام يقـول مغـرور iiوتكبّـر = الكبر للواحد الفـرد الصمـد جـل iiجلالـه
خوي الرديان يبشر لـه بكسـر مـا iiيجبّـر = ماله منهم غيرما لرشا الغروب من iiالمحالـه
والحزيـن دواه لاقـام يتـزفـر iiويتعـبّـر = مثل ورعٍ شاف يوم العيد كلّـن مـع iiعيالـه
وهو جا لبوه مطراشٍ ما منه الطيـر خبّـر = ومن ردى عمّه خذته أمه وراحت مع iiخواله
وأطيب الخوال صام الوقفـه وهلـل iiوكبّـر = وشرى عيدية هله وأخته ولدها ما شرى iiلـه
خاطر الورع انكسر والوجه بشر اللون iiغبّر = صلى الله وسلم وبارك علـى محمـد iiوآلـه
كن مابه عقب نهش الدود لأجسـاد iiالمقبّـر = بعث وإحساب وحياة وأجر واعقاب وعدالـه
ياعلي شعرك من الواقع كتب وأملى iiوعبّـر = وأثبت إن للشعر ترسانه وللشاعـر iiرسالـه
يكفي إن إسمك مع الأيام يكبـر مـا iiيكبّـر = كوكب ما كن لخلـق الله مجـال الا iiمجالـه
وثوبك من العز والنوماس يذرع مـا iiيشبّـر = ملبس لايق على قـومٍ لهـم قالـه iiوطالـه
أمـا أنـا لاعابـدٍ زهـد ولا طـاغٍ iiتجبّـر = ليت أمان كلاش ابو عطفه ورد لبو iiمحالـه
قبل دعواي أحسب إن كل الدعـاوي تنتدبّـر = وأكتشفت إن الذنوب أكروب والبدعه iiضلاله

للشاعر المحبوب فلاح القرقلاح

 

 

 

 

[معلومات العضو ذيب أمعط]

صح الله لسان الشاعر الكبير فلاح القرقاح

ولا هنت يا ابوفهد على الموضوع

 

 

 

 

[معلومات العضو فرحان فهد ال فرحان]

ذيب امعط اول مشاركه تعليقك على موضوعي شرفتنا بهذا المرور


الله لا يهينك

 

 

 

 

[معلومات العضو ابومبارك الدوسري]

أبوفهد

صح لسانكـ ولسان الشاعر

يعطيك العافيه علي هذا الأختيار اللذي يدل علي تذوقكـ للشعر

تقبل مني أرقا التحايا وأطيبها

أخوك

ابومبارك الدوسري

 

 

 

 

[معلومات العضو اخو بتلا]

صح لســــــــــــانك ولســــــــان الشاعر فــــــــلاح القرقـــــــاح
والله لا يهيــــــــنك على نقل القـــــصيده
وتقــــــــبلوا تحــــــياتي أخــــــوكم
أخـــــــــــــو بتــــــــــــــلا

 

 

 

 

[معلومات العضو فرحان فهد ال فرحان]

ابو مبارك ولسانك ويعطيك العافيه على المرور والتعليق

اخو بتلا عندنا هلا والله ولسانك ياراعي الالغاز بنت تمشي على وراء الى الان ماحله احد
تراني قاهرني ذاك اللغز

 

 

 

 

[معلومات العضو مبارك الخييلي]

صح اللسان القرقاح
تقبل مروري
لاهان راعي الموضوع

مبارك الخييلي

 

 

 

 

[معلومات العضو خصيم نفسه]

شكرا على نقل القصيدة

 

 

 

 

[معلومات العضو فرحان فهد ال فرحان]

اشكر الجميع على المرور والتعليق

 

 

 

 

[معلومات العضو ابو زابن المسعري]

بيض الله وجهك يابو فهد على نقل هذه القصيده الكايف لشاعر الكبير فلاح القرقاح

وابن حمري شاعر ماعليه قصور واكيد رد عليه ياليت تتحفنا بها ان كان تعرفها