قصيده الجبلي بمطير والرد عليها

[معلومات العضو جبلان علوى]

أول شي مساكم الله بالخير


ثاني شي حبيت انقلكم هالقصيده

اتركم مع القصيده

يقولون : ( الصبر مفتاح )دامه للفرج بيبان=وبعض اوقات ياأهل العرف مافاد الصبر فيها
إليا منه طفح كيل الرجل ماحسب الحسبان=يسج الرجل قدامه .. ولا يحسب خطاويها
وانا من بعد هذا الصدر صرت القاف ياسلطان=على البحر الطويل ابدع طواريقي واغنيها
وبوصلها لجمع الناس كافي _ وافي(ن) مليان=إلين الناس تسمعها وتنصف في معانيها
وانا اللي هاظني قول(ن) يقولونه عن *المطران*=يقولون (ال؟؟؟؟؟) بالمطيري مايخليها
خسيتـوا وان خسيتوا يا شراذن ياكلاب الظان=رخوم (ن) قالت الهرجا وزادت في حكاويها
نـــذالتنا ->> بفعل الطيـــــــــب لكن حيها يافلان=خص اللابه اللي طيبها من طيب اهاليها
نماريها بفعل الطيب لين الخافية تنبان=وهذي في قبايل نجد ماتخفى خوافيها
واذا انك غاوي التاريخ بالفهرس وبالديوان=حدر عنوان ( حمــران النواظر ) وين اراضيها ؟
تنخى بالحجاز تجيك (عبدإله) كما البركان=تثور وكنها نار(ن) ولاتقدر*تطفيها*
وأهل المعجزات (بريه) ماتخضع لمنهو كان=طحاطيح الرجال اللي فعايلها تزكيها
وسلامي(( ياأهل الردات علوه ))ياأهل الصمان=مقابيس الوقى بالكون .. وين اللي يعاديها ؟؟
ألا ياكم روس(ن) حدرت من عالي الضلعان=تهاوى كنها (الكوره) تداولها نواديها
وانا ماني بقايلك :*تمكنا من الأكوان*=كسرنا // وانكسرنا // والفعايل منت محصيها
ولكن "عوذوا الله" ياأهل الهرجا من الشيطان=على قول المثل : (النار تحرق رجل واطيها)
وهذا [ موجز النشره] مراسلكم : *من الجبلان*=قصيدهتشرح المعنى من اولها لتاليها
وانا باغي السموحه كان في هرجي بدا نقصان=وان كان به زله نرفعها ونمحيها
وبختـــــــــام القصيده ياسلام الله على المطران=ألا يالبت (ن) تفخر اذا ذكرت بأساميها

وثاني قصيده واللي هي الرد على قصيده الجبلي

واللي حقيقه لا اعرف شاعرها واللي يعرفه لا يبخل علينا يعلمنا


والحين اخليكم مع القصيده

سلام الله على بيوتن كتبها طيب السيسان=مراسلنا من الجبلان قالولي مسويها
سمعته وأنتهض شعري يغنيها مع الاوزان=وسجيت الفكر معها على قاف (ن)يحليها
وأنا يوم (ن) سمعته قلت ارتبله على القيفان=بيوت (ن) من بحر شعري جزيلات (ن) معانيها
على البحر الطويل اشيده قافي وأجر ألحان=وبأبحر مع قصيده لا أسمعتها الخلق تطريها
تحيزم بالحزام وورها شلت جلاب الظان=تنابح لين ما تتعب وربك ساخط (ن) فيها
جماعه قصدها تزعزع ولكن قصدها خسران=وحنا أكبر من علوم (ن) ضعيف (ن) قام يحكيها
وحنا ساسنا معروف يحكابه مع العربان=شجاعه وطيب وعلوم المراجل ما نخليها
نعم علوى وعبدالله ومعهم ربعي البرهان=رجال (ن) تفعل الطيبه ولا تحسب حسانيها
واذا قالوا نــــذاله قل نعم يا ناطق النـــذلان=نـــذالتنا على قوم (ن) تعادينا ونعاديها
مهو بأنتا حكاوي ولا أنت منهو سدد النيشان=علومك في دروب الكذب يا خسران معميها
مطيري والمطيري رافع (ن) راسه رفيع الشان=يوم إن بعض العرب بالصيت مكفوخه على فيها
فعلنا والفعايل بين خلق الله لنا عنوان=كسبناهن ثلاث المعجزات ان كنت ناسيها
الأولى طايره طاحت وقامت تشتعل نيران=واهي فيها عبيات (ن) وطاحت عقب عاليها
وأقول الثانيه عشرت عوارض كلهم شجعان=تصدوا يوم نزح الشيخ وجيوشه يقديها
وبذكر الثالثه نذكر بها فيصل بن سقيان=وصل يم العراق وله فعايل من يباريها
وعبدالله فلا ننسى لهم بالكون مجد وشان=زحازيح الرجال اللي تفك المعتزي فيها
غزينا وإن غزينا والمواقف تعتبر برهان=حكايات (ن) مضت ما بين بايعها وشاريها
وأنا ما أقول في كل العرب شك (ن) ولا نقصان=ولكن كلمة (ن) حزت ضميري وقلت اسريها
وبختام القصيده يا سلام الله على المطران=سلام أطيب من عذوق النخل واللي مسقيها

وبالنهايه اتمنى ان هالقصيدتين نالت على اعجابكم

اخووووووووكم

جبلان علوى

 

 

 

 

[معلومات العضو ابو زابن المسعري]

الاخ العزيز جبلان علوى

لاهنت على نقل هذه القصائد الجميله

وصح الله السنت الشعار

بيض الله وجهك وجعلك تدوم

 

 

 

 

[معلومات العضو جبلان علوى]

مشكوووور يا الغالي

وصح بدنك

 

 

 

 

[معلومات العضو عبدالرحمن الشرافي]

تنخى بالحجاز تجيـك (عبدإلـه) كمـا البركـان=تثـور وكنـهـا نــار(ن) ولاتقدر*تطفيـهـا*
وأهل المعجزات (بريه) ماتخضع لمنهـو كـان=طحاطيـح الرجـال اللـي فعايلـهـا تزكيـهـا
وسلامي(( ياأهل الردات علوه ))ياأهل الصمـان=مقابيس الوقى بالكون .. وين اللـي يعاديهـا ؟؟
ألا ياكم روس(ن) حدرت من عالـي الضلعـان=تهـاوى كنهـا (الكـوره) تداولـهـا نواديـهـا

كفووووو مليار بخوالي

اخوي الغالي / جبلان علوى


ارررررحب ترحيب المطر


والله لا يهيينك على ذكر هذه المساجله الجزله

وبيض الله وجهك يالقرم



واتمنى منك ولاتهون تزودنا بتقسيمة قبيلة مطير وفخايذها


وتقبل فائق التحية والتقدير

 

 

 

 

[معلومات العضو جبلان علوى]

ماعليكم زود يا طويل العمرر

ابشر

تحيتي لك