الله من هـــمً بكبدي ســعرها

[معلومات العضو نايف الخييلي]

الشيـــخ سعدون العواجي . . . من شيوخ قبيــله عنزه

كان زعيم وشيخ قبيلته . وفي سنه من السنين نازعه واحد من جماعته أسمه شامـــخ

وأخذ الاماره منه بالقوه .. وقال فيها الشيخ ســعدون عده قصايــد وسند بعضها لعياله

اللى كانوا متغربين عنه وكانت بالنهايه هي عوده ابناه " عقاب وحجاب " الذين استرجعوا

الاماره من شامخ وبنوا بيت الاماره عند ابوهــم الشيخ سعدون ,


وهذي واحده من قصايد سعدون العواجي عندما أُ خــذت منه الاماره :

الله من همً بكبدي سعرها = دلى يمل القلب مل الشواه
وش خانه الدنيا سريعٍ دورها = لو أقبلن سنينها مقفيات
من عقب ماني مقفيً عن نحرها = اليوم بين القين هو والحذات
ومن عقب مانلبس غرايب شهرها = عمن جذت به نفهق الاولات
واليوم طيبنا على الشيل مرها = ياحيف مانستاهل المعسرات
حلال عقدات كبارً عبرها = وخالق نجومٍ بالسما ساهرات
مامال إلا فارغٍ من زبرها =ولا حي الامقتفيه الممات
يارازق اللى مابعشها ذخرها = طيور الهوا في قدرتك عايشات
تفرج لمن عينه تزايد سهرها = الطف بنا ياعالم الخافيات
ياللى خلقت أقفارها مع بحرها = يامن بحكمك تجري الكاينات
أوجست من حر الليالي سعرها = وذكرت طيب ايامنا الفايتات
ونشدت وين اللى ينثر حمرها = وقــمت أتذكر وين حره الشفات
اللى الى جا الخيل خبث كدرها = صوته ذعار القرح الصافنات
عقاب السبايا كان جاها ذعرها = عوق العديم ومشبع الحاميات

 

 

 

 

[معلومات العضو ابومبارك الدوسري]

المشرف القدير // نايف الخييلي

سلمتـ لنـا

ذاااائـقتك الثريه الممتعـه

ودااامـتـ بصمتك الرااائـعه هـنا

إنتقـااااء راااائـع .. .. عطـااااء متمـيز

لك مني كل الود

تحيتي

أخوك

خلف الدوسري

 

 

 

 

[معلومات العضو صالح الجعيدي]

الغالي/ نايف الخييلي ،،،

مــتــعــتــنــا الله يــمــتــعــك بالصحة والعافية وطول العمريالغالي.

لا تبطي بجديدك ،، مع خالص التحية و الاحترام ،،،

 

 

 

 

[معلومات العضو ابو زيد الغييثي]

الاستاذ الكبير المبدع :نايف الخييلي


بيض الله وجهك على الابيات الشهير لسعدون العواجي

اخووووووووووك

ابو زيد

 

 

 

 

[معلومات العضو عبدالرحمن الشرافي]

اخوي / نايف


ارررررحب


والله لا يهينك على نقل هذه القصيدة والسالفة المعروفة

ومن القصائد التي قالها سعدون العواجي

هذه القصيدة والتي كانت هي السبب الرئيسي الذي جعل ابنائه يأتون لنصرته.

يقول فيها :

ياراكبٍ من عندنا فوق مهذاب=مأمون قطاع الفيافي إلى أنويت
عند الفضيله عدّ يومين بحساب=أول قراهم قول ياضيف حّييت
حرٍ صغير وتوما شق له ناب=وعقب القرا ودع رجالٍ لهم صيت
وليا ركبته ضربه خل الأجناب=وأنحر لنجم الجدي وإن كان مديت
وأسلم وسلم لي على عقاب وحجاب=سلم على مضنون عيني إلى ألفيت
بالحال خص عقاب فكاك الأنشاب=ينجيك كان أنك عن الحق عديت
قله ترى شامخ شمخ عقب ماشاب=وياعقاب والله ذلّلولي وذليت
وياعقاب حدوبي على غير ماطاب=وقالوا تودر من ورى الما وتعديت
من عقب ماني سترهم عند الأجناب=وليا بلتهم قالة ماتتقيت
مادام شامخ مالكٍ جرد الأرقاب=لو زين الفنجال لي ماتقهويت
ياعقاب حط بثومة القلب مخلاب=من العام في نوم العرب ماتهنيت
الجفن عن نوم الملا فيه نتاب=وعد الطعام مدوس به حلاتيت
عقب المعزه صرت ياعقاب مرعاب=والناس حيين وأنا عقبكم ميت
من الضيم ياعقاب السرب عارضي شان=وأذويت من كثر العنا وأستخفيت
فاتن ثلاث سنين والنوم ماطاب=وشكواي من صدري عبار وتناهيت
البيت مايبنى بلا عمد وأطناب=متى يجينا عقاب يبني لنا البيت
مالي جدا إلا عضة البهم بالناب=وراعيت كثر الحيف بالعين وأغضيت
أرجي بشير الخير مع كل هباب=ومتى يجونا أخوان (نشمة) على الصيت

بعد أن وصلت هذه القصيده لعقاب وحجاب أخوان (نشمة) ثارت ثائرة عقاب
وأمر أخاه حجاب أن يتجهز للرحيل من بلاااد الشام وترك كل مايملك من سلطه
ومن مقرارات لدى الدوله العثمانيه وكل العز ورحل هو وأخيه لأباهم

وحصل ما حصل و كسروا شوكة شامخ


واسمحولي على الاطالة

واسمحلي يا نايف على الاضافة




وتقبل فائق التحية والتقدير

 

 

 

 

[معلومات العضو نايف الخييلي]

خـــلف المســـعري

صـــالح الجعيـــدي

ابــو زيــد الغييــثي


يشـــرفني ويبهــجني مـــروركم الجميـــل على الموضوع والله يعطيـــكم العافيــه على كلمــاتكم

الطيــبه . اللتى أسرتني وخصــوصاً انها من اشخـــاص لهــم معزه وتقدير لدي .

ومــــرحـــبا بـــكم مـــلاييـــن

 

 

 

 

[معلومات العضو نايف الخييلي]

المشاركة الأصلية كتبت بواسطة عبدالرحمن الشرافي

اخوي / نايف


ارررررحب


والله لا يهينك على نقل هذه القصيدة والسالفة المعروفة

ومن القصائد التي قالها سعدون العواجي

هذه القصيدة والتي كانت هي السبب الرئيسي الذي جعل ابنائه يأتون لنصرته.

يقول فيها :

ياراكبٍ من عندنا فوق مهذاب=مأمون قطاع الفيافي إلى أنويت
عند الفضيله عدّ يومين بحساب=أول قراهم قول ياضيف حّييت
حرٍ صغير وتوما شق له ناب=وعقب القرا ودع رجالٍ لهم صيت
وليا ركبته ضربه خل الأجناب=وأنحر لنجم الجدي وإن كان مديت
وأسلم وسلم لي على عقاب وحجاب=سلم على مضنون عيني إلى ألفيت
بالحال خص عقاب فكاك الأنشاب=ينجيك كان أنك عن الحق عديت
قله ترى شامخ شمخ عقب ماشاب=وياعقاب والله ذلّلولي وذليت
وياعقاب حدوبي على غير ماطاب=وقالوا تودر من ورى الما وتعديت
من عقب ماني سترهم عند الأجناب=وليا بلتهم قالة ماتتقيت
مادام شامخ مالكٍ جرد الأرقاب=لو زين الفنجال لي ماتقهويت
ياعقاب حط بثومة القلب مخلاب=من العام في نوم العرب ماتهنيت
الجفن عن نوم الملا فيه نتاب=وعد الطعام مدوس به حلاتيت
عقب المعزه صرت ياعقاب مرعاب=والناس حيين وأنا عقبكم ميت
من الضيم ياعقاب السرب عارضي شان=وأذويت من كثر العنا وأستخفيت
فاتن ثلاث سنين والنوم ماطاب=وشكواي من صدري عبار وتناهيت
البيت مايبنى بلا عمد وأطناب=متى يجينا عقاب يبني لنا البيت
مالي جدا إلا عضة البهم بالناب=وراعيت كثر الحيف بالعين وأغضيت
أرجي بشير الخير مع كل هباب=ومتى يجونا أخوان (نشمة) على الصيت

بعد أن وصلت هذه القصيده لعقاب وحجاب أخوان (نشمة) ثارت ثائرة عقاب
وأمر أخاه حجاب أن يتجهز للرحيل من بلاااد الشام وترك كل مايملك من سلطه
ومن مقرارات لدى الدوله العثمانيه وكل العز ورحل هو وأخيه لأباهم

وحصل ما حصل و كسروا شوكة شامخ


واسمحولي على الاطالة

واسمحلي يا نايف على الاضافة




وتقبل فائق التحية والتقدير

أأأرررحــــب يابــو ســالم


يشرفنـــي طلــتك على الموضــوع وإضافتك الجميــله التي جعلـــت الموضوع أجمل وأجمل


وأسمحـــلي ايضــاً أذكر البيت الاخيــر من القصيــده التي أوردتها انت

أرجي بشير الخير مع كل هباب = متى يجــون أخوان نمشه على الصيت

أخوان نمشه مهوب نشمه يالسنافي >> وده يعلــق


وتقبـــل تحياتي الخاصــه لــك

 

 

 

 

[معلومات العضو ابو زابن المسعري]

المبدع :نايف الخييلي


بيض الله وجهك على الابيات الشهير لسعدون العواجي

اخووووووووووك

ابوزابن

 

 

 

 

[معلومات العضو يحيى الودعاني]

لاهنت أخوي نايف

وبيض الله وجهك على القصة والقصيدة الطيبة

 

 

 

 

الغالي/ نايف الخييلي ،،،

مــتــعــتــنــا الله يــمــتــعــك بالصحة والعافية وطول العمريالغالي.

لا تبطي بجديدك ،،

 

 

 

 

[معلومات العضو نايف الخييلي]

المشاركة الأصلية كتبت بواسطة ابو زابن المسعري

المبدع :نايف الخييلي


بيض الله وجهك على الابيات الشهير لسعدون العواجي

اخووووووووووك

ابوزابن

يامـــرحبــا تراااااحيـــــب المطـــر يابو زابــن

مـــرورك الجميل شـــرفني وحيــــاك الله يابن العــم

 

 

 

 

[معلومات العضو نايف الخييلي]

المشاركة الأصلية كتبت بواسطة يحيى الودعاني

لاهنت أخوي نايف

وبيض الله وجهك على القصة والقصيدة الطيبة

ووجـــهك ابيـــضــ ياالغـــاليـ ومشـــكور على مشاركتــك بالموضوع

والله لايهيــنكــ

 

 

 

 

[معلومات العضو نايف الخييلي]

المشاركة الأصلية كتبت بواسطة داعي الذكرى

الغالي/ نايف الخييلي ،،،

مــتــعــتــنــا الله يــمــتــعــك بالصحة والعافية وطول العمريالغالي.

لا تبطي بجديدك ،،

ياااامــــرحبــا ياااداعيـــ الذكرى وحياك الله تحياـتـ المــطر

وطوـــله العمــر لك جــزاك الله خيــر على كــلامك الجميــلـ اللى ينبع من طيــب معدنك