قصيدة للشاعر / عبدالله آل زعير الشماسي الودعاني الدوسري

[معلومات العضو يحيى الودعاني]

بسم الله الرحمن الرحيم

	قصيدة للشاعر / عبدالله آل زعير الشماسي الودعاني الدوسري . بمناسبة زيارة أبناء عمه العم حماد بن سابق الودعاني من أهالي الشماسية في مزرعته بالمذنب في قرية شيحة نظم هذه الأبيات ترحيبا بهم ..... وترحيبا بالحضور :

الحمد لله عدما هلت أمطار = وعداد ما فاضت غروب الركايا
و عداد ما ندعيه في سر وجهار = الواحد المعبود رب البرايا
أهلا هلا يالي لفوا عد ما سار = فوق الوطى و عداد بيض النوايا
في شيحة الأجداد مارد ومصدار = مواكر السابق وساع الهوايا
بالمذنب اللي له مع الجود تذكار = أهل الشجاعة والكرم والحمايا
يولاد عمي بالمراجل لكم كار = أهل الشيم و محاربين الخطايا
و لكل له شيمه وقيمه ومقدار = الله يجنبكم دروب المنايا
لهل الفخر والجود وافين الأشبار = للمرجله يردون ورد الضمايا
ويردون حوض الموت قصاف الأعمار = أهل الشجاعة يوم صفق السرايا
عيد الذي له بالكرم صيت و أذكار = الشيخ أبو صالح وسيع الفجايا
أمير بالشدايد يوم الزمن جار = وقصر على العايل رفيع الحجايا
والنادر اللي عادته شبة النار = الشيخ أبو يحيى زبون الونايا
أهل الشجاعة يوم روغات الأبصار = و عصر المساغب من كبار العطايا
و عبدالعزيز اللي على الكون مغوار = يشهد على قولي جميع البرايا
و عياله الشجعان وافين اخيار = أهل المروه حافظين الوصايا
يوم الشماسية مقاصير واسوار = جو الزعيريه عليها حمايا
من دونها ما قدموا ملس الأعذار = كم طامع قفت سبوره فنايا
عصر مضافيها لذيذات الأثمار = كل عرفها بالمدن والقرايا
وصالح وليف الجود والوالد البار = راعي الشرف والدين عوق الوشايا
و أبو علي مثل البليهي إلى ثار = ستر الثناله يوم غيره عرايا
مني عليكم لابتي صغار وكبار = تحيه من فيض عوج الحنايا
أولاد زايد ياذرا الضيف والجار = بيض الوجيه اللي نداها هدايا
الكل منكم جاد يا سجن الأسرار = كل على العليا يسوق المطايا
سلآيل السابق مقاديم الآحرار = فيكم من أولكم وصوف و مزايا
و أنا أحمد الله شفت بالعين ما صار = والله عليم البينه والخفايا
في ظل حكام لهم مجد و طوار = وحنا لهم وقت الشدايد فدايا
وصلاة ربي عدما طاير طار = على النبي ساد كل البرايا

	والصلاة والسلام على أشرف الأنبياء والمرسلين

 

 

 

 

[معلومات العضو عبدالله بن عريمة]

صح لسان الشاعر عبد الله ال زعير الشمااسي

قصيدة جزلة ويستاهلون الطيب اهل الشماسية وهم اهل له

والله لا يهينك اخوي يحيى الودعاني

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

صح لسان الشاعر عبد الله ال زعير الشمااسي

قصيدة جزلة ويستاهلون الطيب اهل الشماسية وهم اهل له

والله لا يهينك اخوي يحيى الودعاني

 

 

 

 

[معلومات العضو العماني]

ابن العم الغالي يحيى الودعاني

من طول الغيبات جاب الغنايم

وعوايدك يالذيب ماتجيب الا كل ماهو رائع

صصح لسان الشاعر عبد الله ال زعير الشمااسي ولسانك

ولا تبطي علينا بمواضيعك المميزه

تقبل تحياتي،،

 

 

 

 

[معلومات العضو يحيى الودعاني]

يا هلا ومرحبا بخوي عبد الله حياك الله


لاهنت

 

 

 

 

[معلومات العضو يحيى الودعاني]

حياك الله أخوي دغش وبيض الله وجهك
على المرور

 

 

 

 

[معلومات العضو يحيى الودعاني]

يا هلا والله بخوي هايف

حياك الله

شرفتنا بمرورك

حقكم علينا كبير فمهما فعلنا لن نوفيكم حقكم

والمعذره على القصور