العاطفي يهدي منتدى الدواسر ابيات

[معلومات العضو مبارك سيف الدوسري]

اعزاي اسرة منتدى قبيلة الدواسر السلام عليكم ورحمة الله وبركاته وبعد الشاعر / عبدالله محمد العاطفي القحطاني يهدي المنتدي هذه الابيات كعربون أو مقدمة لنطلاقته في منتدى الدواسر وقد طلب مني نقلها لكم وهاهي امامكم

كم واحد مامعه ختم ولامارة
لاعنده اسهم ولايملك ملاييني
مرفوع راسه وهو من كبر مقدارة
يمناً كريمة بوقت العسر واللييني
يشوش راسه الياحداً جاه في داره
تاكل كرامتك لوطلقت ثنتييني
واللي مضيع يدله من كبر ناره
مديون وانجاه معسر يقضي الديني
وانجا نهار به الافكار محتاره
اليا نصيته وقف وقفت سلاطيني
يفز في ساعته مايكثر اعذاره
مقال مشغول بكره مرني زيني

الشاعر : عبدالله محمد العاطفي القحطاني

 

 

 

 

[معلومات العضو فهد الغريري]

الاستاذ الكريم :مبارك سيف الدوسري


اررررحب يابوسيف تراحيب المطر


مدتك سمين جعل يمناك مايجها العطب


دايم ومواضيعك وافيه يابوسيف وهذا الشي لا يستغرب من المناعير شرواك


وصح الله السان الشاعرعبدالله محمد العاطفي


على هذي القصيده المعبره والوافيه بالمعاني الجزله


ونأمل منك اخي اخي العزيز مبارك ان تدعو الشاعر العاطفي لكي يشاركنا


في هذا المنتدى المبارك لكي يتحفنا بما هوا جديد لديه..


ابو سيف تقبل ارق التحايا في مقامك العالي


اخوك /فهد بن هادي الغريري

 

 

 

 

[معلومات العضو الواضح]

الأخ مبارك بن سيف الدوسري


صح لسانك


وصح لسان الشاعر العاطفي



ونتمنى أن نراه قريبا في منتدانا الشامخ برجاله أمثالك

 

 

 

 

[معلومات العضو عبدالرحمن الشرافي]

اررررررررررررررررررررررررررحب


يا ابو سيف


دايم مواضيعك جزلة وقيمة

وصح الله لسان العاطفي

وبيض الله وجهه وجهك على اهداء هالابيات لنا



ونتمنى ان نراه معنا في اقرب وقت

بلغ سلامنا له


تقبل تحياتي

 

 

 

 

[معلومات العضو مبارك سيف الدوسري]

اخي وعزيزي فهد الغريري سلمت ولاندمت والله يطول عمرك دايما تغمرني وتحرجني بمدحك الله يطول عمرك ومانا الاواحد منكم وفيكم .

اشكرك على المرور المميز والله يبيض وجهك انت

وانا في خدمة هذا المنتدى وفي خدمتك وشرواك
في اي وقت

والشاعر القحطاني موجود وسنتظيفه بذن الله

من المانيا ولاية دزلدرف ابعث لك تحياتي واشواقي وسلمت

ودمت بخير

 

 

 

 

[معلومات العضو مبارك سيف الدوسري]

الواضخ سلمت يمناك والاعدمناك والله يبيض وجهك على المرورك الرايع

والف شكر على مرورك ودمت بخير

 

 

 

 

[معلومات العضو مبارك سيف الدوسري]

الشرافي مرحبا مدد بلاعدد وسلمت ودمت ولاندمت والله يطول عمرك ويسلمك

مرورك يرفع الراس وانت لكل طيب نبراس

شكر ملايين على المرور والله يحفظك