الابن البار

[معلومات العضو عبدالله الحافر الغييثي]

الابن البار

--------------------------------------------------------------------------------

هذه قصيده فكاهيه وحبيت انقلها لكم والعذر والسموحه اذا ما اعجبتكم

بشرونا بالصحافة عن علاج جديد =ينعش الابدان و يرجع الشايب ولد
>صانعينه بواشنطن و مفعوله اكيد =جعل من جابه يوسع له بقبره و اللحد
قلت فرصة شايبي له زمن ما يستفيد =من كبر سنه يعاني و روح بلا جسد
له سنين منعزل لا شقي و لا سعيد = كل ما شاف العجيز تثاوب ثم رقد
ما بيده حيله و انتهى منه الرصيد = العظام مهلهله و العروق بها سدد
بندقه ما عاد تنفع و لا تقدر تصيد = و السلاح اللي معه الفشق فيها فسد
قلت ابر بوالدي و انفعه حتى يعيد = ماضي الأمجاد و يصبح بعيشه رغـد
إشتريت اربع قوارير بالفين او يزيد = الحبوب اللي تخلي من الثعلب اسد
يوم اخذ منها تنافض رجع كنه وليد = و من نشاطه قام يركض و يصدم بالعمد
و قام مثل الشجاع و قال هذا اليوم عيد = و من تحت ثوبه تبين مثل شكل الوتد
شهر كامل ما تشوفه من بعيد لبعيد = منهمك هو و العجيز كل ما ينزل صعد
و بعد مده قال ودي اسافر للصعيد = من مصر ناوي افيز لعمال جدد
غاب عدة ايام و جانا معه شيء فريد = بنت شمحوطة و بيضاء و مركوزة نهد
عمرها تسعة عشر عام ينقص او يزيد = اسمها فيفي و ابوها حج عبدالصمد
هام فيها ابوي و الحكي ما عاد يفيد =حلق اللحية و عن ربعه قفا و ابتعد
صار خاتم في يديها و يفعل ما تريد =و اصبحت تتحكم فينا مثل شيخ البلد
اسلبته المال و العقل و الري السديد =و بالمقالب و الحيل عيشتنا في نكد
طلق ام عياله اللي لها ساس جويد = قال طسي يا عجوز المشاكل و العقد
من يذوق الكيك ما يرجع يذوق العصيد = و انتي العيشه معك مثل حبل المسد
هانت العشرة و خان عسى عمره مديد =باعنا بأبخس ثمن و راح عنا ما نشد
اعرف اني سبة اللي حصل و الله شهيد = جيت اكحل عين محروم و اعماها الرمد
اثر بعض البر وسواس شيطان مريد =يفسد الاخلاق و يضيع الوالد و الولد

 

 

 

 

[معلومات العضو ابوعبدالرحمن الودعاني]

size=5]

	أخي وإبن عمي الحبيب الغالي صح لسانك ولسان الشاعر وقصيده جزله وطيبه وأنت ما يجي منك إلا الطيب والزين جعلنا ما نخلا منك

[/size]

 

 

 

 

[معلومات العضو عبدالله الحافر الغييثي]

اخوي ابوعبدالرحمن الودعاني
لاهنت على مرورك والله لايخليني منك





ومشكورررررررررررررررررررررررررررررررر