مستور العصيمي و حبيب العازمي...نااااار وبانزين

[معلومات العضو عبدالرحمن الشرافي]

السلام عليكم ورحمة الله وبركاته ..


انقل لكم اخر محاوره جرت بين الشاعرين

مستور العصيمي
و
حبيب العازمي

في الحويه26/5/1426هـ



حبيب العازمي:

ابن تركي يباله قاف مثل النار والبنزين= حريقه في حريقه والمطافي ماتطفيها
على شان العلوم اللي نبى تفسيرها بعدين= يخربها ولد جاره ولا يقدر يسويها

مستور العصيمي:

ليا شبيتها نرميك فيها ياغراب البين=علاك اتشبها وأنا علي اكفتك فيها
والا يالعازمي ماني بزايد فوق دينك دين=أخذ عبر التجارب فاول الدنيا وتاليها

حبيب العازمي:-

أنا ماني غراب البين أنا خلالً يخل العين=وأنا وشلون احول وسطها وأنت متوقيها
ثمان سنين زايدها ثمان سنين كم سنين=نعش الأرنب السوداء وتفتلنا باذانيها

مستور العصيمي:-

أنا ماني بخابر عازمي واحد طويل ايدين=ليا طالت يدينه ماتعدّا عن مخابيها
سوالف ماتخالف ياحبيب بين حين وحين=لكن العازبات اللي يسرحها يضويها

حبيب العازمي:

لا بالله ربعك أنته كلهم شجعان وأنت دوين=تمد ايداك وحبيب على كيفه يلويها
رحانا كل مادارت على حبً يروح طحين=نداويها ونجرحها ونكحلها ونعميها

مستور العصيمي:

بناناها على طول الليالي مثل صور الصين=تراكم صيدة ً فالوقت نطبخها ونشويها
ولا يارعي الحجه نبى برهانها ذالحين=ولا تغدي علينا بين كاتبها وقاريها

حبيب العازمي:-

حديتونا على علم الردى ياربعنا الغالين=رديه والرديه راجعها في حظ راعيها
يموت الحظرمي والحبحبه حمراء على السكين= ولا يقدر يقطـــــــعها ولا يقدر يخليها

مستور العصيمي:-

عسى الله ينصر الأسلام ويقوم عمود الدين=ويكتب لك ثوابك فالصلاه اللي تصليها
ابوي امحارب الكفار في غزوة بدر وحنين= وأبوك اللي مغار يسند الديره وينحيها

حبيب العازمي:-

يقولون الرجال الضعف دائم حيلة المسكين=وحنا أهل المروه والضعافه ماندنـــــيها
ابوك الله يغفر له قضاها مع رعاة الضين=ويزعل لو يشوفك فالغنم سارح مفليها

مستور العصيمي:-

يقولون الرجال العز ضرب السيف ابوحدين=وابا اذكرك في بعض اللحون اللي تغنيها
أنا دوبي عرفتك ياحبيب بعد عام الفين=واعاين في وجيه الناس واجرحها واداويها

حبيب العازمي:-

ترى اللي يدفع الدرمه على وقت الشريف حسين=علاه ملاحظه عند الزكاه اللي يزكيها
ليا منا تمادانا ترانا كلنا مخطين=وأنا جيتك مصيبه والمصيبه وين تغديها

مستور العصيمي:-

أخذها شيخنا يوم العرب بين القساء واللي=تبى تشهد لنا الأيام حاضرها وماضيها

وسلامتكم يالغانمين

 

 

 

 

[معلومات العضو عبدالكريم البليهي]

تسلم والله على النقل يالغالي مع اني لااحب هذاالون والذي فيه التطاول على (المقامات) والتعميم في (النقصان للأخرين) تحياتي للجميع

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة عبدالكريم البليهي

تسلم والله على النقل يالغالي مع اني لااحب هذاالون والذي فيه التطاول على (المقامات) والتعميم في (النقصان للأخرين) تحياتي للجميع

اخوي عبدالكريم


ارررررررررررحب

ترحيب المطر ...زفي هذا القسم الذي اثريته باباتك الجزلة و تكفى ماتقطعنا وانا اخوك..


اما بالنسبة للمحاورة فهي كلام ولا ياخذ به مجرد (( طرب )) والنوع الذي فيه تطاول

هذا محرم بالاصل



تقبل تحياتي

 

 

 

 

[معلومات العضو >< الخييلي ><]

لا هنت يا القرم ولا تقطعنا عن جديدك

 

 

 

 

[معلومات العضو رعاد]

تسلم والله على النقل
مشكور واللـه يعطيك العافية

 

 

 

 

[معلومات العضو يحيى الودعاني]

تسلم يمناك أخوي عبدالرحمن الشرافي
وبيض الله وجهك

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة >< الخييلي ><

لا هنت يا القرم ولا تقطعنا عن جديدك

ارررررحب
اخوي الخييلي

تحياتي

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة رعاد

تسلم والله على النقل
مشكور واللـه يعطيك العافية

رعاد

لاهنت على لمنتابعة الدائمة لمواضيعي

تحياتي

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة يحيى الودعاني

تسلم يمناك أخوي عبدالرحمن الشرافي
وبيض الله وجهك

اخوي يحيى

شرفت الصفحة بمرورك

تحياتي لمقامك العالي