محاوره شعرية بين الشاعر فهد الشلّدي الودعاني والشاعر سحيمان العتيبي

[معلومات العضو عبدالرحمن الشرافي]

هذه محاورة بي ن الشاعرين\ الشاعر فهد الشلّدي الودعاني والشاعر سحيمان العتيبي



فـهـد

جعل الحيـا مـا يجـي دار سحيمـان=تاخذ إلى الحول مـا سالـت جوانبهـا

سحيمان

علامك تدعـي عليهـا يـا مريسانـي=تبغي صحاري الرمال اللي ربيت إبهـا

فـهـد

ديرتك مصقوعـة ضلـوع وشعبانـي=والرابح اللـي بعيـدٍ مـا يحـل ابهـا

سحيمان

تدعي على زبـن اللـوا يـا قحيلانـي=وجبالهـا لا وزا المجـرم يلـوذ ابهـا

فـهـد

جبالهـا دايـم مـدهـال سرقـانـي=ضيفانها في الدجى تسـرق مزاهبهـا

سحيمان

يسرق بـلاه لابـات الليـل جيعانـي=ويعيّـش أمٍ تشيلـه فـوق غاربـهـا

فـهـد

راعي الإحسان يجازونـه بالأحسانـي=ما يلحق جـزا أمـه لـو يحـج ابهـا

سحيمان

يادوسري لا يجيك الذيـب سرحانـي=هم يا خذ شواك على زقمه ينيـر ابهـا

فـهـد

مدحت نفسك ومدح النفـس نقصانـي=وانّـا نعـرف الذيابـة مـن ثعالبهـا

سحيمان

والله لطـارد بحـد الرمـح والسنانـي=ليـن تصـلـح لـنـا ولا نخربـهـا

فـهـد

والله لو كان رمحـك رمـح راكانـي=ياعقب نجـد تشيلـك فـي مخالباهـا

سحيمان

أرش جـالـك ونيـرانـك تعـدانـي=أبغيهـا تخـف ونـارك زاد لا هبهـا

فـهـد

قطّب حزامك وشوف لك محزمٍ ثانـي=الأجواد لا جا اللقـا قامـت بواجبهـا

سحيمان

أنـا أبغـا العافيـة وانـت تحـدانـي=أبا انكس الحربه اللي كنا نهوش ابهـا

فـهـد

الذل في بعض الأشياء يا بن شيبانـي=ينجيك من تهلكة مـوتٍ تـروح ابهـا

سحيمان

طبيت أنـا فـي بحـر والله انجانـي=في غبةٍ من هـوا فيهـا يـروح ابهـا

فـهـد

نجاك ربي عزيـز الوجـه والشانـي=مير انتبه من بعض الاشياء لا تزل ابها

وسلامتكــــــــــــــــــــــــــــــــــم..






منقول منتديات السليل
العماني

 

 

 

 

[معلومات العضو ابن وتيد السباعي]

صح لسااااااااااان الشاعرين على المحاوره القويه والشرسه


لاهنت يالقرم على النقل المميز لمثل هذه المحاورات الجزله بين شعراء جزلين

لك خالص الود وفائق الاحترام

اخوك/ابن وتيد

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة ابن وتيد

صح لسااااااااااان الشاعرين على المحاوره القويه والشرسه
لاهنت يالقرم على النقل المميز لمثل هذه المحاورات الجزله بين شعراء جزلين
لك خالص الود وفائق الاحترام
اخوك/ابن وتيد

صح بدنك ولاهنت على المرور يالسنافي

تحياتي لك

 

 

 

 

[معلومات العضو قرناس الدواسر]

لا هنت يالشرافي

ويسلم الشاعران على هالمحاورة القوية

 

 

 

 

[معلومات العضو عبدالرحمن النتيفات]

لاهنت يالقرم على النقل المميز لمثل هذه

المحاورات الجزله بين شعراء جزلين

لك خالص الود وفائق الاحترام

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة قرناس الدواسر

لا هنت يالشرافي
ويسلم الشاعران على هالمحاورة القوية

ولا انت

ومن قال سالم



وتقبل تحياتي

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة عبدالرحمن

لاهنت يالقرم على النقل المميز لمثل هذه
المحاورات الجزله بين شعراء جزلين
لك خالص الود وفائق الاحترام

ولا انت

ومشكور على مرورك الغالي


وتقبل تحية وتقدير لمقامك الغالي