قصيده هبوط الاســـــهم - الخميـــس الاحمر

[معلومات العضو الفتى- الدوسري]

وصلتني ابيات من صديق عزيز ابوراكان بسبب ماحدث اليوم الخميس من هبوط في الاسهم وما اعقبه من خساير عند البعض الله يجعلنا وياكم من الرابحين في الدنيا والآخرة وحبيت اني اضعها بالمنتدى

ياوجودي وجد اللي خسر بالمواشي=
يوم غره شويره قال خذ بالخشاشي=
ياخذ البنك غير القرض نصف المعاشي=
ضاع ماله وقلبه زاد همه وطاشي=
من همومه ظلوعه كن فيهن كلاشي=

 

 

 

 

[معلومات العضو ماجد الدوسري]

ياوجودي وجد اللي خسـر بالمواشـي
عقب ماكان رابـح ذاق مـر الخسـارة
يوم غره شويره قال خـذ بالخشاشـي
ما خذن له قروض وبايـع لـه عمـارة

ههههههههه ، طريق الأسهم ماهوب مفروش بالورود

لازم يغامر ولاذاق طعم المر عرف قيمة النجاح بإذن الله

 

 

 

 

[معلومات العضو بن ساجي]

صح لسانك ولسان من قالها

والله يعين صغار المستثمرين . لانهم في خساره

وبصراحه استغرب من بعض الناس اللي يشوف السهم مرتفع ويروح ويشتريه وبعد يومين يقوع السهم ويقوم خوينا ينوح طول ليله . وشلك بالطلايب والأسهم خلها لهلها .

يقول الشاعر:
وش لك بالبحر وأهواله ... ورزق الله على السيف

 

 

 

 

[معلومات العضو الفتى- الدوسري]

صحة ابدان الجميع عاد الواحد يابن ساجي وش يسوي وده بالزين وده ان يربح لكن الله يخلف عليهم ويعينهم ويعوضهم الاسبوع الجاي تقفل لهم نسب وينبسطون عوض عن الخساره
ترى الواحد منا وده بالغناة وده بالمركب الزين والمحل الزين والركاب التي توسع خاطره وده بعد يكمل دينه ويطق له اربع ويطنخ هذي الطمعه عند صغار المستثمرين يبغاهاه كذا والا فلا

 

 

 

 

[معلومات العضو مـنـيـر آل راكـان]

صح لسان شاعرها


وبيض الله وجه ناقلها


ويعطيك العافيه


ننتظر جديدك


مــنـــيــر آل راكـــان