مصافحة ثانية "ماجيت ادور عن الألقاب والشهرة "

**معلومات** **العضو** · 30-12-2005, 11:45 AM

السلام عليكم ورحمه الله وبركاته
اخواني الأعضاء
هذه ثاني مصافحه لكم اتمنى ان تحوز ولو على القدر اليسير من رضاكم
وإعجابكم

ما جيت أدور عن الألقاب والشهرة = ما دمت شاعر بعين الزين يكفيني
والشهرة اللي بها الشعّار منبهرة = صدقني إنها أمر عادي وروتيني
بس إني حبيت أعلم وجه ابن فهرة = يقول منتب كفو للشعر وش فيني
يا حر قلبه وياناره ويا قهره = لامن قرالي قصيدة أو دواويني
يا هيه وقت التسامح إنقضى دهره = تبطي عظم ما تحرك شعرةٍ فيني
ليه أستعير الشعر ونا على نهره = ليه أسرقه دام هو خاتم بيديني
من كل بستان شعرٍ قاطفٍ زهره = مسحوبٍ وسامري وهلالي وهجيني
وما دمت أنا وأنت من دم ومن ظهره = وش فيك ؟ وشفيك ؟ دايم ما تدانيني
ما همني غير سيد الغيد والطهرة = لا قال عطني قصيدة قلت من عيني
لا غاب عني أبد ما تكمل السهرة = وكني معيد إلا شفته بعيديني
البدر ما يكتمل إلا نصف شهره = وإنتي كملتي بكل لحظة وكل حيني
روحك بروحي غدت يا شوق منصهرة = حتى غديتي من أعضائي وتكويني
خيّال أنا وإنت يالمحبوب لي مهرة= ودي أعسفك ولكن وينك وويني
قلبي يحبك نطقها بسره وجهره = اي والله إنك سكنتي في شراييني
لرضاك أسوق العمر لو العمر مهرة = والعمر وشهو ؟ العمر لو ما وصلتيني
وإن كان خفتي تغير نظرتي الشهرة = لا بوه شعرٍ وشهرة عنك تقصيني

وسلامتكم
اخوكم
حزين الحرف
عبد الرحمن سعد الدوسري[/QUOTE]

**معلومات** **العضو** · 30-12-2005, 04:16 PM

صح لسانك أخوي حزين الحرف

**معلومات** **العضو** · 31-12-2005, 08:23 AM

يابو سعد

الله لايهينك على هالرائعه

والحقيقه أنك أبدعت بسبكها
وصياغتها وتشكيل معانيها

صح السانك
وسلم بنانك

**معلومات** **العضو** · 31-12-2005, 11:55 AM

السلام عليكم ورحمة الله وبركاته

الشاعر : عبد الرحمن سعد الدوسري ( حزين الحرف )

صح الله لسانك وإعتلا شأنك وبيض الله وجهك على هذه القصيدة

عاطر التحايا

محب الجميع : دغش البطي

**معلومات** **العضو** · 31-12-2005, 12:37 PM

الشاعر حزين الحرف

صح الله السان ملااااااااين

وبيض الله وجهك في انتظار جديدك

تقبل تحياتي وتقديري

**معلومات** **العضو** · 31-12-2005, 08:38 PM

السلام عليكم
ابو سعد يا بعدي

اباع لا قبله ولا بعده يا دكتور القوافي
صح لسانك من هنا الا مالا نهايه

اسال الله ان يعزك ويزيدك من قضله
لك الود والورد

**معلومات** **العضو** · 04-01-2006, 06:38 PM

يحيى الودعاني
يسعدني ويشرفني أن تكون اول من يرد علي
لك ودي

**معلومات** **العضو** · 04-01-2006, 06:39 PM

قرم القروم
صح بدنك ولاهنت
لك ودي

**معلومات** **العضو** · 04-01-2006, 11:17 PM

بس إني حبيت أعلم وجه ابـن فهـرة = يقول منتب كفـو للشعـر وش فينـي !؟

ههههه اشهد ان ماعنده سالفه

حزين الحرف

جعلك ماتذووق حزن

صح لسااانك مدد

لاهنت

**معلومات** **العضو** · 05-01-2006, 09:29 AM


	البدر ما يكتمـل إلا نصـف شهـره وإنتي كملتي بكل لحظة وكـل حينـي روحك بروحي غدت يا شوق منصهرة حتى غديتي من أعضائـي وتكوينـي خيّال أنا وإنت يالمحبوب لـي مهـرة ودي أعسفك ولكـن وينـك ووينـي قلبي يحبـك نطقهـا بسـره وجهـره اي والله إنك سكنتـي فـي شرايينـي لرضاك أسوق العمر لو العمر مهـرة والعمر وشهو ؟ العمر لو ما وصلتيني وإن كان خفتي تغير نظرتي الشهـرة لا بوه شعرٍ وشهرة عنـك تقصينـي

ابــــــــداع صح لسانك اخوي الشاعر// حزين الحرف
وصراحه ابداع مابعده ابداع وعساك على القوه دايم..

**معلومات** **العضو** · 06-01-2006, 07:37 PM

ابو سعد

صح لسانك وبيض الله وجهك

ابداع حقا فهنيئا لك

بانتظار جديدك

وســــــــــام

**معلومات** **العضو** · 08-01-2006, 02:02 PM

أخوي دغش
صح بدنك ولاهنت
على الرد الرائع
لك كل الود والورد

**معلومات** **العضو** · 08-01-2006, 02:05 PM

ابن هديهد
صح بدنك ولا هنت
الف شكر على الرد

**معلومات** **العضو** · 08-01-2006, 02:07 PM

أستاذي الغالي
أبو فراج
صح بدنك ولاهنت
كم تشرفت بردك الرائع
لك مني كل الحب والتقدير

**معلومات** **العضو** · 08-01-2006, 02:09 PM

أخوي ماجد
صح بدنك ولاهنت على الرد
لك كل الود والورد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية