التغطية المصورة لحفل الشيخ عبدالعزيز عبدالله الغزي البدارين بمناسبة فوز أبناء الشيخ عبدالعزيز الموسى في أم رقيبة والكويت 1435

[معلومات العضو الإداره]

الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين إخواننا أعضاء وزوّار ومرتادي الموقع الرسمي لقبيلة الدواسر اعد التقرير عضو مجلس إدارة الموقع الأستاذ فهد بن هادي الغريري يا أهـل الركايـب درهمـوا لابـن غـزي=مومـي لهـشـال الـخـلا فــي عبـاتـه قرم(ن)لـيـا شــاف المسـيـر يـفــزي=في مربع(ن) محد(ن) يسوي سواته ضمن ما يقوم به إدارة الموقع الرسمي لقبيلة الدواسر من مواكبةٍ لجميع فعاليات وأحداث قبيلة الدواسر المختلفة ، حيث يتناوب الرجال على فعل الكرم والطيب ويتسابقون في ذلك من باب التنافس الشريف ومن باب لم الشمل وتجديد الولاء والطاعة والمحبة في ظل القيادة الحكيمة ،ومن باب الإخاء بين القبيلة. اقام عضو شرف الموقع الرسمي لقبيلة الدواسر الشيخ عبدالعزيز بن عبدالله الغزي ( ابو سعود ) في يوم الاربعاء 1435/6/2 هـ بالقاعة الخضراء بالرياض مأدبة عشاء لابناء العم : الشيخ عبدالله بن عبدالعزيز الموسى الشيخ خالد بن عبدالعزيز الموسى الشيخ موسى بن عبدالعزيز الموسى . . . . . . . . . . . . . . . فـقـرات الحـفـل الشيخ عبدالعزيز بن عبدالله الغزي ( ابو سعود ) . إنطلقت فعاليات الحفل المنبري عند وصول الضيوف الكرام ر وقد بدأ الحفل بآي من الذكر الحكيم تلاها عبدالكريم المطرودي ثم بكلمة ترحيبة لـــ الشيخ عبدالعزيز بن عبدالله الغزي ( ابو سعود ) . العامر الشيخ ابراهيم بن سعد العامر وبعدها القاء الشيخ ابراهيم بن سعد العامر كلمه توجهيه لأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهل الشاعر الشاب عمر بن عثمان الصبيح البدارين الشاعر الشاب عمر بن عثمان الصبيح البدارين مطنخ الهاجس المطنوخ يحداني=ونار الحمايا على القيفان شبابه يصلا سنا ضوه المعمور لهباني=ولا دواكيك حرب الرمك حرّابه زهمت انا الشعر من جزلات قيفاني=واسرجت مهر المعاني لين ما جابه بأسم الدواسر وبأسم عيال بدراني=الابه اللي لها في الطايله لابه قومً اشاوس لا جات الحرب خطلاني=كل ابلجً في الحرايب مكلحن نابه يدريبهم قاصي الاقوام واداني=يوم السنين العماس ب غبن وانهابه افواجهم لاغدا للخيل ركباني=ترقب بعيد الشدايد صول وامجابه ومدادهم في اليسر مرها وكرماني=ماشحّو المد يوم الدهر غلّابه ربعي حزامي لاجاء للنار دخاني=من دون ربعي اسوق النفس جلّابه اشوش لاجاء الطرا ل الجد بدراني=ودمي من الفور طاش بقو ماصابه جدّي ضمين الرجال ومزبن الجاني=عامر بعيد الهقاوي فارس الابه ذخر المغازي لا قنبع كل شيطاني=وراس المراجل مادون الشك ينتابه اشهر بسيف الحرايب كسب وسماني=وسيوف ربعه ب غزو الضد خضّابه من نسل سالم سمي الطيب عنواني=على الجزيره وذكر الجود يبدابه ولزايد الساس فرع وضلع وركاني=اصهيب وسالم عماد البيت واطنابه وكل الدواسر ربوعي نسل جداني=زايد وتغلب لاجاء للحرب طّلابه وربعي لهم في المدايح شعر وبياني=وعصر ابن بدران ذكر المجد كتّابه ما ذاع نور البيان ودور الازماني=وما شعشع النور والضيّات تشعابه صلاة ربي على مبعوث الايماني=طه محمد شفيع الخلق وأصحابه الشاعر محسن فالح الشكرة ثم ألقى الشاعر الكبير محسن فالح الشكرة قصيدةً بهذا الحفل نالت استحسان الجميع : .الدكتور سليمان بن عبدالله الغزي ثم ألقى.الدكتور سليمان بن عبدالله الغزي كلمه بهذي المناسبة : الشاعر مشاري بن إبراهيم المشاري ثم ألقى الشاعر مشاري بن إبراهيم المشاري قصيدةً بهذا الحفل ، حيث يقول في قصيدته : بديت باسم الله عليه التدابير=بعد السﻻم ورحمته وبركاته سر ياقلم واكتب جزيل التعابير=والصدق هو سمت القصيد وطراته اليوم غير وجمعنا دائما غير=يازين لم الشمل بمناسباته يامرحبا يامسهﻻ والف تقدير=يفوق ترحيب المطر مع نباته العود من فوق المداخن مزاير=سبب زحام الدايري من حﻻته باللي حضر واهل الوجيه المسافير=درعي عن صروف الزمن ولفحاته فاالقلعه الخضرا حضرنا على خير=بحضور شيخان الرجال وثقاته منا ولد عمن ومنا مسايير=وضيفك بعد اذا تكرمت هاته نفرح وتفرح من فرحنا المباهير=والماو يثلث بالنجر روجعاته على شرف نسل القروم المشاهير=كانك تبي بدران معهم صفاته خالد وموسى والغياب ومحاضير=عيال من في المجد طالت شباته عبدالعزيز مصخر الجود تصخير=من يوم ميﻻده لساعة وفاته واخوانهم ذهب وﻻفيه تغيير=مانقص اصغرهم فعل واجباته فعل الجدود اليوم يقفاه تكرير=والطيب منهم تقتبس مكرماته مرحوم من خلف رجالن مغاوير=شيخن عجز عنه الشعر مع دواته بعده عياله قاضبين المشاوير=كلن يبي يحقق بفعله وصاته ابو اليتامى والضعوف المصاغير=الدين والبذل السخي من سماته عيال عمي مربشين الجماهير=بذودن يخلي الند تيبس لهاته فخر الدواسر والبدارين والبير=وسدير مابين العمار وفﻻته اهل البكار المترفات المغاتير=تسحرك بالوقفه مع اﻻلتفاته ان اقبلت تقول حفلة غنادير=وان ادبرت جل المزون وطهاته والله لو جبنا مكاييج كرتير=ومصمم اﻻزياء من ماركاته مازادها نقطه وﻻ وزن قطمير=صنع اللذي جل وتعالى بذاته عيون خرسا كنها صافي البير=وصفة هدبها جيش يسمع وﻻته وخدن شبيه العاج مافيه تنتير=عريض واللمعه تظاهي مراته واﻻذن شلفا في يدين السوابير=هزعا مخافه ﻻيشوفه كماته رثم الخشوم ومسبﻻت المشافير=ونين على الوركين دارت رحاته واكتب عن الغارب ملخص وتقرير=كيف آصفه وهي غريبه سواته باالعربي ندر سﻻيل واساطير=تخرس لسان اهل الحسد والشماته وبعيرها كنه جبل ماهو بعير=كن الجليد ارهى عليه بفتاته معمق وعمق بدون اي تاثير=ودك تمنظر فاالقعود وبناته فك العقال وحل عنه المهاجير=حرام هذا تمنعه عن شفاته يبرالهن وهن على امره موامير=ملك ويجذب غيرته مترفاته ان زرفلن بين الفياض المزاهير=من شوق راع الصنف طوح عباته ضباط بحريه تدك الطوابير=التاج في صدره وكتفه وهاته شين عجيب وﻻيحوشه تفاسير=يشهد لزين الزين كثرة بغاته شكرا لبن غزي سليل المناعير=شيخ شمخ باالطيب في عالياته ورث من جدوده وزاد المعايير=ورجح موازين السنع من جهاته ابوسعود ان صار بالجو تكدير=ضحكة حجاجه لك تزيل كدراته وعندي على مااقول شاهد وتبرير=الفعل هو شيخ العدول وثباته من جهتي مايكفي الشعر تحرير=لو قلته بكل الفنون ولغاته لكن رؤوس اقﻻم من دون تشفير=اشاره وطيب الحفل من رعاته ومني لنفسي ثم للكل تذكير=حافظ على دينك وجود عصاته وﻻ تخاوي في حياتك معيثير=خاو اللذي خاوا الكتاب وصﻻته ابذل من اموالك بدون اي تقصير=المال مال الله وحنا أداته ابذر يمين وخل بذرك مياسير=كم من غني يغنى فقير بغناته فتح عيونك عند ورد ومصادير=ومامدح رجالن بكثرة سباته على الكبر ارسم باﻻحمر دواوير=ياليت راع الكبر ينظر رفاته صلوا عدد برقن ينير وشخاتير=وعداد ذرات الرمال وحصاته على النبي ماغرد الورق والطير=وآله وتابع سنته من رواته ‪الشاعر جارالله بن محمد الغزي ثم ألقى الشاعر ر جارالله بن محمد الغزي قصيدةً بهذا الحفل ، حيث يقول في قصيدته : يالله يالمعبود ياذا الجلالِ=محيي هشيم الارض من عقب الامحال يارافع سبعٍ وسبع توالي=ومابينهم سبع المحيطات واجبال أبدأ بذكرك وابتدي في مقالي=وانقى من المعنى سمينات وجزال وهبت هبوب النود وانساح بالي=ونسجت من فكري على سيحة البال يالابتي ياعزوتي راس مالي=يالاد بدران الفخر مجدكم طال يالاد دوسر محتمين التوالي=يالاد زايد ياالتغالب يالابطال حنا خذيناها من اول وتالي=ترفع لنا البيضاء على روس الاقذال وحنا صعدنابالقسا كل عالي=وحنا نزلنا بالرخا خير منزال من عالي الوادي لحد الشمالي=ظافٍ عليها وسمنا بااشهب اللال دخيلنا منا وفينا اموالي=ناسم عصاه ويرتدع كل عيّال يشهد لنا التاريخ عبرالليالي=عصر لابن بدران مضرب للامثال وكل العصور معرّضه للزوالي=ويبقى لنا ذكرٍ على مرالاجيال وقوز الشريف وبرك يشهد بدالي=ورحلة ضياغم نجدتشهدبالأفعال وحنا ودينا جارنا يوم مالي=فوقه جداره من زمانه بالاموال وزبنة ولدشمرقروم العيالي =يومه تعطل بالوديعه والاهوال وغيره وغيره فالسنين الخوالي=رجالنا ينطح ثمانين رجال وحنا خوال اللي حماها بصالي=وحّد قبايلها من الجال للجال وعشنا بأمان الله وريفٍ ظلالي=أمّن حِماها وارخص المال والحال وان عوّدت للبل ياهملالي=ماكل من يارد على البل وبّال يلزم لها قومه وزومه ومالي=ويلزم لها شدة ومدة وترحال أنشد قروم المرتكين الرجالي=اللي لهم معناي باقفاي وإقبال خالد وموسى فوق روس العوالي=الكل منهم ثابتٍ له على حال بنوسفارة والتنافس مجالي=واحد يشيل الحمل وواحداليامال جتهم وراثه ماهي رتبة معالي=ميراث شيخٍ ينطح الخيل خيال عبدالعزيز مورّثه للعيالي=تلقى لهم صوله وجوله ومدخال والمسأله لوهي بصرف الريالي=تلقى الخزاين عندهم مالها اقفال لكنّها وهبة عزيز الجلالي=فيها يبين امعرب الجد والخال هذي حقايق صغتها في مجالي=لبستها ثوب الفخر فيه تختال ومايكسب البيضاء ردي الحبالي=ولااحدٍ حجب شمس الحقيقه بغربال الشاعر شافي بن راشد النتيفات ثم ألقى الشاعر رر شافي بن راشد النتيفاتقصيدةً بهذا الحفل ، حيث يقول في قصيدته : ان كان صالح يطلب الزود بزيد = في مدح ربعي يفخرن القوافي موثق هرجي لياجيت بافيد = مايدخله شكة وراعيه شافي قد قلتنا ثم قيل واليوم باعيد = حنا الدواسر قسمنا دوم وافي في نجد حزنا المجد والمجد مابيد = يوم ان كل من قصيره يخافي قصيرنا ناسم عصاته ولاصيد = في ظفنا يامن ويلقى العوافي ويشهد لنا جارٍ حدوه المقاريد = جيناله حزامٍ جويداً لحافي وفينا صفات مالها الا لواليد = اهل الكرم واهل اليدين النظافي صبيان دوسر كاسبين الاماجيد = عز النفوس طبوعنا يالسنافي وقت مضى يوم ان شح المواريد = مسبلين الماء كلام يشافي ولانداني سيرة اهل المناقيد = ولانحب اهل النفوس الضعافي نعمي عيون من وفانا حواسيد = كم من حسود عاد ركبه مقافي وخوينا تفداه الارواح تمجيد = وقت مضى يوم السنين العجافي لو بذكر الوقفات وشلون باجيد = صفات منهم يستحقون قافي موجز بسيط قيل واليوم باعيد = قول الصراحة واستلم يالسنافي واسلم وسلمني على كل صنديد = الاد دوسر في المواقف تشافي لقطات عـامـة مصوّرة للحضور بالإحتفال: . . . . . . . . . . . . . . . . . . . . . . . . . . . . . . . . . . . . . . . . . . . . . . . وختاماً، تتقدم إدارة الموقع الرسمي لقبيلة الدواسرتتقدم بخالص الشكر والعرفان لــ الشيخ عبدالعزيز بن عبدالله الغزي البدارين على الإحتفاليّة وإن هذا ليس بمستغرب عليهم أبداً والشكر على حسن التنظيم والترتيب المسبق المعدّ لهذه الإحتفاليّة المتميزه (صوت قبيلة الدواسر) منتدى قبيلة الدواسر الرسمي www.alduwaser.org/vb

 

 

 

 

[معلومات العضو نآصر البدراني]

كُفو وبيض الله وجه الشيخ عبدالعزيز بن عبدالله آل غزي



على فعله الطيب وتكريم من يستحق التكريم ولاهو غريبة عليه



يستاهلون ابناء الشيخ عبدالعزيز آل موسى رحمه الله التكريم


عاداتهم كسب النواميس والطالات لاعدمناهم ,,,




وبيض الله وجه كل من حضر وشارك الله يطول اعمارهم



لاهنت يا ابو راشد وجعلك في الوجود .

 

 

 

 

[معلومات العضو راشد المسعري]

بيض الله وجه الشيخ عبدالعزيز الغزي على هذه البادرة الطيبة ويستاهل الشيخ موسى وأخيه الشيخ خالد هذا الاحتفاء والتكريم فقد مثلوا البدارين والدواسر بشكل عام خير تمثيل وظفروا بالمراكز الأولى وهذي عاداتهم

شكراً ابو راشد على التغطية المميزة وتقبل ودي وتقديري ،،،،