يامهنة التدريس يامهنة الهم (معاناة)

[معلومات العضو راشد المسعري]

السلام عليكم ورحمة الله وبركاته:

كثيرون من يغبطون المدرس أو المعلّم على وظيفته ولا يعلمون أن بعض المعلمين لا يهنأ بهذه المهنة لعدة أسباب يشرحها الشاعر بشكل كوميدي قريب للحقيقة في هذه الأبيات:-

يامهنة التدريس يامهنة الهم
عزي لمن مثلي لهمه يصالي

هم من التدريس وهم باثر هم
وهم من التلاميذ وهم عيالي

وهم من الروتين مع كثرة الكم
يجي لنا التعميم ويقفاه تالي

يقضي دوام اليوم وانا اتكلم
واقف على الرجلين عزي لحالي

من دوخة بالراس فكري تحطم
ومع كثرة الارهاق مشغول بالي

اشقى طوال اليوم واشرب من الغم
وغيري على الدوار يشرب زلالي

واللي ذبحني ياحمد طالب العلم
القي من الطلاب (جلف)قبالي

اكرر التوضيح ويفور الدم
ازرع بصبخا نبتها هر طبالي

اشرح دروسي والفتى فاتح الفم
عينه تراوغ عن يمين وشمالي

الجسم حاضر ياحمد ماتفلهم
والفكر سارح منسجم بالخيالي

اشرح له الموضوع مرة ومن ثم
ويقول فاهم وبالوفاء والكمالي

اذا سالته (بالنحو)قال لي سم
هذا بسيط واعربه باعتدالي

ينصب لي المجرور ويكسر لي الضم
يرفع علي الضغط ولا يبالي

نوب يهز الراس ونوب يتلعثم
ونوب يحط العذر كبر الجبالي

ياحسرتي لا شفت كوم ململم
فوق الكراسي مثل حمل الجمالي

شوف الدفاتر يالربع يجلب الغم
يامال فرقا العين ياقرد حالي

اصحح الغلطات وانا اتالم
وكتم على العينين مثل الظلالي

الشوف قل وقل حيل المعلم
تكفى يابو مشعل طوتني الليالي

ترى المدرس مهنته طعمها سم
ونهايته للموت والا الهبالي

وياعل من يحسد حياة المعلم
يقضي حياته واقف باجتوالي ..

 

 

 

 

[معلومات العضو انا ابو نايف]

هههههههههه لاهنت يابوراشد علي النقل

 

 

 

 

[معلومات العضو ابومبخوت الدوسري]

هههههه

لاهنت يابومحسن ع النقل الجميل


تحياتي ,,,

 

 

 

 

[معلومات العضو راشد المسعري]

المشاركة الأصلية كتبت بواسطة انا ابو نايف

هههههههههه لاهنت يابوراشد علي النقل

هلا ابو نايف

ومن قال مايهون ، وشرفني مرورك ياغالي

تقبل ودي وتقديري ،،،

 

 

 

 

[معلومات العضو بنت الذيب]

الله يعينهم ^_^

ربي لاهانك اخوي راشد وشكرا على النقل الرائع

دائما تبدع بالاختيار