شايع الشابع

[معلومات العضو الودعانـي]

[

size="6"]بسم الله الرحمن الرحيم
والصلاه والسلام على رسول الله صلى الله عليه وسلم
السلام عليكم ورحمه الله وبركاته ~

[/size]

-حبيت اتكلم احد المشايخ الكرام الذي شاع صيته بين كل القبائل وهو معروف عند قبيلته ومن مشائخهم
هو الشيخ شايع بن فهاد بن مبارك الشابع ال حنيش الودعاني الدوسري
من سكان اهل السليل ولد بالرياض عام 1375هـ وعمره الأن حوالي 59 عام
وله 5 اخوان وهو كبيرهم
وخواله ال وزنه من قبيله ال فرحان ال حنيش


في يوم من الأيام عام 1398 هـ اقدمت قبيله ال ابو ساق من قبيله يام الكرام لـ ال نادر وبلأخص الشيخ: محمد بن مبارك بن محمد بن نادر ال حنيش وغداهم وعزمهم الشيخ شايع بن فهاد ال شابع وعمره مايتجاوز 25 عاما وذبح لهم القعدان والخرفان وانا حاضر الحفل


وقال فيه الشيخ لافي بن عبد الله ال ابو ساق اليامي

يا لله يا قابل صلاة المصلين
يا عالم ٍ بالغيب ما فيه غيره

يامرسل محمد ويا حافظ الدين
تغفر لنا يوم الحشر والحشيرة

من بعدها ياهاجسي حضّر الحين
واسبح بحور الشعر لوهي خطيرة

نظّم بيوت الشعر ما فيه بعدين
واختر لنا الجزلة بعرف وبصيرة

اكتب لنا الجزلات ما بين قوسين
صوب شايع محتم الآخيرة

العزوة اللي يحتمون المخلين
لاجات صكات الليالي كبيرة

أفعاله بالطيب تملأ الموازين
واخباره بالمجد في كل ديرة

هو من أهل الوفاء والطيب بالعسر واللين
وأهل سيوفٍ فاللوازم شطيرة

ومن أهل دلال مبهراتٍ ملاوين
ومن أهل صياني بالشحم مستديرة

ومن أهل الثمان اللي بها الناس دارين
المعجزات اللي عليهم يسيرة

نخبة رجال ٍبالكرامه كريمين
والطيب والمعروف ما تستعيره

له شيم له قيم ومتصافين
والضيف له قدر ٍ وللجار جيرة

عاداته لاجات وحده وثنتين
سل السيوف وصد خيلٍ مغيرة

هذه علوم ٍ موثقة بالبراهين
في صفحة التاريخ وسط الجزيرة

هو كسبها من قبل والزمن شين
يوم إنه بين القبائل ضرير

وأخص فيما قلت شايع الشابع
هو و الشابــع ولا عليهم قصيره

واختامها عداد حـــــــجٍّ ملبين
وعداد ما تمطر مزون ٍ مطيرة

صلاة للي بين الحـــــق تبيين
محمد اللي مضح إلنّا المسيرة


صح لسان الشاعر ويستاهل ابو فهاد شيخ ولد شيخ ...



وتقبلو تحياتي ~!~

 

 

 

 

[معلومات العضو الكاتم]

كفوووو

سيرة عطرة ويستاهل الطيب من قدمه

 

 

 

 

[معلومات العضو سيف2013]

كفو ويستاهل بيوت الجميله

 

 

 

 

[معلومات العضو الودعانـي]

المشاركة الأصلية كتبت بواسطة الكاتم

كفوووو

سيرة عطرة ويستاهل الطيب من قدمه

كفوك الطيب ويستاهل ابو فهاد المدح

ومشكوور على مروركـ

 

 

 

 

[معلومات العضو الودعانـي]

المشاركة الأصلية كتبت بواسطة سيف2013

كفو ويستاهل بيوت الجميله

كفوك الطيب

أنشهد انه يستاهل الخير شيخ ولد شيخ

ومشكوور على مروركــ

 

 

 

 

[معلومات العضو ودعاني 502]

كفو ويستاهل الشيخ ابو فهاد وهذي ماهيب غريبه على واحد من احفاد الامير/ ابراهيم بن فراج

وشكرا على موضوعك العاطر