يالعقــــــــــــاب :: محمد بن فطيس

[معلومات العضو ابو حسين الدوسري]

يـالـعـقـاب الـلـي عـلـى الـمـشـراف وسـع لــي تـرانــي = ضـايـق (ن) مـن عـامــا الاول وادهـلــه قـبـلــك وادلــه
يـوم ربـي قـد كـسـاك بـريــش وش لــك فــي مـكـانــي = مـاتـخـاف مــن الـعـقـوبــه يــوم تـاتـيــه iiوتـحـلــه
دام لـك جـنـحــان وش تـبـقــي بـمـشــراف الـبـيـانــي = خـل مـشـراف الـفـقـيـر الـلـي بــلا جـنـحــان خـلــه
ذا مـكـانــي يــوم رمــح الـغــدر مــن حــره زوانـــي = مــا لـخـتـالــي عـلــي حـجــه وانــا سـلــه ودلـــه
وذا عـلـى مـاقـيــل شـمـاعــة هـمـومــي لابـلانــي = صـاحـب(ن) يـاكـل يـديـه وهـو عـلــى مـذهــب ومـلــه
لابـديـتــه مـاحـســد راع الـتــرف واهــل الـمـبـانــي = يـحـسـبـون ان فـرقـهـم واضــح عـلــي واقــول لـلــه
سـجـة فـي راس مـشـرافــي وانــا اغـطــرف الاغـاني = والله انـهـا فـي عـيـوني عــن مـية فـندق وفـلــه
فـيـه احـس انـي عـلـى احـسـن حـال وانـي شـخـص ثـانـي = واتـحـلــل مــن حــرام الــهــم لاجـيــنــه واحــلــه
وذا مـكـانـي عـقـب مـاصـبـري عـلـى كـبــدي كـوانــي = والله ان كـنــي بعد فـرقــاه بـيــن كـفــوف مـلــه
واحـد(ن) زلـه حـشـاي ومـسـكـنــه بـيــن الـمـحـانــي = مـسـكـنـه بـيـن الـمـحـانــي والـحـشــا والـصـدر زلــه
قـلـتـهـا لـه قـبـل لا بعده عـلـى الـشـعـر يـحـدانــي = خــايــف مالله يـتــمــم واعـــرف ان فـــلان عــلــه
قـال خـل اشـكـوكـك الـلــي تـتــرك الــراوي ظـمـانــي = مـايـصـيـبـك فـي جـبـيـنـك مـن خـلـقــك الله تـشـلــه
قــلــت ذا والله بـــلاي واشـــوف وش مـــدة زمــانــي = لايـكـون الـلـي كـتـب لـي فـارقــه مــن غـيــر زلــه
لا تـضـيــق مــن الـتـشــاؤم واحـتـمــالات الأ نــانــي = خـايـف(ن) اشـرب بـعـد كـاس الـنـصـر كــاس الـمـذلــه
قـال وش تـبـغـي بـحـكـي الـحـزن والـدنـيــا فـهـانــي = لاتـعـيـشـنــا زمــان الـحــزن قـبــل يـحــل iiحـلــه
قـلـت مـاتــدري وانــا الــداري بـعـاقـبــة الـتـمـانــي = غـيـر عـاهـدنــي وريـحـنــي واشــل الـحــزن كـلــه
قـال شـفـت الـمـوت لـو بـيـدي مـاهـو كـفـو لـخـذانــي = بـس لاتـشـره عـلـي لــو لـبـسـونــي غـصــب حـلــه
قـلـت اجـل وانـا وفـاي مـن الـجـدي حـتــى الـيـمـانــي = مـرتــضــي غــيــرك ولا اظــنـــه ولاظــنـــي لابالله
قـال اجـل سـلـم عـلـى روحــك وانــا كـلــي تـهـانــي = يـــوم عــرســك والله ان اهـــل مـجــدولــي وافــلــه
وراحـت اسـنـيـن الـتـلاقـي مـشـيـهـا مـشـي الـثـوانــي = مادرا عــن سر من له ظــل مـحـبـوبــه وظــلــه
غـيـر حــول يـالـعـقــاب وخــل مـشـرافــي تـرانــي = ضايـق(ن) مــن عـامــا الاول وادهـلــه قـبـلــك وادلــه
قـلـتـهـا مـاقـصــدي انــه يـقــال صــح الله لـسـانــي =قـلـتـهـا لـعـيـون مــن سـبــب كـتـابـتـهــا لـعـلــه

للـــــــــشا عــــــــــرالــــــــكـــبــــير

مـــحمــد بــن فـــــطـــيــس

 

 

 

 

[معلومات العضو حمد ابن فهد]

صح لسان الشاعر الكبير ابن فطيس وبيض الله وجهك يابوحسين لانتقاء الجزل دائما

تقبل مروري وفائق احترامي

 

 

 

 

[معلومات العضو ابو حسين الدوسري]

المشاركة الأصلية كتبت بواسطة حمد ابن فهد

صح لسان الشاعر الكبير ابن فطيس وبيض الله وجهك يابوحسين لانتقاء الجزل دائما

تقبل مروري وفائق احترامي

ووجهك ابيض يبو فهد وكم يشرفني
حضورك وتواجدك الكريم
خالص الشكر والتقديري