ما يطرح دموع الرجل غير ثنتين

[معلومات العضو شافي بن راشد النتيفات]

يا صاحبي لا تزعجك دمعة العين=بعض الدموع تعقّب القلب راحه
اليا نزلت من ضيقةٍ فالشراييـن=يعود للقلب الحزيـن انشراحـه
بلاك من دمعٍ محدّر على ويـن=ماله بساحات الرجولـه مساحـه
اما نزل لعيون سـاره وداريـن=والا بعد فوز الهـلال ونجاحـه
ما يطرح دموع الرجل غير ثنتين=ثنتيـن فيهـن دمعتـه مستباحـه
الاوله لا من غـدا الليـل ليليـن=في ساعةٍ كلٍ هجع في مراحـه
لا فز من نومه زبـون الامرّيـن=واعلن مع الرحمن ساعة صراحه
عدّه سجين وقصّته عقب يوميـن=لكن سبقْه العفو واطلِق سراحـه
والثانيه لا فارق القلـب غاليـن=فرقا مهي فرقا السفر والسياحـه
فرقا الكفن والمقبـرة والمعزيـن=فرقا سؤال المغفـرة والاباحـه
في غيرهن يا صاحبي ريّح العين=واستنقص الدنيا وتـزداد راحـه

 

 

 

 

[معلومات العضو حمد ابن فهد]

صح لسانك واعتلى شانك يابوشالح ابيات جزله بيض الله وجهك

 

 

 

 

[معلومات العضو محمد راشد النتيفات]

صح السانك يابوشالح ولاهنت على الابيات الرائعة

 

 

 

 

[معلومات العضو مبارك بن شافي النتيفات]

صح لسانك واعتلى شانك

لاهنت يابوشالح على النقل الجميل


تحياتي وتقديري

 

 

 

 

[معلومات العضو شافي بن راشد النتيفات]

المشاركة الأصلية كتبت بواسطة حمد ابن فهد

صح لسانك واعتلى شانك يابوشالح ابيات جزله بيض الله وجهك

اشكرك جزيل الشكر على مرورك الرائع

 

 

 

 

[معلومات العضو شافي بن راشد النتيفات]

المشاركة الأصلية كتبت بواسطة محمد راشد النتيفات

صح السانك يابوشالح ولاهنت على الابيات الرائعة

اشكرك جزيل الشكر على مرورك الرائع

 

 

 

 

[معلومات العضو شافي بن راشد النتيفات]

المشاركة الأصلية كتبت بواسطة مبارك بن شافي النتيفات

صح لسانك واعتلى شانك

لاهنت يابوشالح على النقل الجميل


تحياتي وتقديري

اشكرك جزيل الشكر على مرورك الرائع