شايف الشوق في عينـك ينادينـي

[معلومات العضو ابو حسين الدوسري]

لاتخبي غلاي إن كنـت تغلينـي = منك حبس المشاعر ظلم بالغالـي
كلما شفت عينك يانظـر عينـي = قلت ياذا العذاب اللـي تهيّالـي
شفت فيها شقاي وجددت فينـي = حيرتي والسؤال اللي علـى بالـي
لامتى وانـت تبعدنـي وتدنينـي = ليه اشوفك بعيد وزولـك قبالـي
لامتى الحاجز اللي بينـك وبينـي = كلما مر يوم يزيـد فـي العالـي
شايف الشوق في عينـك ينادينـي = كل نظره تقول إن السعـد فالـي
وانت دونك جدار الصمت حاديني = صمتك اللي سبب همي وغربالـي
كم تمنيت يـوم إنـك تلاقينـي = تشتكي لي وتسألني عن احوالـي
إنتظرتك تطيع الشـوق وتجينـي =إنتظرت, إنتظرت أيـام وليالـي
عمري اللي تعدى واجمل سنينـي = فات والعالـم الله ويـش يبقالـي
خايف إنك تجي في يوم ناصينـي = ماتجد شي منـي يرسـم ظلالـي
لاإنمحت من على الدنيا عناوينـي = ولابقالـي مـع الحييـن منزالـي
وقتها غصب من دنيـاك تلغينـي = تحذف إسمي وتحذف رقم جوالـي
كان قصدك بعد مااموت تبكينـي = ليش تنثر دموعك في الخلا الخالـي
دمعـةٍ فـي غيابـي ماتواسينـي = ولاتبـدل هـذاك المـر بالحالـي
لو تخلي بيـوت الشعـر ترثينـي = لين تصنع مـن الأشعـار تمثالـي
ماسكبت السعاده فـي شرايينـي = ولاانت واصل لروحي والجسد بالي
طيع شوري وحط يديك بيدينـي = ليش تاقف لحالك وآقـف لحالـي
دام يمديـك يالغالـي ويمديـنـي = حطم الحاجز اللي حطـم آمالـي

 

 

 

 

[معلومات العضو مبارك بن شافي النتيفات]

كلما جيت اختار بيت قلت البيت اللي بعده اجمل

لله درك يابوحسين على هذا الانتقاء والتواجد المميز دائما

تقبل مروري المتواضع على هذه الدرة الجميلة

تحياتي وتقديري

 

 

 

 

[معلومات العضو نسناس الهوى]

لله درك ياخوي..
لاهنت

نص جميل وذوق حلو

 

 

 

 

[معلومات العضو في صمتي لك كلام]

ابو حسين الدوسري ^_^ قصيدة بقمة الروووووووووعه
واهنيك على اختيارك المميز بتميزك الدائم
الصراحه ولا اخفيك عشت احاسيسه بدون ان امر بتجربه سابقه
اهني شاعر القصيده وارسله اجمل تحيه
( واتمنى ان تقبل هذي الورده ويبقى )



في صمتي لك كلام

 

 

 

 

[معلومات العضو ابو حسين الدوسري]

المشاركة الأصلية كتبت بواسطة ابوشافي الدوسري

كلما جيت اختار بيت قلت البيت اللي بعده اجمل

لله درك يابوحسين على هذا الانتقاء والتواجد المميز دائما

تقبل مروري المتواضع على هذه الدرة الجميلة

تحياتي وتقديري

يمرحبا والله يبو شافي يسعدني ويشرفني حضورك

وتواجدك الكريم وسام على صدري واشيد به
فلم مني كل ود واحترام

 

 

 

 

[معلومات العضو ابو حسين الدوسري]

المشاركة الأصلية كتبت بواسطة نسناس الهوى

لله درك ياخوي..
لاهنت

نص جميل وذوق حلو

حياك الله اخوي نسناس الهوى وحضورك يسعدني

وشهاده اعتزبه اخي

فائق الشكر والتقدير لشخصكم الكريم