قصيدة الشاعر / جريم المصارير

[معلومات العضو سالم الخضراني]

السلام عليكم ورحمة الله وبركاته


أقدم لكم قصيدة للشاعر / جريم بن محمد بن ضافي المصارير الدوسري


بسم الله الرحمن الرحيم

أوي والله دلةٍ عند خضران = شقراَ من البن اليماني شراها
يا دلة الخضران ذربين الايمان = بالزعفران وهيلها قنداها
ربعٍ تضد الشره يتلون حقلان = كم هجمة يوم الجهل قد خذاها
مركاضهم يشبع به الذيب سرحان = وكل السباع محصلاتٍ عشاها
وحنا هل (العشر) الذي فعلهم بان = ربعي مصاريرٍ يذري ذراها
والشيخ فينا حزام من نسل شبنان = شيخٍ لنا روس المعالي رقاها
ضربة يمينه طيرت رجل وحصان = محدٍ هقا هقواته اللي هقاها
لاجا نهارٍ فيه عجٍ ودخان = كم جادلٍ بالزوج نقطع رجاها
لاصحابنا سلمٍ وللقوم عدوان = لاعالت العيٌال نسحن دواها
عدونا نسقيه من سم ثعبان = وصديقنا له شربةٍ ما حلاها
افعالنا مع كل راوي بديوان = وافعالنا كلٍ لجيله رواها
افعالنا تلمع كما النجم لابان = مثل النجوم اللامعه في سماها
دواسرٍ في حزة الضيق شجعان = في دارنا الجيران ناسم عصاها
منا لهم تقدير لصار جيران = محدٍ يضايقها ولاحدٍ قصاها
ولاخير في هرجٍ على غير برهان= وسم العصا مافيه حي نساها
عوايد الجدان من عصر بدران = دواسرٍ تعرف ويعرف نباها
ويشهد على قولي شيوخٍ لهم شان = أفعالنا محدٍ على احدٍ كناها
وكل القبايل نعم من غير حقران = كلٍ فعوله دونها واحتماها
واليوم في حكم السعودي كحيلان= آل سعود بحكمهم حدداها
خلو قبايل نجد صدقان واخوان = وكلٍ معا الثاني بيوته بناها
نعلن ولاانا للملك سر واعلان = وكل القبايل له تجدد ولااها
وختامها صلو على نسل عدنان = المصطفى المبعوث من نسل طاها

 

 

 

 

[معلومات العضو شافي بن راشد النتيفات]

صح لسانك ولسانه وكفوووووووووو بلاد الخضران

 

 

 

 

[معلومات العضو مبارك بن شافي النتيفات]

سالم الخظراني

صح لسان الشاعر / جريم بن محمد

وسلمت يمناك على النقل الجميييييل

تحياتي وتقديري

 

 

 

 

[معلومات العضو دغش محمد الصخابرة]

سالم الخضران
صح الساااااااااانك

وصح لسااااااان الشاعر / جريم بن محمد

وبيض الله وجهك

تحياتي وتقديري

 

 

 

 

[معلومات العضو خالد المشاويه]

صح السان المصروري

ويستاهلون الخضران كل خير


لاهنت والله يعطيك العافيه

 

 

 

 

[معلومات العضو محمد مطلق آل بريك]

صح لسانك ولسانه

وكفووووووووو بالخضران وكفووووووو بأهل العشر

تحياتي وتقديري ..

 

 

 

 

[معلومات العضو سالم الخضراني]

كل الشكر والتقدير لاخوان الاعزاء الله يبيض وجيهكم ولا عليكم زوووووووووود . اسعدني مروركم ما قصرتوا الله يعطيكم العافيه



تحياتي وتقديري للجميع

 

 

 

 

[معلومات العضو عبدالله المصارير]

كفوووووووووووووو بالخضران والمصارير وجميع الدواسر .

لاهنت ياسالم الخضراني على النقل ..........

 

 

 

 

[معلومات العضو سالم الخضراني]

شكرا عبدالله المصارير بيض الله وجهك