صوت المواطن

[معلومات العضو عبدالله الحافر الغييثي]

الشاعر/سلطان الهاجري

صوت المواطن لاعبر عن شعورهـ=صرخة نداء يا ولاة أمر المسلميني
أما برى الجرح ولا مات دكتورهـ=الحل في يدينكم ماهوب في يديني
مواطن(ن) لانشدت أحد(ن) عن أمورهـ=ويش يعني صفر(ن) مكعب بين قوسيني
بلادي أغنى بلد والشعب دستورهـ=وغلاه يجري بدمي في شراييني
أحيان أسج القدم والحال مستورهـ=وأحيان ماغير أسد الدين بالديني
ناديت ما أوحيتني يا مجلس الشورهـ=والله مادري متى عادك بتوحيني
وأعضاك لو تعتذر ماهي بمعذورهـ=تلفيق الأعذار يزعلني ما يرضيني
ناس(ن) تجامل وهي ماهي بمجبورهـ=حتى ابتساماتها ما غير روتيني
والشعر له دور والشاعر هذا دورهـ=أوضاع شعب الوطن لاشك تعنيني
ومسابقات الشعر ومتابع الكورهـ=أهم منها معاناة الملاييــني
رغم أني أشجع الأزرق وجمهورهـ=هلالي(ن) بحت من أول وذا اللحيني
لكن ما يطلع الرجال عن طورهـ=إلا خطر يفطر كبود البعاريني
وليا متى خطّر الأجواد مكســورهـ=وأنــا كـذا كــسـرت الخــاطر تبكيني
هـذي رسالة بعض شعبك ياأخو نورهـ=كلن يقول لك تكفى لا تخليني
هذي هي أوضاعهم بالشكل والصورهـ=وأنت مغيث الفقراء والمساكيني

 

 

 

 

[معلومات العضو نسناس الهوى]

لكن ما يطلـع الرجـال عـن طـوره *إلا خطـر يفطـر كبـود البعارينـي
وليا متـى خطّـر الأجـواد مكسـوره*وأنا كـذا كسـرت الخاطـر تبكينـي


أليمه هالقصيده صوت أتمنى ان له صدى حلو.

لاهنت اخوي ع الطرح وصح لسان شاعرها..

 

 

 

 

[معلومات العضو أبونواف الدوسري]

لا هنت أخي أبو مطر على عرض هذه القصيده

وتسلم يمينك وصح السان شاعرها...

 

 

 

 

[معلومات العضو السيف دايـم]

رغم أني أشجـع الأزرق وجمهـوره
هلالي(ن) بحت من أول وذا اللحينـي

صح لسانك ملايين

ماقصرت يابو شيخه طول عمرك جزل..

 

 

 

 

[معلومات العضو محمد بن عريمه]

لاهنت يابو مطر على النقل

وصح لسان الشاعر

قائل القصيده؟؟؟

 

 

 

 

[معلومات العضو خيالية]

صح لساان الشاعر على الأبياات المتألقه ، لكن الله يهديه ويغير فريقه

تقديري واحترامي ..

 

 

 

 

[معلومات العضو غازي المسعري]

قصيده روعه لشاعر علم من اعلام الشعر الشعبي

لاهنت يابو شيخة على نقلها

موفق خير

 

 

 

 

[معلومات العضو ناصر بن فهد]

صح لسانك وصح لسان شاعرها ,

ولاهنت ي ابوشيخه على النقل

 

 

 

 

[معلومات العضو مبارك بن شافي النتيفات]

خميس الغييثات


دائما جزل واختيارك جميل

لاهنت على النقل وصح الله لسانك ولسان ابن وسام

تحياتي وتقديري

 

 

 

 

[معلومات العضو سعد بن هادي]

لا هنت على النقل وصح الله السان الشاعر

 

 

 

 

[معلومات العضو دغش محمد الصخابرة]

ابو مطر صح السااااااااانك ولاهنت على النقل

وصح الساااااااااااان الشاعر سلطان الهاجري

 

 

 

 

[معلومات العضو خالد المشاويه]

صح السان ابن وسام شاعر كبير وبيض الله وجهه


وهذا هو الشعر لاخير في شعر مايجي في مثل هالأمور

وان شا الله ان يكون لهذا الصوت صدى وتجاوب


ولاهنت يابوشيخه الله يعطيك العافيه

 

 

 

 

[معلومات العضو شافي بن راشد النتيفات]

ارحب يابومطر وعزالله نقلت قصيدة ياذيبان جعل يدك ما يجيها العطب

 

 

 

 

[معلومات العضو عبدالله الحافر الغييثي]

مرحبا والله ومسهلا بالكل والجميع والله لايهينكم على تواضعكم بطيب المرور وصح لسان الوزن الثقيل

 

 

 

 

[معلومات العضو محمد بن حمد الشكرة]

الله لايهينك ياابو شيخة على نقل القصيدة وصح الله لسان الوزن الثقيل/سلطان بن وسام الهاجري على القصيدة الجزلة ويكفينا كعشاق الزعيم وجود ابن وسام من ضمن مشجعنه