هبت هبوبٍ شمال وبردها شيني

[معلومات العضو الشكري]

السلام عليكم ورحمة الله وبركاته

هذي احدى القصايد الخالدة ومن عيون الشعر النبطي يتداولها

الكثيرون من الناس ولكن لم نعرف شاعرها.

فمن يعرف شاعرها الرجاء اعلامنها عن قائلها وله جزيل الشكر.

[/align]

عديت في مرقب والليل ممسيني=بديار غربٍ لعل السيل ما جاها
اضحك مع اللي ضحك والهمّ طاريني= طية شنون العرب لا سربوا ماها
وراك ما تزعجين الدمع يا عيني= على هنوف جديد اللبس يزهاها
هبت هبوبٍ شمال وبردها شيني= ما تدفي النار لو حنّا شعلنا ها
ما يدفي إلاّ حشا مريوشة العيني=والى عطشنا شربنا من ثناياها
أبوعيون الى سلهم تناجيني= يا قرد عين المشقا كيف يقواها
ياشبه وضحى فتاة دلهل زيني=داجت على عقلة والورد ما جاها
ياعل من شار بالفرقى عمى العيني= مخباط صمعا جليل الفخذ يشظاها
جعله حسير كسير وراكبه ديني= واتلى حلاله ذلول راح يطلاها

وسلامتكم

 

 

 

 

[معلومات العضو فهد الغريري]

عديت في مرقب والليل ممسيني=بديار غربٍ لعل السيل ما جاها
اضحك مع اللي ضحك والهمّ طاريني= طية شنون العرب لا سربوا ماها
وراك ما تزعجين الدمع يا عيني= على هنوف جديد اللبس يزهاها
هبت هبوبٍ شمال وبردها شيني= ما تدفي النار لو حنّا شعلنا ها
ما يدفي إلاّ حشا مريوشة العيني=والى عطشنا شربنا من ثناياها
أبوعيون الى سلهم تناجيني= يا قرد عين المشقا كيف يقواها
ياشبه وضحى فتاة دلهل زيني=داجت على عقلة والورد ما جاها
ياعل من شار بالفرقى عمى العيني= مخباط صمعا جليل الفخذ يشظاها
جعله حسير كسير وراكبه ديني= واتلى حلاله ذلول راح يطلاها

وعليكم السلام ورحمة الله وبركاته

العزيز الغالي ابوعبدالله " الشكري "

جعل مايخلينا منك ياكحيلان علمك غانم اول وتالي

وصح الله السانك وعتلا شانك على هذي القصيده الى تفري الكبد

ونسمعها من يومنا صغار لكن مانعرف من قايلها

وياليت الاخوان جعلهم المعزه يفيدونا بقايلها ولا يهنون

لكي تعم الفايده للجميع

ابوعبدالله ابيض وجه جعل من ارثك في الجنه

تقبل تقديري واحترامي

اخوك / فهد الغريري,,

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

وعليكم السلام ورحمة الله وبركاته

المراقب العزيز الغالي أبوعبدالله " الشكري "

جعل ربي مايخلينا منك ياكحيلان علومك كلها غانمه

وصح الله السانك وعتلا شانك على هذه القصيده اللتي

نسمعها من الصغر إلى يومنا هذا ولكن مانعرف أسم شاعرها

وياليت من لديه علم بهذه القصيده أن يبلغنا بإسم شاعرها

لكي تعم الفايده للجميع

أبوعبدالله أبيض وجه جعل من أرثك في الجنه

وكل عام وأنت بخير

تقبل تقديري واحترامي

محب الجميع : دغش البطي

 

 

 

 

[معلومات العضو نمر بن الأشيب]

الله يــعــطـــيــك الـــعــافــيــه يــا ابــوعــبــــدالله عــلـى نــقــل هــذه الــقــصــيــده


قــرأت فــي أحــد الــمــنــتـــديـات أن هـنــــاك أخــتـــلاف عـلـى شـــــــــاعر هــذه الـجـــزلــة مـنـهــم مــن نـســبـهــا

الـى الــشـــــاعـر عـبـــدالـهـــادي الـروقـي ومـنـهــم مــن نـسـبـهـــا الـى الــشـــــاعـر فـــهـــــد الـعــجــمـــــي



تــقـــبــــــــل كــل الــــــود والــتـــقــــــــــديــر




أخـــــــــــــــــــوك فــي الله


الـــــــــــــعــــــــــــــــرابــي

 

 

 

 

[معلومات العضو فيصل الشكري]

صحيح أخوي نسمعها منذ الصغو ولكن لانعرف من قائلها

واشكرك يالعرابي علئ الافادة

 

 

 

 

[معلومات العضو سالم الغريري]

يا زين ذي القصيدة زيناه


صحيح يا ابو عبدالله دايم نسمعها ولا نعرف شاعرها

وانا اتوقع مثل ما قال العرابي ان شاعرها عتيبي

لاهنت يا ابوعبدالله على ذي القصيدة

 

 

 

 

[معلومات العضو الواضح]

الشكري


صح الله لسانك على إيراد هذه القصيدة



الأخ العرابي أفاد في هذا الموضوع


وبعض الناس ينسبها للحميداني


ولا أدري الحميداني هذا هو عجمي ولا لا