حنا دواسر والعلوم أسماني

[معلومات العضو لاحم دت نت]

السلام عليكم
كل عام وانتم بخير وتقبل الله منا ومنكم صالح الاعمال
اخترت لكم اليوم (خطلان الأيدي هم هلي وعماني)من قصائد الشاعر(المعتزي)عبدا لله بن عبدا لرحمن بن عمر اللاحم
هذه القصيدة امل ان تحوز على اعجابكم
حنا دواسر والعلوم أسماني

سـلام مـن المعـتـزي البـدرانـي **********لمن هو كتب في المنتدى و أحياه

جيت أبا أشـارك بقلمـي ولسانـي********** وبالمال أشـارك جهدكـم ورعـاه

جيـت أبـا بـارك وابـدي التهـانـي **********لمن شيد الصرح القـوي و أنشـاه

المعتـزي مـن أسـرة لـه شأنـي **********و كلـن يحصـل مـا كسبـت يمنـاه

مــن إل لاحــم راســخ بنـيـانـي **********وبأرض الجزيـرة أصلـي ومنشـاه

من صلب عامر ذاك ملجآ العانـي**********زبـن الضعيـف لاذل مــن أعــداه

هــو الضمـيـن ولا نـبـي برهـانـي**********بوسم العصا عامـر ضمـن يحمـاه

يا سعد عين من عزوتـه بدرانـي **********ستـر الهـنـوف لا صيـحـة تنـخـاه

الله خلقنـي دوسـري و أنشـانـي **********وبـعـض الاوادم أصلـهـم شـــراه

خطلان الأيدي هم هلـي وعمانـي**********وشـمـر خـوالــي حـيـهـم حـيــاه

من نسـل زايـد ورث مـن جدانـي**********ما نيب من اللي ما عرف مجنـاه

ولا همـنـي لــو انسبـونـي لثـانـي**********مــن الـدوســر أصـلـنـا أقـصــاه

حنـا دواســر والعـلـوم أسمـانـي**********و تاريـخـنـا كـــل الـمــلأ تـقــراه

اهـل الكـرم والطيـب والايمـانـي**********دواســــر لــهــم عــــز وجــــاه

دواســرٍٍِ الحـضـر والـبــدوا نـــي**********ســـم الــعــداء بـكـبـودهـم وداه

الانتـخـا ا كـــل واحـــد بالـثـانـي**********تلايمـوا مـن كــل صــوب وجــاه

عـدوهـهـم لشـوفـهـم مـايـدانـي**********كــم مــن عــدو انـدحــر قـفــاه

لأثــار عـــج الـخـيـل و لـدخـانـي**********يـدعـون حـريـم عـدوهـم تـنـعـاه

اسيـوفـهـم مخـضـبـه بـالـقـانـي**********بسيوفهـم كـم قـص مـن علـبـاه

رجـالـهـم للـضـيـم مـــا يـدانــي**********محدن يضيـم الدوسـري و يقـواه

وارجو السموحه ياهلـي واخوانـي**********بـاقــي كـثـيـر مـابـعــد قـلـنــاه

منقول
كل عام ونتم بخير

 

 

 

 

[معلومات العضو راشد المسعري]

ارحب

وصح لسانك ولسان المعتزي

ونعم به وبآل لاحم والبدارين كلهم

تقبل ودي وتقديري ،،،،

 

 

 

 

[معلومات العضو سعود بطحيه]

صح لسانك ولسان شاعرها
وذكرتني قصيدتي المشهوره
انا دوسري وزايــــــــدي ودعاني= من الابة اللي تكرم الضيف والعاني
وداعين الى من حل بطيب ذكرهم= تبادرو بنعم والنعم برهاني

 

 

 

 

[معلومات العضو الخرفااااااني]

صح لسانك ولسان راعيها.........والله يوفق الجميع........