هذي القصيده مشاركه لي في حفل تخريج ابناء قبيلة الدواسر لظباط من كلية الملك عبدالعزيز الحربيه

[معلومات العضو راشد سفر النتيفات]

استعدي يابنات الفكر عندي للقصيد = وافزعيلي يابنات الفكر يالله واتعبي
والله الله يابنات الفكر في النظم الفريد = لجل عطران الشوارب نفذيلي مطلبي
جيت ابارك جيت اشارك فرحة اليوم السعيد = يوم كل من النشاما نال كتفه مايبي
من صبر دايم ضفر حتى ولو انه بليد = نعرف انه في حياته يبغي يمسك منصبي
تكرمون من البلاده ياهل الراي السديد = ياهل النخوه سلايل زايدي او تغلبي
او جميله يالدواسر قدركم عندي يزيد = ياهل الطالات لناموس دوم(ن)تكسبي
من زبنكم من صدوف الوقت مضهود وطريد = في ذراكم زابن(ن)يبغا الامان ويطلبي
تاسمون اله العصا حتى ولو يذهب بعيد = ماحد(ن)من خلق ربي له يمس ويقربي
قلته وانا منكم وفيكم ابدع بزين القصيد = وما عدا الا في قصيدي بذكر الحر الابي
المليك ابن المليك الي عسى عمره مديد = حكم بشرع الله وهدي النبي اليعربي
تحت حكمه نحمد الله ننعم بعيش(ن)رغيد = والامان لكل شعبه والغريب الاجنبي
وبك نصلي يالاهي عد مالك من عبيد = وبك انصلي يالاهي عد حرف(ن)يكتبي
على رسول(ن)بين لقومه خفايا مايفيد = بين لهم شرح الامور الي عليهم تصعبي
وجيت ابارك جيت اشارك فرحة اليو السعيد = يوم كل من النشامى نال كتفه مايبي

وتقبلو تحياتي

 

 

 

 

[معلومات العضو ناصر بن فهد]

الله الله يابو سفر على القصيده الطيبه
ووافي ووافي يا ابوسفر
ولآهنت

 

 

 

 

[معلومات العضو شافي بن راشد النتيفات]

تم تنسيق القصيدة وصح لسانك يابو سفر

 

 

 

 

[معلومات العضو عبدالله بن فهد الصخابره]

الله الله
صح الله لسانك طال عمرك وسلمت على الابداع الرائع

 

 

 

 

[معلومات العضو راشد سفر النتيفات]

لاهنت على المرور اخوي ناصر وشرفت

 

 

 

 

[معلومات العضو راشد سفر النتيفات]

ارحب يابو شالح ومرورك وسام طال عمرك ولا هنت ع تنسيق القصيده

 

 

 

 

[معلومات العضو راشد سفر النتيفات]

مشكور اخوي عبدالله ولا قصرت