يوم ضآقت قلت وينك يا الفرج ؟؟

[معلومات العضو جنوون أنثى]

يوم ضاقت..

قلت وينك يالفرج ..؟

قال: جيت..

وشفت حولك الف صاحب..

وخفت اسبب لك حرج!!

.
.
.
ارتكيت..
بس وين اللى يشيل الحمل وينه..
وين ذاك اللي ذخرته للظما قطرات .. وينه؟
وين ابو الفزعات عني..
ماقدرت القاه وينه؟
من لمحني فوق كف الموج.. فض
كسر الواح الرجا بيني وبينه!!
.
.
.
حز نفسي..
غص في حلقي ..ورض
كل ضلع لي معاه.. وغض عينه!!
يحسب اني مت هم..
ولادرى اني حي لكن..
مت من خنقة يدينه!!
.
.
.
يالفرج..
صاحبي ماشفت زوله..
من فقدته فيوم شده..
بس لو جاني على قلعة عيوني..
حالف اني ما ارده..
والموده يالفرج .. هيّ الموده..
صاحبي .. مالي بصده..
ولو نصاني والنواصي عشب قبري..
والله اني غصب لاحيا .. ثم اعينه!!
.
.
.
ارتكيت..
وطحت..
والجلمود .. ناخ.
اه ياكذب الليالي البيض..
اه ياظلم السباخ..
من مشاها ولا وراه زنود تبري الكبد .. داااخ.
يا كثر ماخيّبت .. ظن اللبيب..
ويا كثر ماغيّبت .. وجه قريب..
ويا كثر ماشاف منها ..
صافي النيه .. وشاخ.
.
.
.
ارتكيت..
واثر ظلي مايمون..
واثرني كومة طعون..
من غلاة اصحابها..
ماقدرت اقول : ااااخ.
.
.
.
لي مبادي..
وصاحبي .. لو جار منه الجور .. عادي
وصاحبي .. لو هو قتل ذكراي .. عادي
وصاحبي .. لو بخل برضاي .. عادي
وصاحبي..
يبقى العزيز الناصع الى له ودادي
.
.
.
ودام انا ستره وثوبه ..
صاحبي .. ماقول : عنه أبداً، وتوبه..
ياهلا به..
وبعيوبه..
وبذنوبه..
ياهلا.
ان وصلني .. ياهلا.
وان قطعني .. ياهلا.
صاحبي والا فلا.
والغلا نعمة كريم..
وساقها لكل الملا.
.
.
.
يالفرج .. حاول تحب.
دام لاهل الارض رب.
ولو تشوف .. اصحاب واجد حول قلبي..
لا تعاند.
السواعد من سراب!
والحصايد من يباب!
والشعر .. كذاب!
.
.
.
خل فتال الشوارب .. عن يمينك..
ولا تخاف من الحرج .. لو قيل وينك؟
كلهم مثلي تراهم .. باالنهايه..
طالبينك .. طالبينك
طالبينك .. يالفرج!!
.
.
.

ويوم ضاقت ..

قلت وينك يالفرج؟

قال : جيت ..

وشفت حولك الف صاحب..

وخفت اسبب لك حرج

 

 

 

 

[معلومات العضو محمد بن حمد الشكرة]

الله يعطيك العافية أختي جنون أنثى على الطرح الرائع ابيات جميلة ورائعة سلمت يمينك على الإختيار الموفق تقديري,,,,

 

 

 

 

[معلومات العضو نفحات نور]

 

 

 

 

[معلومات العضو تركي بن عبدالرحمن]

المشاركة الأصلية كتبت بواسطة نفحات نور

	هندستي الكلمه وسيرتيها بكل سلاسه جنون يا جنون انثى يعطيك العافيه