قصيده الحزن

[معلومات العضو عبدالله الحافر الغييثي]

للاسف لا اعرف شاعرها

يابوي ليه تبكي كل ما شفتك وعينـك لـي =تخاف أموت يابوي ... وقبل الموت تبكيني
تكفا يابوي لا تبكي وأنا موجود معك وحـي=أجل بعد الرحيل أشلون في قبري توطينـي
ابوي لو تموت الناس ماتسوى دموعـك ذي=وأنا يابوي ميت قبل أموت بحبك وربي محييني
قسم بالله يابوي لجل عينك شربـت الغـي=جرعت الهم والحرمان وبحر الويل يسقينـي
تحملت السنين اللي طوتني في عاذبي طـي=وصار الجمر بكفوفي .. وتحت أقدام رجليني
يابوي ماعلى عمري حسافه ولا بقا بي شي =ولكـن بطلبـك يابـوي تكفـا لا تخلينـي
يابوي مابي غيرك يغسـل جثتـي بالمـي=وتكفا قبل لا أتكفن .. يابوي فكلـي عينـي
بأمر الله يمكن ألمحك وأرحل في عيني ضي =وودع وجهك الطاهر مع دنيـاي وسنينـي
وخل الناس تحملني وترفع راسي ورجلـي=وتأخذني على قبري وتكسب أجرهـا فينـي
وأذا جيت القبر يا بوي نزلني شوي شـوي=ووجهنـي لبيـت الله .. وقبلـه المصلينـي
وحط الطين وأدفني وعز اللي يعـزي فـي=ثلاث أيام يابـوي .. يواسـوك المعزينـي
ورابع يوم يا بوي تذكر .. ضحكتي وعني =تذكر وش كنت أقول يـوم أنـك تنادينـي
تذكر يوم كنت أنام في ظل النخـل والفـي =تجي يمي تصب الما..على وجهي وتصحيني
تذكر جرة الموال وصوت في حبالـه كـي =تذكر يوم أغني لك قصيدي وانت توحينـي
تذكر ضحكتك لا قلتلك يابوي عشقي هـي =تذكر كم قصيدة خافيه مـا بينـك وبينـي
تذكر كل شي كان وأذكر يـوم انـا حـي=ولكـن أسالـك بالله يابـوي ماغيرك يغسلني

 

 

 

 

[معلومات العضو ابو نايف الحربي]

الله الله

قصيده بكت حروفها قبل نطقها من جور حزنها


ابدعتوووو والله لايهينك وصح الله لسانك واتعلا شانك


وعساك للجنه

 

 

 

 

[معلومات العضو ابو حسين الدوسري]

الله الله عليك يبو شيخه

يعطيك الف عافيه على الانتقاء الرائع

خالص التقدير لشخصكم الكريم

 

 

 

 

[معلومات العضو عادلة]

اقتباس:المشاركة الأصلية كتبت بواسطة خميس الغييثي[

يابوي مابي غيرك يغسـل جثتـي بالمـي=

وتكفا قبل لا أتكفن .. يابوي فكلـي عينـي

بأمر الله يمكن ألمحك وأرحل في عيني ضي =

وودع وجهك الطاهر مع دنيـاي وسنينـي

وأذا جيت القبر يا بوي نزلني شوي شـوي=

ووجهنـي لبيـت الله .. وقبلـه المصلينـي

مشاااااااعر صادقة .. رسمتها انااااااامل مبدعة

والله من اسمها (قصيدة الحزن) اسم على مسمى

دائما ما تشدنا قصص الالم والمعاناة

علنا منها نستخلص العبر

الاخ الفاضلO.o خميس O.o°•

سلمت يمنآكـ على مآحملتهـ لنآ

سهل الله لك أمرك ورفع قدرك وجمعك ووالديك في الفردوس الأعلى من الجنة

دمتم في حفظ الرحمن

إذا ما أتاك الدهريوما بنكبة

فافرغ لها صبراووسع لها صدرا

فإن تصاريف الزمان عجيبة

فيوما ترى يسراويوما ترى عسرا

 

 

 

 

[معلومات العضو عقاب بن هذال ال بريك]

ورابـع يـوم يـا بـوي تذكـر .. ضحكتـي وعـنـي

تـذكـر وش كـنـت أقــول يــوم أنــك تنـاديـنـي

أخوي خميس الغييثي:
صح السان شاعرها وصح لسانك ... ولاهنت !!
وفعلا مؤثره وتحزن.....الله يبعد عنا الحزن يااارب....

 

 

 

 

[معلومات العضو البدور]

فعلا القصيدة حزينة وتبكي ...والله يرحم الغالي .ان جت العكس ..

اشكرك

 

 

 

 

[معلومات العضو عبدالله الحافر الغييثي]

مرحبا ومسهلا بكم احبتي وزاد نور الموضوع بأطلاله كوكبه من اهل الذوق الرفيع.. شاكر ومقدر لكم طيب تواجدكم العذب

 

 

 

 

[معلومات العضو خيالية]

الله يبعد عنا وعنك الحزن

ويرزقنا الفائده مما نقرأ ..

 

 

 

 

[معلومات العضو بدر سلطان التمامي]

تسلم يمناك اخوي خميس


تحياتي

 

 

 

 

[معلومات العضو عبدالله الحافر الغييثي]

المشاركة الأصلية كتبت بواسطة خيالية

الله يبعد عنا وعنك الحزن

ويرزقنا الفائده مما نقرأ ..

اللهم امين اختي خياليه وشاكر ومقدر لك حسن تواجدك

 

 

 

 

[معلومات العضو عبدالله الحافر الغييثي]

المشاركة الأصلية كتبت بواسطة بدر سلطان التمامي

تسلم يمناك اخوي خميس


تحياتي

من قال سالم يابوسلطان وشاكر لك ومقدر طيب مرورك العذب

 

 

 

 

[معلومات العضو بنت الذيب]

ابيات مؤثره .. صح لسان شاعرها

ويعطيك العافيه يااخوي خميس على اختيارك

لاهنت

 

 

 

 

[معلومات العضو سعود التميمي]

صح لسانك ولسان قايله ..

أبيات جميله ..

شكرآ لك ..

 

 

 

 

[معلومات العضو عبدالله الحافر الغييثي]

المشاركة الأصلية كتبت بواسطة بنت الذيب

ابيات مؤثره .. صح لسان شاعرها

ويعطيك العافيه يااخوي خميس على اختيارك

لاهنت

الله يعافيك ويخليك اخي الذيبه وشاكر لك مرور ,,,,,خالص التقدير لشخصك

 

 

 

 

[معلومات العضو عبدالله الحافر الغييثي]

المشاركة الأصلية كتبت بواسطة سعود التميمي

صح لسانك ولسان قايله ..

أبيات جميله ..

شكرآ لك ..

صح بدنك ياسعود ولاهنت على طيبة الاطلاله بهذا الموضوع