في الكبد ليعّاتها وفي النفس حاجات

[معلومات العضو الهاج ـري]

لسلام عليكم ورحمة الله وبركاته

في الكبد ليعّاتها وفي النفس حاجات
حاجات ماهيب رغبات وشهوات
ندم على حزن.. على مدري شسّمه
إللي يكلمك.. وتكلمه بسكـات

ياودي أصرخ من إللي داخلي حيل
ويا ودي ماتنبس من الليعّه شفات

مزحوم تفكير ومشوش وبردان
وياخوفي من الغضب و الإنفعالات


تعارك الشر مع الخير فيني
يأثر على إتخاذي.. للقرارات

ثاقب وألاحظ تفاصيل التفاصيل
كن البشر عٌري وعيوني مرايات

أفضال ربي علي واجد وأفضل
أفضال ربي.. الفقر وإنكاره الذات

يامجمل الفقر وأشياءه وروحه
تموت منّه تعب وتعيشه أزمات


يعلمك ضعفك وبأن عقلك
هو إللي يميّزك عن الحشرات

وتعرف بأن هذا لك وذا لغيرك
ولاتفكّر ولاتكسّر حسابات

الفقر مفيد ..وأشياءه مفيده
مليء قناعه وقوه وغايات

يمكن لو إنك غني تطغا وتنسى
وأتطيش وتطوّف الخمس صلوات


لذلك الحمد لله والثنى له
على الفقر والمصايب والمسرات

يمكن أني فقير بس مانيب تبعّي
أجلس ولا أنقاد خلف الإتجاهات

وإن ما أعجبتني قناعات الزمن هذا
أنا.. أألف لتفكيري قناعات

شاعر ويسكن فـ مخي الف شاعر
ماهم بشعّار هالوقت التروفات


اللي يقولون مافي الشعر نادر
وإن الشعراء نفس المستويات

لو أنهم واحد وبتفكير واحد
ماشفت ناقد ولا معجب وشمات

الله على هالكلام ومن يقوله
والله يقطع سياسة هالمجلات

يعني اللي شعره ملى الدنيا جماهير
مثل اللي يطلق قصيده سردة أبيات


لامني سمعت القصيده قلت هذي؟
سمعتها قبل هذي عشر مرات!!

يشل.. آخر كلام الشطر الأول
ويحطه بآخر الثاني .. وخذ هات

قاف متكرر.. ولافكره ولاشي
يبني القصيده.. على تفكير بنات

وبه نوع ساذج علشان أيتميّـز
يصرخ ويعمل بيدّينه حركات


والمرء عود مايجهل.. لذلك
هالشعراء يكرهوني -انا- بالذات

الله يخليني لشعري وأصونه
وأحرق به كبود شعّار المسجات

أجذبّ به.. أذواق حكّام الجزيرة
وأزرعه.. فعقول فتيان وفتيات

اركبّه جن.. وامارسه بجنون
وأشبعه فلسفات وأبتكارات


وآعلم الجيل هذا وإللي بعده
جودة الإطاله.. وفن الإختصارات

و وشلون أحرث صخر فكري وأخلّي
بيني وبين أقرب منافس مسافات

الشعر في نظرة اغلبهم مصالح
فلوس وشيوخ وبنات ولقاءات

وفي نظرتي الشعر روحٍ و روح حرّه
ماتخضع لشف.. وأشخاص.. وقياسات


الشعرٌ ماتقشعرُ له أبدانٌ
ومَا يسَرقُ من الكلمات.. الكلمَات

تقراه فـ عيون شاعره وتحسه
يفتح له فَجلد يدّينك مسامات

ردد قصيدي ياجمهوري وصفق
وعلمّهم إن الغلا مابَه خيارات

وتعال نسرح سوّى في شي عندي
وأخاف لا أبكي؟ وتبكيني العبارات



حزين جداً ومتعومس وخايف
أحس كنّي على مهوّي نهايات

حبيبتي .. إللي أغليها وأبيها؟
راحت.. وقالت بجّي وللحين ماجات

ما أذكر أني.. مسوي شي لكن
الشوق لا زاد.. يسبب حزازات

والصبر صبر القلوب البيض وأدري
يامصعب الصبر لا قدّبه محاتات


دمّرني الشوق وإستنرفني شعور
وتعبت أثبت وجودي داخل شتات

تمر كل الوجيه.. بدرب عيني
نفس الملامح؟.. ونفس الابتسامات

حبيبتي طاغيه وبشكل طاغي
صديقة الليل واجناب البنايات

من وين ما أفتر لاهذا وجهها
على الطرقات وأضواء السيارات


يابرّي حالي عليها برّي حالي
عليها يابرّي حالي عشر بريات

لأني أحبها.. فعلاً وجداً
ماهي محبة.. رفث.. ولا إتصالات

وإللي سواتي.. يحب وخايف الله
يعرف.. معنى معاناة المعانات


الحزن في بعض الأحيّان إزدواجي
وجميل.. لاصار من تجنيب غلطات

من خّلا حاجه لربي عاضه أخيّر
منها واحسن دبلات الدبلات

وانا مابي .. غيرها .. ولا ألتفت له
السيده .. لا رجعنا للسيادات

جعل امها إتوافق إن جيت أخطبها
تكفون دعواتكم يـ أهل الدعوات



مما راق لي,,

 

 

 

 

[معلومات العضو ناصر بن فهد]

الله الله صح لسانك واعتلى شاانك
وصح لسان الشـآعرُ ..
وماشاء الله على الاختيآرُ ..
ولاهنت وتسسسلم يمناك

 

 

 

 

[معلومات العضو بنت الذيب]

صح لسان شاعرها..وتسلم يد ناقلها

لاهنت ياالهاجري على اختيارك الطيب

اطيب التحايا

 

 

 

 

[معلومات العضو شافي بن راشد النتيفات]

جعل امها إتوافق إن جيت أخطبها
تكفون دعواتكم يـ أهل الدعوات


جعلك تعرس يالهاجري آمين حتى لو انه ثانية وصح لسانك ولسان الشاعر

 

 

 

 

[معلومات العضو الهاج ـري]

اقتباس:المشاركة الأصلية كتبت بواسطة ناصر فهد الدوسريالله الله صح لسانك واعتلى شاانك
وصح لسان الشـآعرُ ..
وماشاء الله على الاختيآرُ ..
ولاهنت وتسسسلم يمناك


صح الله ابدنك وتسلم والله على مرورك الطيب لاهنت

 

 

 

 

[معلومات العضو الهاج ـري]

اقتباس:المشاركة الأصلية كتبت بواسطة بنت الذيبصح لسان شاعرها..وتسلم يد ناقلها

لاهنت ياالهاجري على اختيارك الطيب

اطيب التحايا


صح الله ابدنس اختي ولاهنتي على مرورس الراقي

 

 

 

 

[معلومات العضو الهاج ـري]

اقتباس:المشاركة الأصلية كتبت بواسطة شافي النتيفاتجعل امها إتوافق إن جيت أخطبها
تكفون دعواتكم يـ أهل الدعوات


جعلك تعرس يالهاجري آمين حتى لو انه ثانية وصح لسانك ولسان الشاعر


ههههههه الله يسمع منك > خلها تجي الاوله عشان الثانيه بس ياخوك مانبي الا وحده والله يجعلها من نصيبي وتبشر بالسعد والفرج >> واثق هههه

تسلم ياخوك على مرورك ولاهنت