لابوّ مَن بيمناه ماهوب شبعان/لامقنع لروس"ولامشبع بطون

[معلومات العضو مبارك بن الجوير]

لـيلة ربوع بوقت من شـهر شعبــان
حـد الـسمـا ظـلـمـا تـغبـّت بـلا لـون

‏الـيـوم ثــالـث و إلاّ رابــع كــما كـان
‏كـان بـْمـهلّـه و القمر كان عـرجـون

حتى نـجــوم الليـل ماهـيب تـنـبـان
كِـنّ القـمر طـلاّب والنـجم مـديــون

فـكري الظـلام بوقـتها عندي جِنـان
حتـيش وإن قالوا عن الفكر مجنون

لا زان بــالي طـاري الشـعر يـنـزان
حد القـصايد زار انا فراسي سكون

‏وأَعـوذ أنا بـالله مِـن كـلّ شِـيـطــان
‏دام النـوايـا بيــض فـإبلـيس ملعون

‎كـنّ آعـترّى راسي من الجن بطـرّان
طحطـوح بالطنـخات والراس دنـدون

مـاله بـنـفـسه كود بِـغْـنّـاه طــربـان
يسهر يجرّ الصوت ولايبْات مشحـون

لا لـه بـشق الجيب ولاهوب جوبـان
ماغـير يـبـدع ما طـرا لـه مِـن لحـون

مـاهو مِـن اللي بالغـثا دوم بلـشان
يـبــلي عـباد الله على هـمّ وظـنون

جـرّيـتـنـا بـَالـصـوت أجــاريـه ولـهـان
إمـبـيـح الليّ بـيـن الأضـلاع مـكـنـون
‏
أشلّ أنا الطـاروق من فـيض الأحزان
ويِشلّ طاروقي على حـسّ وشجون

آآغـنّيّ الأبـيـات على كـيـف مـاكــان
يـومه معي غنى على كيف مايكـون

سِبّة ردّى ناس" جِزا طيب وإحسـان
يـومنّ جزا الإحسان ذا الوقت بالهون

داام الــردي عِـنـد الامـانّــات خَـــوّان
فسَدّ الأمـانـة عِند الاجـواد مـصـيّـون‎

‏يَانـعـنّـبا شخصٍ على الضعف ضَرّيَان
‏يـا عْلّ ذِكـره بـطـاري الـذِلّ مـايـهـون

لـوّهْ غـدى فِــرعـون‎ بـأصـيـر هـَـامِّـان
ولاهيّ على هامان تمشي يافرعـون

و لابـوّ مَـن بـيـمـنـاه ماهوب شـبـعان
لا مـقِـنـعْ لـروس ٍ ولا مـشـبع بـطـون

لا هو مِـن الـمـعــزا ولاهو من الضـان
‏لا مـــروّح" دربـــه و لا مـــعــود" دون

وعَـبـدالـمـُعـيـن اللـيّ تـِـعـزوّاه عـوّان
مـايـدري بعـبدالمُـعـين فـعـازة العـون

لو صار في هذا الزمــن للـردي شـان
شـان الردي عند الطحــاطـيح مدفون
‏
تَـبـقى الرخـامـة للـردّي فيه عـنــوان
الـذّل سِــجّـن" والـردي فيه مسجون
‏
والله حَسِــيب الليّ على ليل شعبان
وش عــاد عَـيّـنـله مِن الـجـن دنــدون

جـَـريـت أنـا صـوتـي ولانـيـب طـربـان
أسـهـر وانـا أغـنّيّ ولاآبـات مشحـون

 

 

 

 

[معلومات العضو الـــــــــذرب]

مبارك الجوير صح الله لسانك واعتلى شانك يالقرم على القصيده الرائعه


تقبل ودي وتقديري


الـــــــــذرب

 

 

 

 

[معلومات العضو ناصر بن فهد]

صح لسانك يا مبارك ابن جويرُ
واعتلى شاانك على القصيده الطيبهُ
وانت مبدع بمعنى الكلمهُ ..
وتقبل موروري

 

 

 

 

[معلومات العضو نايف الخييلي]

صح لسانك ياولد ابوي على ذا الوافيه الجزله

شهادتي مجروحه وانت اكبر من اني اثني على قصايدك

اعجابي بك يتجدد فـ صــح لسانك لين ترضى

 

 

 

 

[معلومات العضو شافي بن راشد النتيفات]

مبارك الجوير

كما عهدناك مبدع دائما صح لسانك ملايين قصيدة جميلة وجزلة تعبر عن موضوع ياكثر اللي يعاني منه الله يعين تقبل مروري لاعدمتك

 

 

 

 

[معلومات العضو ابوبدر المصارير]

ياسسسسسسسسسسسسلام صح الله السانك

واعتلى شانك قصيده جزله من شاعر متمكن وجزل

لله درك على هذا الابداع

والله يعطيك العافيه لاهنت

 

 

 

 

[معلومات العضو دغش محمد الصخابرة]

صح لسانك يا مبارك ابن جويرُ
واعتلى شاانك على القصيده

وتقبل موروري

 

 

 

 

[معلومات العضو تركي المشاويه]

صح السانك وبارك الله فيك
ولك مني احلا تحيه

 

 

 

 

[معلومات العضو مبارك بن الجوير]

اقتباس:المشاركة الأصلية كتبت بواسطة الـــــــــذربمبارك الجوير صح الله لسانك واعتلى شانك يالقرم على القصيده الرائعه


تقبل ودي وتقديري


الـــــــــذرب


اخوووي الذرب
اررحب وانا اخوووك
صح الله ابدنك يا ذيبان والروعة بمرورك الغالي
لك اجمل الود واجلّ التقدير ياذرب الاطباع..

 

 

 

 

[معلومات العضو مبارك بن الجوير]

اقتباس:المشاركة الأصلية كتبت بواسطة ناصر فهد الدوسريصح لسانك يا مبارك ابن جويرُ
واعتلى شاانك على القصيده الطيبهُ
وانت مبدع بمعنى الكلمهُ ..
وتقبل موروري



صح الله ابدنك وعمرك يابوفهد
وشااااانك رفييييع يا القرم
واللي اطيّب من القصيدة مرورك الغالي
تشرفت المشاركة وكاتبها بهالمرور المضيء..
اسعد الله اياااامك يا ناصر كما اسعدني مرورك..

 

 

 

 

[معلومات العضو حسن بن بطحيه]

صح الله السانك يابن عمي ودمت بالف خير..

 

 

 

 

[معلومات العضو مبارك بن الجوير]

اقتباس:المشاركة الأصلية كتبت بواسطة نايف الخييليصح لسانك ياولد ابوي على ذا الوافيه الجزله

شهادتي مجروحه وانت اكبر من اني اثني على قصايدك

اعجابي بك يتجدد فـ صــح لسانك لين ترضى


اررررحب يابوفهااااد
لك الوفاء كله مع سابق العهد
من الغلا ومن الولا و المعـزة

صح الله ابدنك وانا اخوووك وشانك رفيييع
مرورك عز..
وردك جمالة..
واشادتك واعجابك شرف..
ابيض وجه ياولد ابوووي اول وتالي...
اضاءت متصفحي يانايف لاخلا ولا عدم..

 

 

 

 

[معلومات العضو مبارك بن الجوير]

المشاركة الأصلية كتبت بواسطة شافي النتيفات

مبارك الجوير

كما عهدناك مبدع دائما صح لسانك ملايين قصيدة جميلة وجزلة تعبر عن موضوع ياكثر اللي يعاني منه الله يعين تقبل مروري لاعدمتك

صح الله ابدنك يا شافي لييين ترضى
مرور يجمّل القصيدة وكاتبها
لاخلا ولاعدم يابن شلاح..

 

 

 

 

[معلومات العضو عقاب بن هذال ال بريك]

صح لسانك ملييييييييار يابن جوير وقصيده جزله من شاعر جزل ...

كل الود ..

 

 

 

 

[معلومات العضو مبارك بن الجوير]

اقتباس:المشاركة الأصلية كتبت بواسطة ابوبدر المصارير

ياسسسسسسسسسسسسلام صح الله السانك

واعتلى شانك قصيده جزله من شاعر متمكن وجزل

لله درك على هذا الابداع

والله يعطيك العافيه لاهنت

ارررحب يا بوبدر
وصح الله ابدنك لييييين ترضى وانا اخوووك
والابداع والله مايكتمل الا بمرور شرواااك
وادام الله عزك ياصبي المصارير
ولايحرمنا من هالتواجد الطيب والغالي والله
اسعدني مرورك يا بوبدر لاهنت..