سلام يـا (وادي دواسر) الفخـر والمباهـاهـ

[معلومات العضو عادلة]

أعجبتي هذه القصيدة وحبيت انقلها لكم[COLOR="Green"]

بديـت بسـم اللـي لـه الكـل لبّـاه=رب(ن) عظيم(ن) خالق الجن من نـار
ومن بعدها باختار من قولـي أصفـاه=وانثر في شعري كل جزل(ن) ومختـار
وما كل من يطلـب مـراد(ن) بيلقـاه=وما كل من ينظم حـروف(ن) بشعّـار
بعض الشعر أردى من الـدون معنـاه=وبعض الشعر يطرب كما يطرب الطار!
وبعض الشعـر مـا لـه وزون تقفّـاه=ماهوب شعر.. إلا شعير(ن) وأمـرار!
ويا ناشدن عنـي خـذ العلـم باتـلاه=خذها جزيلة مـن جميـلات الأشعـار
يطرب بها سمعـك وذوقـك بيرضـاه=يجري بوزن(ن) مثل جـري الأنهـار
أنـا للعـز حـزت أصلـه وأعــلاه=ولد الدواسـر بالفخـر أجهـر إجهـار
حنا الدواسر أصل فخـر(ن) ومزهـا=حرّ(ن) أصيل(ن) من ولد نسل الأحرار
الطيب طبعه والكـرم أصـل منشـاه=من زود طيبـه منـه الطيـب يحتـار
كسّاب صيـت(ن) والفخـر دوم ويّـاه=وفالحق صارم مثل سيـف(ن) وبتّـار
ما خاب من يزبنـه يـوم(ن) وينصـاه=يغيث من هو من عنا الوقـت منهـار
من هو طلبـه الجـود عانـه وهنّـاه=يعطي وما لـه فالعطـا مـنّ تذكـار
صحيـح مـات لكـن المجـد أبـقـاه=ما مات في التاريـخ قـرم(ن) وجبّـار
وعن ديرتي يا ناشـدي خـذ مسمّـاه= (وادي الدواسر) نبع الطيـب والمجـد والكـار
سلام يـا (وادي دواسر) الفخـر والمباهـاه=يا جنة(ن) تسلب عقـول(ن) وأبصـار
يا (وادي الدواسر)مالك فـي مفاخـرك أشبـاه=صيتك لنا يا ديرتي حصـن وأسـوار
ذخر(ن) لاهلها سعْد من هـو بيغشـاه=أرض الجمال اللي بها الخيـر مـدرار
يفـز قلبـي كـل مـا مـر طـريـاه=ويحنّ شوقـي لجـل حبـي لهالـدار
الديـن فرجالـه مـن أكبـر مزايـاه=وأهله من أشرف ناس عز(ن) ومقـدار
ومن طاب أصله بان طيبه في منحـاه=-ينفع كمـا تنفـع محيطـات وأبحـار
وإلا الـردي يـا كثـر شـرّه وبلـواه=وما يصحبه يا كـود جاهـل وضـرّار
وآخـر كلامـي أدعـي الــرب يالله=صلّي وسلـم ع النبـي سِيْـد الأبـرار

آفتخر بآني أنتمي لهآالقبيلهـ ولآ هآنو بآقي القبآيل

تحيآتي

 

 

 

 

[معلومات العضو محمد بن حمد الشكرة]

الله يعطيتس العافية اختي عادلة على نقل الابيات الجزلة والجميلة ويستاهلون لابتي العلوم الغانمة ارق التحايا

 

 

 

 

[معلومات العضو مصدرمنسي]

مشكوره على هذه القصيدة

التي أجمل من جميلة

صح لسان شاعرها وتسلم يمينك

 

 

 

 

[معلومات العضو عادلة]

المشاركة الأصلية كتبت بواسطة محمد بن حمد الشكرة

الأخ الفاضل/محمد بن حمد الشكرة
شكراً لتعطيرك موضوعنا لك أجمل المنى وأزكى التحيات

 

 

 

 

[معلومات العضو عادلة]

المشاركة الأصلية كتبت بواسطة مصدرمنسي

مشكوره على هذه القصيدة

التي أجمل من جميلة

صح لسان شاعرها وتسلم يمينك

سعداء بتواجدك معانا..

 

 

 

 

[معلومات العضو ناصر بن فهد]

.
.
•
صح لسانكُ وصح لسان قايهآ
الله يعطيكُ الف عافيه على النقل الراائع
ولآهنتي يا عادلهُ

 

 

 

 

[معلومات العضو عادلة]

المشاركة الأصلية كتبت بواسطة ناصر الفصام

.
.
•
صح لسانكُ وصح لسان قايهآ
الله يعطيكُ الف عافيه على النقل الراائع
ولآهنتي يا عادلهُ

شرفت موضوعي أخوي ناصر

 

 

 

 

[معلومات العضو عبدالله الحافر الغييثي]

لاهنتي على النقل الرائع ويعيطك الف عافيه واسمحي لي على نقل هنا لانه موقعها المناسب

 

 

 

 

[معلومات العضو سفير الشيوخ]

أنـــــا لـلــعــز حـــــزت أصـــلـــه وأعــــــلاه
ولـــد الـدواســر بـالـفـخـر أجــهــر إجــهــار

حـنــا الـدواســر أصـــل فـخــر(ن) ومــزهــا
حـرّ(ن) أصيـل(ن) مـن ولـد نـسـل الأحــرار


مشكووره عادله ع النقل المميز ..

ودي وتقديري

 

 

 

 

[معلومات العضو المهره]

..