اعلان عن ناقه ضايعه منهي له

[معلومات العضو ابو فزّاع]

الأخوة الأعزاء
السلام عليكم ورحمة الله وبركاته

احب ان أعلن عن ناقه ضايعه وموجودة مع ابلي قرابة ستة أشهر والى الآن ما فيه احد سأل عنها

ملاحظة : الناقه جاتني جهة ( كبري سعد ) ونا الآن في ضواحي الخرج

هذا رقم الجوال 0557438737

 

 

 

 

[معلومات العضو ابو حسين الدوسري]

الله يجزاك خير يبو فزاع هذا ان دل على امانك وطيب اصلك

لك تحياتي وتقديري

 

 

 

 

[معلومات العضو متعب الشكري]

عليها وسم ياليت تعلمنا بالوسم عشان يمكن احد يعرفها ولأهنت على كل حال

 

 

 

 

[معلومات العضو ابومبخوت الدوسري]

الله يجزاك خير يبو فزاع هذا ان دل على امانك وطيب اصلك لك تحياتي وتقديري

 

 

 

 

[معلومات العضو ابو زابن المسعري]

ويش لانها ويش وسمها يابو فزاع

والله لايهينك على كل حال

 

 

 

 

[معلومات العضو ابوبدر المصارير]

بيض الله وجهك يابو فزاع عزالله ما قصرت من رعايتك لها طول هذه الفتره

وواضح انك ساعي في البحث عن صاحبها

وياليت تزودنا بتفاصيل اكثر عن الون والوسم مثل ماذكرو الاخوان لاهنت

 

 

 

 

[معلومات العضو درعان بن عبدالله]

الله يجزاك خير يبو فزاع هذا ان دل على امانك وطيب اصلك

 

 

 

 

[معلومات العضو ناصر فياض الودعاني]

الله يبيض وجهك كانك تبي الخير ويدل على أمانتك

بس مثل ماقالو الأخوان وش وسمها

 

 

 

 

[معلومات العضو ابو فزّاع]

الناقه ( مجهم ) و ( غفل ) وما عليها وسم

 

 

 

 

[معلومات العضو عبدالمجيد]

ممكن صوره للناقة للتوضيح بارك الله فيك وشكرلك سعيك..................

 

 

 

 

[معلومات العضو ابو فزّاع]

هلا والله اخوي والله ان ودي بتوضيح اكبر عشان افتك من مسئولية الناقة

والمعلومات اللي تفيد صاحب الناقه أوردناها أما بالنسبة للصورة فأعتذر عنها

لكي لا أفتح مجال لغير صاحبها .

ولك مني فائق التحية والاحترام .

 

 

 

 

[معلومات العضو ابو فهد الغييثي]

الله يجزاك خير يبو فزاع هذا ان دل على امانك وطيب اصلك

لك تحياتي وتقديري

 

 

 

 

[معلومات العضو ابو فزّاع]

لاهنت اخوي ابو فهد

الحقيقه وازيدك من الشعر بيت الناقة الحين قدها خلفه وجابت بكره يعني ابتلشنا اكثر

لكن نقول عسى الله يجيب راعيها اليوم قبل بكره

 

 

 

 

[معلومات العضو عبدالله الفاران]

الله يجزاك خير يبو فزاع هذا ان دل على امانك وطيب اصلك

لك تحياتي وتقديري

 

 

 

 

[معلومات العضو فهد الاكلبي]

ابو فزاع لاهنت طال عمرك

لكن الناقه فيها كيه ظب في وحده من إديها

وشكرا